"آيات عرابى" ساخرةً.. من خطاب السيسى وتتوعده بفضائح جديدة

المهندز والميكروباظ!!!!

بغض النظر عن أن المشروع"أساسه" مسروق من الرئيس مرسى, وبغض النظر عن خطورة التخريب اللى فى المشروع بتاعهم ده ؟ بس النهاردة بقى بصراحة, العر.... كان مبدع, طبعاً مش قصدى المأمأة والتهتهة المعتادة بتاعته, زى كل مرة, ولا عن مصر اللى خلاص بقت "ماسر" ولا عن صندوق الصدقات اللى داير يشحت عليه اللى بيسميه " سندوق " ولا عن أنه " بيتلك مشروع " ولا مخارج الألفاظ الخربانة بتاعته ولغة الدلالات اللى هو بيستعملها :
الإبداع النهاردة بقى أننا اكتشفنا أن الحرامى طحلب طلع "مهندز"
وطبعًا الميكروباص أكيد اسمه " ميكروباظ ", لا فعلاً طريقة كلام واحد ورث 30 مليون جنيه عن ( دادى ) صاحب فرشة العطارة, بصراحة واجهة تشرف فعلاً, ما شاء الله, طيب اذا كان العربجى دا ما بيعرفش يتكلم عربى, أومال بيتكلم إنجليزى شكله إيه ؟ طبعاً كلنا فاكرين "سانك يو ليت مى توك باى أرابيك بليز ", ده أكيد كان شغال فى زريبة مواشى تبع جيش المكرونة على حد قولها .. مستحيل الأراجوز ده يكون مر بأى مرحلة من مراحل التعليم ..
الألطف بقى, حركات إيده, لسة فاكر نفسه واقف ورا ثلاجة الجبن فى كارفور, حركات إيده, بالظبط حركات واحد بيقطع جبنة وبيحطها فى طبق وبيغلفها, وكان ناقص له بس صديرى وهو بيتحرك بإيده وسلسلة مربوطة بيها من رقبته, عشان المنظر يكمل
والنهاردة بقى أحمر الخدود كان تاريخى, يعنى لما واحد بيقول على نفسه راجل وبيحط أحمر خدود أومال الستات تعمل أيه ؟ بصراحة كان ناقصه بس آي لاينر وشوية روج ويبقى شبه إسماعيل ياسين فى الآنسة حنفى
وبعدين أيه جو السد العالى اللى هو معيش نفسه في ده ؟ هما مش بيقولوا إن هيكل الله يحرقه, مرمى فى العناية المركزة ؟ وبعدين موضوع العيال اللى كان بيتفرج عليهم وهما بيلعبوا فى الرملة دول ؟ وكمال الجنزورى كان يضحك و يكتم ضحكته ليه ؟ طبعًا واضح أنه كان يضحك على الإخراج البائس, كان ناقص بس, يجيبوا له خروشوف من تربته عشان يقف جنبه, بس كان ممكن يجيبوا رئيس غينيا الاستوائية أو أوغندا البلد, أو حتى الكفيل بتاعه فى الإمارات يعمل أى منظر وخلاص ..
*و إن شاء الله سأكتب عن الكارثة التى يرتكبها ذلك اللص والتى يسميها مشروع قناة السويس, قريبًا .