ناشط سياسى يكشف فضيحة جديدة للكتيبتين الإلكترونيتن اللتان تحدث عنهما "السيسى"(صور)

فى فضيحة مدوية جديدة، لكتائب العسكر الإلكترونية، التى باتت مكشوفة تمامًا للشعب المصرى ومستخدمى مواقع التواصل، بسبب دفاعها عن "السيسى"، والترويج بإنه حامى الوطن وراعيه، كشف المهندس أحمد محسن، أحد أكثر النشطاء المؤثرين على موقع التواصل الاجتماعي "فيسبوك"، والذي يحظى بمتابعة أكثر من 55 ألف ناشط آخر، عن التفاصيل الكاملة لما أسماها ب"كتيبتي السيسي" واللتين يطلق عليهما اللجان الإلكترونية التي تعمل على مهاجمة وتخوين أى معارض وتشن حملات ممنهجة ضمن تعليمات تصدر لهم ضد معارضين.
وهما نفس الكتيبتين اللتان قد تحدث عنهما قائد الانقلاب العسكرى، عبدالفتاح السيسى، فى حديث سابق له العام الماضى، ليفضح نفسه أمام المصريين فى ذلك الوقت، لكن إعلامه أصر على اخفاء الأمر، حتى ظهرت فضيحة كتائب إبراهيم الجارحى فى وقت سابق.
وكشف "محسن" تفاصيل هذه اللجان، مُدعمًا كلامه بروابط صفحات وفيديوهات تؤكد نظريته.
وقال عبر حسابه الشخصى على موقع التواصل الإجتماعى: يوم 13 أبريل 2016 الماضى خرج السيسي بخطاب من خطاباته.. واللي دايما بيبحبح عن نفسه فيهم من غير ورق وقال (أنا ممكن بكتيبتين أدخل على النت وأعملها دايرة مقفولة والاعلاميين ياخدوا اخبار وشغل منها).
مرجع للخبر:
http://bit.ly/2fUE4qw
المقطع الاصلي :
http://bit.ly/2fUDQ2r
وتابع قائلاً: في يوم 13 أكتوبر2016 طلع تاني لكنه رحرح أوي المرة دي.. وقال أنا متابع الناس بتقول إيه على مواقع التواصل الاجتماعي.. وعليه.. نستنتج من التصريح الأول مع التصريح التاني إن السيسي متابع شغل الكتيبتين دول وبس.. (بيكتبوا إيه ويردوا على مين).
مرجع للتصريح التاني:
http://bit.ly/2fUEI7c
وأضاف الكاتب فى فضيحته لكتائب "السيسى" قائلاً: الكتيبتين فعليا موجودين ع الأرض.. وأكدوهم أكتر من مقرب.. آخرهم إبراهيم عيسى.. وهما نوعين .. نوع مدفوع وممول من صحف وصفحات فيس بوك وتويتر.. وهتكلم عنهم بروابطهم.. ونوع تاني بالتطوع .. والنوع ده بيشتغل عليه الموهومين بالوطنية المزيفة.. وإنهم بترويجهم لإشاعات وأكاذيب ومهاجمتهم لأراء الناس الوطنيين بجد ؛ يبقوا كده بيساعدوا البلد أنها تقف على رجليها وبيحموها.. والنوع ده انكشف منها واحدة أول امبارح باسم (جروب اتحاد مؤيدي الدولة).
رابط الجروب:
http://bit.ly/2fUDuJs
وأشار محسن قائلاً: فيه مقال بتاريخ: 26 سبتمبر 2014 .. للدكتور / مصطفى النجار على جريدة المصري اليوم .. عن شاب مصري اتقدم لوظيفة للعمل في موقع ع الإنترنت.. واما ملى الإبليكيشن اللي بيحدد توجهاته ولقوا دماغه هي والعدم سواء.. فطلبوه يشتغل.. ولما راح لهم شقة كبيرة في المهندسين فيها عدد كبير من الشباب على الكمبيوترات على كذا صف.. ولقى أن كل شغلتهم إنهم بينقلوا كلام من شاشة كبيرة قصادهم ويدخلوا على صفحات وبروفايلات معينة .. ويهاجموها بالكلام اللي مكتوب عالشاشة.
