ريهام أيمن: أنا مبخفش من الحسد

نشرت الفنانة ريهام أيمن، عبر حسابها الشخصي بموقع التواصل الاجتماعي "إنستجرام"، صورة لها تجمعها بزوجها شريف رمزي و نجلهما رمزي.
وعلقت علي الصورة قائلة:" هو أنا بطلب أشوف ولاد أي حد فيكو أو ولاد أي مشاهير حتي أكيد لأ عشان مش من حقي، لما تحب فنان انت بتحبه هو لفنه وأعماله اللي بتشوفها و لما تحب تشوف صور هتبقي ليه هو مش لولاده.. أنا ابني مش فنان ولا مشهور عشان تحبو تشوفو صور ليه علي صفحتي أنا.. لما يكبر و هو ياخد قرار انه عايز يبقي مشهور هتشوفو صور ليه علي صفحته الشخصية إن شاء الله".
وتابعت قائلة:" لكن أنا مبخفش من الحسد و مفيش حد هيحسد فنان بيحبه بالعكس هيفرحله و يتمناله الخير هو و ولاده و ده اللي انا متأكده منه، ياريت و أنت بتكتب تعليق لأي فنان حط نفسك مكانه الأول هتلاقي إن أنت نفسك متقبلش حد يقولك تعمل إيه و متعملش إيه في حياتك الشخصية بمعني أدق الغير فنية و إن ده الأكاونت بتاعك أنت تنزل اللي أنت عاوزه طالما مش بتضر حد و اللي مش عجبه حاجة أو مستفز من شئ بسيطة بس يعمل unfollow أسهل من إنه يكتب تعليق، ربنا يخليلكو ولادكو اللي أكيد كلهم حلوين أوى و يحفظهم لكم دايماً من كل شر و يشفي كل الأطفال المرضي و يعين أهاليهم أمين يا رب....مع حبي و إحترامي للجميع".