بالفيديو. عمرو أديب لتوفيق عكاشة: كفاية هبل وعته اي عيل في 6 ابريل برقبتك

انتقد الإعلامي عمرو أديب، تصرفات الإعلامي والنائب البرلماني توفيق عكاشة، وهجومه غير المبرر على الأجهزة السيادية في الدولة، لأسباب شخصية.
وقال خلال برنامجه "القاهرة اليوم" المذاع على فضائية "اليوم": "انا تعبت بقى الواحد دماغه باظت .. كفاية بقى الهبل والعته اللى احنا عايشين فيه ده".
وتابع "معنديش مانع يكون لك علاقة بالأجهزة السيادية، لكن لما تكون علاقتك كويسة بيهم تقول عليهم كويسين، واما ميعمولش اللى انت عايزه يبقوا وحشين".
وأضاف "هما بصراحة دلعوه جدا، يعني انا مقدرش اعمل ربع اللى بيعمله عكاشة، واهوبص الموهابصة بتاعته وكل البلد بتصدقه عادي، رئيس برلمان ايه اللى انت عايز تترشحله، وانت بتتمول من جهة أجنبيه .. وانت اللى قولت كده وبتقول ان الامن كلم النواب علشان مش ينتخبوك.. وبيقول الكلام ده عادب".
وتابع "في ناس مسجونة هنا في قضايا زي دي .. ايه اللى بيجرا في البلد ده .. والغريبة ان الناس عندها حالة من العته وسايقة الهبل على الشيطنة .. ده انت يوم ما اتسجنت اتسجنت في قضية نفقة .. قعد يومين بس في السجن، اي عيل في 6 ابريل برقبته .. انا زهقت .. دكتوراه ايه وانت مبتعرفش تتكلم كلمتين انجليزي على بعض".
الفيديو..