آيات عرابى .. تحكى قصة المهندز والميكرروباظ

بغض النظر عن ان المشروع ( اساسه ) مسروق من الرئيس مرسي, وبغض النظر عن خطورة التخريب اللي في المشروع بتاعهم دا ؟ بس انهاردة بقى بصراحة, العرص كان مبدع, طبعاً مش قصدي المأمأة والتهتهة المعتادة بتاعته, زي كل مرة, ولا عن مصر اللي خلاص بقت ( ماسر ) ولا عن صندوق الصدقات اللي داير يشحت عليه اللي بيسميه ( سندوق ) ولا عن انه ( بيتلك مشروع ) ولا مخارج الالفاظ الخربانة بتاعته ولغة الدلالات اللي هو بيستعملها :
الإبداع انهاردة بقى اننا اكتشفنا ان الحرامي طحلب طلع ( مهندز )
وطبعا الميكروباص اكيد اسمه ( ميكروباظ ), لا فعلاً طريقة كلام واحد ورث 30 مليون جنيه عن ( دادي ) صاحب فرشة العطارة, بصراحة واجهة تشرف فعلاً, ما شاء الله, طيب اذا كان العربجي دا ما بيعرفش يتكلم عربي, أومال بيتكلم انجليزي شكله ايه ؟ طبعاً كلنا فاكرين ( سانك يو ليت مي توك باي ارابيك بليز ), دا اكيد كان شغال في زريبة مواشي تبع جيش المكرونة .. مستحيل الأراجوز دا يكون مر بأي مرحلة من مراحل التعليم ..
الالطف بقى, حركات ايده, لسة فاكر نفسه واقف ورا تلاجة الجبن في كارفور, حركات ايده, بالظبط حركات واحد بيقطع جبنة وبيحطها في طبق وبيغلفها, وكان ناقص له بس صديري وهو بيتحرك بإيده وسلسلة مربوطة بيها من رقبته, عشان المنظر يكمل
وانهاردة بقى احمر الخدود كان تاريخي, يعني لما واحد بيقول على نفسه راجل وبيحط احمر خدود أومال الستات تعمل ايه ؟ بصراحة كان ناقصه بس آي لاينر وشوية روج ويبقى شبه اسماعيل ياسين في الآنسة حنفي
وبعدين ايه جو السد العالي اللي هو معيش نفسه في دا ؟ هما مش بيقولوا ان هيكل الله يحرقه, مرمي في العناية المركزة ؟ وبعدين موضوع العيال اللي كان بيتفرج عليهم وهما بيلعبوا في الرملة دول ؟ وكمال الجنزوري كان بيضحك وبيكتم ضحكته ليه ؟ طبعا واضح انه كان بيضحك على الإخراج البائس, كان ناقص بس, يجيبوا له خروشوف من تربته عشان يقف جنبه, بس كان ممكن يجيبوا رئيس غينيا الاستوائية أو اوغندا البلد, او حتى الكفيل بتاعه في الإمارات يعمل أي منظر وخلاص ..
* ان شاء الله سأكتب عن الكارثة التي يرتكبها ذلك اللص والتي يسميها مشروع قناة السويس, قريباً.