هيدي كرم تطالب بتجديد مترو مصر الجديدة

كتبت- علياء أحمد :
طالبت الفنانة هيدي كرم بتجديد مترو مصر الجديدة، وذلك من خلال نشرها صورة للمترو، مدون عليها "عايزين مترو جديد في مصر الجديدة"، وذلك عبر حسابها الرسمي علي موقع تبادل الصور والفيديوهات الشهير "إنستجرام".
وعلقت "هيدي علي الصورة قائلة: "لمترو في مصر الجديدة مش بس جزء من تراث المكان .. مش هانتكلم عن ده علشان ده كلام الناس المرفهين .. لكن لو هانتكلم عن الرحمة اللي هايرحمنا منها المترو .. هانقول كتير .. زحمة الميكروباصات المكدسة دلوقتي في كل مناطق مصر الجديدة واللي بقت عاملة
أزمة مرور لكل الناس ..زحمة الأوتوبيسات العامة اللي بقت موجودة بشكل كبير .. ومع مشكلة البنزين وزيادة أسعار المحروقات كل المواصلات دي غليت جدا .. المترو وسيلة مواصلات سهلة ورخيصة وسريعة لكل الناس .. وسكان مصر الجديدة بمختلف مستوياتهم كانوا في وقت من الأوقات بيركبوا المترو ده ..وعلى فكرة مترو الأنفاق مش تعويض عن المترو العادي .. المترو العادي له محطات كتير جدا جوة مصر الجديدة ومعمول علشان يخدم المنطقة نفسها غير
مترو الأنفاق . كتير من البلاد المتقدمة عندها مترو أنفاق لكن عندها كمان مترو عادي لأنها عارفة كويس أوي أهميته .. ده غير بقا أن مترو مصر الجديدة جزء مهم أوي من تراث المكان لأن عمره من عمر إنشاء البارون لمصر الجديدة .. وبأكد على كلمة تراث لأننا بلد سياحية . لو عايزين تدعموا حملة مترو جديد في مصر الجديدة ابعتوا فيديو لمدة عشر ثوان تتكلموا فيه عن مترو مصر الجديدة ذكرايتكم أهميته أو أي حاجة عايزين تقولوها عن الموضوع ده.
ويذكر أن آخر أعمال الفنانة "هيدي" مسلسل "سابع جار " وشارك في هذا العمل الفنانة دلال عبد العزيز، شيرين، نيكولا معوض، هاني عادل، محمود البزاوي، وحقق العمل نسبة مشاهدة عالية.