مرجع شهادته بالمقال:
http://bit.ly/2fUJi5G
وتابع أيضًا: وفيه شهادة تانية بتاريخ : 28 ابريل 2016 عن صحيفة (فرانس برنس) ترجمتها جريدة العربي الجديد بإن اللواء / عباس كامل أسس كتيبة من الجيش نفسه تحت إسم (مركز الإعلام الوطني للقوات المسلحة) بتشتغل شيفتين صباحي ومسائي.. هدفها الرئيسي تشويه المعارضة والهجوم على أصحاب الرأي منهم.
مرجع المقال:
http://bit.ly/2ft0hIY
وقال الكاتب فى منشورة المطول: اتطورت الحكاية ودخلت عالخط الصحف سواء مكتوبة أو الكترونية وبقينا نلاقي نفس العنوان وممكن بنفس اللون والفونت كمان (غالبا اللون أحمر.. والفونت نوعه المتين أو اكسترا بولد).. ولازالت الصحف دي شغالة كلجان الكترونية لحد دلوقتي كهدف ومضمون.. والأفق الضيق اللي بيديهم الأوامر والنصوص مابيعرفش يلون ولا يغير في الكلام وصولا لنفس المعنى.
مرجع لتلات صحف حالية بنفس مانشت الخبر:
http://bit.ly/2fsWhsf
واستطرد قوله: بعد كده ظهر كذا مذيع بيقول نفس كلام أخوه في برنامج تاني وقناة تانية ..من غير ولا حرف ناقص ولا حرف زيادة .. وولا فيه كسوف ولا خجل من أن ولاده اللي بيتفرجوا عليه في البيت ويقارنوه بالمعاتيه اللي شبهه في باقي البرامج والقنوات.
مرجع بالفيديو من أول الدقيقة 12 شوف كام إعلامي قال نفس الجملة:
http://bit.ly/2fUGqFT
وتابع: دخلنا بعد كده في أسلوب جديد وفريد من نوعه وهو أسلوب ( الحملات الموجهة ) .. صفحات باسماء رنانة زي ( الجيش المصري الالكتروني ) .. ( صفحة وزارة الداخلية الغير رسمية ) .. ( فخر مصر ) .. ( صفحة الجيش المصري ) .. الخ .. ودول معظم بوستاتهم هتلاقوا تحت كل بوست كلمة ( ممول ) .. وطبعا مبالغ صخمة جدا عشان يقدروا يوصلوا لعدد كبير .. وبرغم انهم وصلوا لملايين من المتابعين .. لكن طبعا التفاعل ضعيف جدا .. ودول وظيفتهم استباق تحريات الداخلية والمخابرات في حالة عدم وجود بيان رسمي ..
http://bit.ly/2fUHQjM
http://bit.ly/2fUJd1K
http://bit.ly/2fUHJVd
وقال أيضًا: مثال لكده مقطع سواق التوكتوك.. نزلوا بوست عالصفحات دي بيقولوا ( أقسم بالله إن دي بياناته وإنه مدرس ونسيبه مدير مدرسة إخوانية ) .. وطبعا المهابيل والمهاطيل يشيروا والكذبة تثبت .. وإكمنهم مجرد لجان في عداد لجان السيسي الممولة فمبيكلفوش خاطرهم ويرجعوا يمسحوا البوست بعد ما ظهر أنه مجرد راجل غلبان وسواق بجد .. لا .. ويصوروه ويخلوه ياعيني يهرتل بأي كلام من نوعية متسمعوش غير لمتحدث السيسي..
مرجع تصريح على صفحاتهم :
http://bit.ly/2fUGmWu
http://bit.ly/2fUK42t
http://bit.ly/2fUEuxd
مرجع لفيديو الراجل بعد ما وصلوله:
http://bit.ly/2fUPtXu
وتابع الكاتب: الفضيحة بتاعة أول امبارح مش جديدة.. ده جروب عاملاه دكتورة أسنان إسمها (شيماء رفعت).. وضافت عليه كام شخصية داعمة للسيسي من الشخصيات العامة .. وكان الهدف الأساسي هو المشاوره في دعم النظام .. إتغيرت الأحداث 300 درجة لما دخل عليهم (إبراهيم الجارحي) وده للي ميعرفوش كان صحفي وبيعمل برنامج عاليوتيوب بيعارض مبارك ومن بعده مرسي..
