في خطوات..نصائح لإنجاح الكنافة

بمناسبة قدوم شهر رمضان الكريم، يقدم لنا الشيف هشام ماجد مجموعة من النصائح والأسباب لنجاح الكنافه بالتفصيل
1- ( الكنافه )
بالنسبه للكنافه اى نوع ممكن نستخدمه طبعا حتى لو نوعية الكنافه مش كويسه مافى مشكله المهم ما تكنش متماسكه كتله واحده لانها لو متماسكه كتله واحده تبقى مش كنافة.
2-(السمنه )
هناك انواع كتير من السمنه ويستحسن تكون سمن بلدى او اى نوع تفضليه مافى مشكله ولو ممكن كمان بالزيت.
3- (سكر بودره وفانليا سائلة)
من اهم الاشياء لان السكر بيخلى الكنافه بعد ما تستوى متماسكه ولونها يكون ذهبى رائع والفانليا السائله لما بتدخل الفرن بتذيد ريحتها وبتكون الكنافه لها رائحه ممتازة.
4- ( كريم الحشو)
طريقته مثل المهلبيه ويستحسن لا نضيف له السكر حتى لا تصبح الكنافه ثقيله على المعده
لكل كيلو حليب 70 جرام نشا
لما يغلى الحليب ندوب النشا فى كوب ماء ونضيفه للحليب مع التقليب جيدا وتترك لتبرد
قبل ما نقوم بحشو الكنافه بيها نضيف قليل من السمنه السايحه هتعطيها طعم حلو وتجعلها ناعمه اثناء الاكل
5- (الشربات او الشيره او القطر)
شربات الكنافه بيكون اتقل من شربات البسبوسه
مقداره بيكون .....كوب ماء+ كوب ونص سكر+ نص ليمونه مقطعه + نص معلقة فانليا
أهم شيء فى الشربات أن الشربات بعد الغليان بثلاث دقائق فقط تنزليه من على النار لسببين
أولا حتى لا يتغير لونه وطعمه مع الغليان الكتير.
ثانيا لو غلى أكثر من الازم بيعمل حموضه فى المعدة وحرقان بالصدر.
6- (التقديم)
أثناء خروج الكنافه من الفرن بعد التسويه تحرك الصينيه لتفادي أي التصاقات فى قاع الصينية.
وتسقى بالشربات سواء أكان ساخنا أم بارد، مع الحرص على عدم قلب الكنافة الا بعد أن تبرد تماما ، وعندما تقلب لاترفع الصنية الا بعد التأكد من إتمام نزول الصينية على طبق التقديم.