أزمة البنزين تضرب محافظات مصر.. وقرى بنى سويف تشتعل بسبب الأزمة

عادت أزمة البنزين ببني سويف لتلقي بظلالها من جديد علي محطات الوقود بقري ومدن بني سويف، وتكدست السيارات والدراجات البخارية والتكاتك أمام المحطات.
وقال أحمد فتحي – سائق – أنه يتعرض لخسائر كبيرة بسبب أزمة الوقود واختفاء بنزين 80 ، 90 من المحطات قائلا :" كنا بنملي جراكن بنزين عشان يومين الأزمة اللي زي دول، مضيفا "مفيش 80 ولا 90 وبنمون 92 ".
ويضيف سيد محمد – سائق : "يرضي ربنا إني أدفع " 70 و80 جنيه " في "التموينة " بعد ما كنت بادفع 30 جنيه متابعا :" حالنا واقف ومفيش شغل ولو رحت الموقف لسه هستني الدور ".
في حين استنكر سيد عادل صاحب محطة وقود – تأخر حصص الوقود للمحطة قائلا " مش مشكلتي لما ييجي يكون البنزين اللي داخل المحطة ناقص ، ويخلص من الساعه 7 ولا 8 الصبح ، متابعا :"معندناش حاجه اسمها نملي الجراكن في وقت الأزمة ".
من جهته قال شعبان عبدالعال وكيل وزارة تموين بني سويف إن انخفاض المواد البترولية يرجع إلى نقص الحصة الواردة للمحافظة في الفترة الأخيرة من وزارة البترول، لافتا إلى تواصله مع وزارة البترول من أجل انتظام الحصص المقرر وصولها للمحطات مرة أخري .