لكن لما وصل لترابيزة السيسي المستديرة في أول لقاء في القصر الجمهوري.. فبقى بسم الله ماشاء الله زي ما انتم شوفتم بيدي أوامر مباشرة لعدد 50 الف عضو في الجروب قربوا من 30 الف بعد الفضيحة .. والهدف عمل حملات تشويه للمعارضين ودعم للمؤيدين ..
مرجع الجروب وأوامر الجارحي فيه:
http://bit.ly/2fUKWnQ
ده حصل بعد الفضيحة اللي عملها لهم واحد منهم إسمه الدكتور / خالد رفعت .. الراجل بس حاول للحظة يستخدم عقله ويشوف الخراب اللي وصلت له مصر .. فإبراهيم الجارحي بعدها مباشرة اتصرف كأجبن واحد فيهم .. وأول واحد نط من المركب وخرج من الجروب كأدمن وكعضو كمان .. عشان يظهر مدى الخسة والنتانة والمقلب اللي عملوا مع اللي نفذوا كلامه وأوامره واللي طبعا جايله من فوق .. لكن أدامن الجروب رجعوه تاني عشان يظهروا برضه الفرق بين الممولين والأتباع اللي هم إسمهم ( القطيع ) ..
مرجع سكرين شوت لهروب الجارحي يوميها من الأدمن:
http://imgur.com/a/RurLR
مرجع إعادة الإضافة امبارح:
http://imgur.com/a/ndhms
طبعا طلع الجارحي بعدها ببيان ينزه نفسه من الوطيان وانه بيعمل كده لصالح مصر .. ومفيش تمويل ولا حاجة .. لكن اعلامي النظام الأول / ابراهيم عيسى ثبت عليه التمويل .. فقعد إبراهيم الجارحي يعمل بلوك وبان لأي حد بيدخل يعلق له عالبيان الأهبل بتاعه ..
مرجع بيان الجارحي:
http://bit.ly/2fUM8Yh
مرجع تصريح إبراهيم عيسى بالفيديو:
http://bit.ly/2fUNr9G
دخلت بنفسي الجروب بتاعهم وللأسف لقيت بوستات أقل ما توصف بيه هي الحقارة .. منها .. واحد عايز يبلغ عن زميله في الشغل عشان معارض للدولة .. وواحد عايزهم يعتقلوا أب وعياله طالعين بيغنوا بلحة يابلحة وجايبين بياناته .. ده غير بوستات عايزين لها شير بالأمر المباشر .. أو دعم لحسابات وهمية بتقع .. أو متابعة لشخص مش معروف ..
مرجع لبوست من السفالات عالجروب:
http://imgur.com/a/rUJEF
أخيرا .. اللجان الالكترونية ومعاها اللجان على الأرض أغلبهم أشباه بشر فاكرين إنهم وطنيين وبيحبوا بلدهم وبيحموها من أعداءها .. لكن على مر التاريخ فيه حقيقة مؤكدة دايما بيبلبسوا فيها .. وهي إنهم كانوا ولازالوا بيعبدوا حاكم الدولة وبينزوه من أي أخطاء .. زي الإله .. وأقل واحد فيهم حاطط في عقله إن الحاكم مؤيد من ربنا رأسا وعشان كده سايبه ونسي أية (وأُملي لهم)..
أما لما بيسقط الحاكم تحت أقدام الشعب الثائر .. بيظهروا على حقيقتهم .. مجرد جبناء احتموا في سطوة حاكم أجبن منهم .. وساعتها بيلعنوا بلدهم باللي فيها .. وبيشتروا الخيانة لأعداء الدولة بالغالي والنفيس .. ده إذا عرفوا اصلا يهربوا من حبل المشنقة .. أما رسالتي للغلابة منهم .. أنتم مش روجتوا للدولار إنه بيقع عشان البنك يلم فلوس الغلابة بالباطل ؟ .. أهو رجع الدولار بقى ب 17 وفي طريقة لل 18 .. حلو كده ؟ ( استقيموا يرحمكم الله ).