الفيسبوكيون بغضب: لا لغلق "نجوم إف إم"

حالة من الغضب والإستياء إجتاحت "الفيس بوك" خلال الأيام الماضية اعتراضاً على إغلاق الإذاعة الشبابية الأشهر "نجوم إف إم".
وبرغم ما قيل عن نفي الإذاعة لغلقها، إلا أن أعضاء كثيرون انتقدوا اتحاد الإذاعة والتليفزيون تجاه الإذاعة. وتعود أزمة الإذاعة مع إنتهاء عقد تأجيرها للتردد الذي تبث عليه في إبريل المقبل، وإتجاه الاتحاد نحو الدخول كشريك بنسبة 50% من قيمة الإعلانات. ولفت البعض إلى إنه برغم موافقة إدارة "نجوم أف أم" على هذه الشروط الجديدة للاتحاد؛ إلا أن هناك تعمد في تعطيل إصدار هذا القرار بتجديد العقد، والإتجاه نحو ضم الإذاعة إلى مجموعة إذاعات راديو النيل الجديدة.
عيلة ع القهوة
وعكست المجموعات والصفحات التي دشنت على الفور بعد تردد إلغاء القناة، وتجاوز أعضائها الآلاف خلال ساعات قليلة، إعتراضاً على غلق الإذاعة بشكل عام، وكان من أبرز المعترضين على قرار الإغلاق هم مستمعي برنامج (ع القهوة) للمذيع أحمد يونس، نظراً لنجاح البرنامج في عمل قاعدة عريضة من المستمعين، بعد أن نجح من الخروج من نطاق الاستماع والتلقي إلى دور المشاركة في الكثير من المبادرات التطوعية التي يطلقها البرنامج.
وكانت من أبرز التعليقات التي تضمنتها الصفحات:
مينفعش الإذاعة تتقفل، دى أول إذاعة وصلت بجد للناس وخصوصاً الشباب، وكمان الكبار فى الوقت اللى كان الراديو بالنسبة لنا حاجة معدمة ومش بنفكر نسمعه أصلاً.
أكيد لازم يكونوا عينهم في الإذاعة لإنها الأكبر وكل الحكاية هي استغلال لنجاحها.. بجد حسبي الله ونعم الوكيل.
نجوم هى اللى غيرت شكل ومضمون الراديو فى مصر وتعتبر أصل لكل الإذاعات الجديدة.
أنا مش مستعد أقول لأولادي كان زمان في إذاعة إسمها نجوم إف إم، كانت بتلمنا حوليها وكانت بتشجعنا على فعل الخير وكانت أحلى وأجمل أيام في حياتنا.
بيتعاملوا مع كل فكرة ناجحة بنفس العقليه القديمة فساد أو روتين.
للأسف كل حاجه كويسه مصيرها أصبح في إيد كارهي البلد
كل الإذاعات الجديدة اتعملت بعد نجاح نجوم أف أم علشان كده بيكافئوها بقفلها، والله برافو!!
الإذاعة متنوعة ما بين البرامج الحوارية، السياسية، والدينية ده غير برامج الأفكار والتنمية، حرام تتقفل.
طبعاً ما أي حاجة ناجحة تتهاجم وتتقفل لصالح ناس تانية!.
- هما إيه مش لقيين حاجه يعملوها؟!، سيبكوا من إنها جددت معنى الراديو وعملتله لوك جديد، كفاية إنها فاتحه بيوت ناس كتيير مش ناقصين بطالة أكتر من كده.. فكروا بقى خربتوا البلد حرااام
يعني المحطة الوحيدة اللي بثق في أخبارها ومذيعيها يقفلوها؟!!!
أنا لو فكرت أنزل مظاهرات هانزل في مليونية لا لإغلاق نجوم إف إم
لينا معاها ذكريات كتير .. ازاي تتقفل ؟!!! مش فاهم.