فيس بوك: لو حق خالد مجاش تبقى مصر مفيهاش رجالة

"بيك يا خالد بدأت الثورة وبيك هتكمل، من النهاردة مفيش فى مصر عيد إلا لما خالد يبقى سعيد"، هذا هو ما تبادر على أذهان العديد من أعضاء صفحة "لو حق خالد مجاش تبقى مصر مفيهاش رجالة" التي دشنت أمس الاربعاء على موقع التواصل الاجتماعي "فيس بوك" تنديدا بالحكم الصادر أمس في قضية خالد سعيد والتي انتهت بالحكم بالسجن المشدد سبع سنوات للقتلة.
تميزت صفحة " لو حق خالد مجاش تبقى مصر مفيهاش رجالة" بالهتافات الثورية وحماسة الشعب التي اندلعت في ميدان التحرير خلال أيام الثورة وحتى تنحى مبارك، وقال مؤسس الصفحة :وحياة دمك يا شهيد لالبس أسود يوم العيد، ويا نجيب حقهم، يا نموت زيهم، دم خالد ودم كل الشهداء مش رخيص يا بلد، ومش هقول الثورة مستمرة، لكن هقول الثورة لسة هتبدأ، خالد اتقتل النهاردة تانى وهيتقتل كل يوم طول ما إحنا ساكتين، دمك ودم كل شهيد امانة فى رقابنا ليوم الدين يا خالد، ومصر كلها رجالة، ومش هنخاف ومش هنطاطى إحنا نسينا الصوت الواطى.
وأضاف:مصر كلها رجالة ومش هنسيب حقك يا خالد، زى ما خالد سعيد كان بداية ثورتنا، إن شاء الله هيبقى هو السبب فى تكملة ثورتنا والقضاء على كل فاسد، فقد قال الله سبحانه وتعالى : "وَلَكُمْ فِي الْقِصَاصِ حَيَاةٌ يَاْ أُولِيْ الأَلْبَابِ لَعَلَّكُمْ تَتَّقُونَ".
وأوضح أن من تعرض للتعذيب والإهانة وسلب حقه ليس خالد سعيد بمفرده بل العديد من المصريين، قائلاً: مش خالد لوحده اللى مات ظلم ياشباب بجد فى اكتر من الف شخص ماتوا ظلم بس قضية خالد هى اللي صحت الناس عشان ربنا مش بيقبل بالظلم ولازم يفضح صاحبه فى يوم من الأيام، وإن كان القتل عقوبته 7 سنين سجن، هنقتل مبارك والمشير وكل الفلول، وفى كل واحد هيتقتل منهم هناخد 7 سنين سجن.
وأعرب مؤسس الصفحة عن سعادته البالغة من الهجوم الشديد على الصفحة من أبناء مبارك الذي طالبوا بإغلاق الصفحة قائلاً: أنا فرحان أوى بالهجوم الشديد اللى على صفحاتنا من ابناء المخلوع، والصفحة لسة عمرها مكملش يوم، وهما متأكدين إن الصفحة ان شاء الله هيبقى ليها تأثير عشان كدة خايفين وبيهاجموا الصفحة زى البلطجية، فمؤيدو المخلوع هم أصحاب نظرية بسكلتة الإنتاج وجميعهم مؤجورون من أجل تشكيل معارضة وهمية للثورة أمام البسطاء والمجتمع الدولى".
وتابع حديثه عن الحكم الصادر ضد قتلة خالد سعيد قائلاً: المتهمون أخدوا 7 سنين حكم مشدد طيب والي كتبوا التقرير ! والراجل بتاع سكسفنيا الخنق ! والضابط اللي حرض علي ضربه والمأمور اللي حصلت في نطاق مسئوليته الحادثة ! طيب والإعلام المضلل للقضية من بدايتها لنهايتها كل دول ايه براءة ولا حد سأل عنهم ؟! ولا هما بيجيبولنا اتنين كبش فدا بحكم واهى ونسكت وخلاص ؟!.
وقال ساخراً: لما المدنيين يأخذوا 15 سنة في محاكمات عسكرية وقتلة خالد سعيد 7 سنين، على كدة حسني مبارك وعياله هيكسبوا رحلة حج وعمرة والعادلى هيكسب تليفزيون ملون، وأضاف : وقسما بالله ما هنسيب حقك يا خالد ولازم تبقى سعيد، لو القتل عقوبته 7 سنين سجن، يبقى هنقتل كلاب مبارك كلهم ومجتش على 7 سنين.
وتساءل مؤسس الصفحة : لو أخوك اتقتل، واللى قتلوه اتحكم عليهم ب7 سنين سجن هتعمل إيه ؟!، فأجابه الأعضاء والحزن ساكن صدورهم جميعاً: هنآخد بالثأر؛ فقال العضو محمود صلاح : حشيل سلاح وحقتل أى ظابط أو امين شرطة ألاقيه ومش حفرق،علشان يحسوا إن فيه ثورة بجد وان حق الشهيد رجع، وأضافت نيفين عمرو : حاخد حقى بإيدى طلاما القانون مجبليش حقى كده يبقى عدانا العيب عشان ده تهريج مش حكم، وقالت دينا محمد : هجيب حقه 28 اكتوبر وآخد بثأره، وأضاف شوقي المكاوي :والله لقطعهم بأسناني.