كلام مسئول

5/11/2010
محمد صلاح:يامساء الخيرالبوستجية اللى زمان اشتكوامن كثرالمراسيل بيشتكوا دلوقتى من قلتها البوستة والبريداللى كانوا لسنين طويلة الحاجات الاساسية من محورحياتنا الخيط اللى بيربطنا مع اللى مسافر جواب التعيين وقبله جواب مكتب التنسيق تروح تحط الجواب فى الصندوق الاحمرلوبعته جوا مصروالازرق لوبره وتخبط قوى كده علشان تتاكد ان الظرف نزل فى الصندوق وتسيبه وتمشى وتسيب قلبك معاه صندوق البوستة على الناصية اللى حط فيه فريد شوقى فى فيلم الفتوة تحويشة عمرة زى ما قالوا له وضاعوا شيل قرشين فى البوستة للزمن كان حلم كثير من البسطاء دلوقتى 100 وعاء ادخارى وبنوك رهيبة من كل الجنسيات الطوابع اللذيذه على الاظرف هواية جمع الطوابع اللى كان ليها هواه كثير يشيلوها بحرفنة من على حرف الظرف دلوقتى بقى الموبايلات الانترنت الرسائل الالكترونية اللى بتوصل فى ثانية فى بلاك بيرى والاى فون - ثورة اتصالات خدت فى سكتها حاجات كثيرة قوى كان البريد بتاع الغلابة ولما دخل فى صرف المعاشات من خمسين سنة طوابيرطويلة متعبه دلوقتى بيحاولوا يطوروها يطوروا يعنى طريقة الصرف مش يطوروا الطوابيرلكن الناس ليه بتعانى فى صرف المعاشات والحكاية مش ناقصة البريد المصرى اللى اتسس من يجى 150 سنة صامت بيفتش عن سكك توسع دائرة العملاء بتوعه بيفتح مكاتب بيدخل خدمات جديدة المهم انها تسهل حياة الناس لان الناس ايه مش ناقصة عن البريد فى مصر واحوال 3 مليون مصرى بيصرفوا معاشاتهم عن طريقة هيكون لينا انهارده كلام مسئول
فاصل
مذيعة : عرف الفراعنة البريد على زمن الاسرة الثانية عشرة اى قبل الميلاد بالفى سنة نقل البريد سعاة يسيرون على الاقدام على ضفتى النيل كما استخدموا طرق القوافل والجيوش لنقل الرسائل خارج البلاد عرفت مصر فى عهد البطالمة والرومان البريد السريع الذى تنقلة الجياد الخاص بكبار رجال الحكم والبريد البطئ ما بين الموظفين فى الداخل وفى العهد العربى الاسلامى تم تحديد طرق معينة ومحطات متساوية لتبديل الخيول والمؤن كانت مصرفى مقدمة الدول العربية والافريقية التى التحقت بحركة البريد العالمية عندما انشأت دول اوروبية مكاتب بريد فى الاسكندرية وبورسعيد والسويس وذلك منذ عام 1831 قامت مكاتب البريد الاوروبية بتصدير واستلام الخطابات المتبادلة مع البلدان الاجنبية مستخدمة فى ذلك كل الوسائل المتاحة من سفن وخطوط سكك حديدية وبعد ثلاثة اشهر من شراء الخديواسماعيل البوستة الاوروبية من محتكرها الايطالى مارتى -- تم نقل ملكيتها الى الحكومة وذلك فى مطلع يناير من عام 1865 فاصبح عيدا سنويا للبريد يصل عملاء البريد الى اكثر من خمسة عشرة مليون شخص فيما توسع فى خططة لفتح مكاتب اضافية واستخدام شباك مالى موحد للتوفير والحساب الجارى من العائد اليومى الذهبى والفضى ودفاتر الاستثمار والحولات الفورية والدفع الالكترونى وتقديم الخدمة لمشروعات الصندوق الاجتماعى للتنمية لكن تبقى مشكله اصحاب المعاشات الذين يعانون من بطء اجراءات الصرف وبعد اماكنها عن مقرسكنهم احيانا وضيق مكاتب البريد بالطوابير والتخبط فى منح الخدمة وغالبا الرسوم التى لا تتحملها معاشات ضئيلة فى زمن الغلاء
فاصل
محمد صلاح:الناس كانت بتكتب الجواب ومن برة كده تحت الظرف بيكتبوا تحياتى لساعى البريد الناس ما بقتش تكتب جوابات افتكرالرسائل كترت بس على الفيس بوك وسويتر وطبعا الاس ام اس والحاجات اللطيفة اللى انتوا عارفنها دى ومواقع الشات والشرايط بقى اللى تحفت الشاشة بالكثير من الفضائيات زمن البريد والقلم الحبروالخط المنمق كان حاجة ثانية طالما البريد استريح من البريد يبقى بيتعبوا بتوع المعاشات ليه الدكتوراشرف ذكى رئيس مجلس ادارة الهيئة القومية للبريد هيكون لينا معاه كلام مسئول ومن كلام الدكتوراشرف ذكى لايوجد نية مطلقا اواتجاه من قبل الدولة لخصخصة هيئة البريد اوتحويلها الى شركة قابضة بدا فعليا فى التعاون مع وزارة المالية فى تعديل انظمة صرف المعاشات للتخيف عن المواطنين وتقليل الزحام على مكاتب البريد حيث تم ميكنة واحد فاصل خمسة من عشرة مليون معاش وذلك بالتزامن مع خدمة توصيل المعاشات للمنازل التى تغطى ما يصل الى 300 الف مستفيد هيئة البريد تعتمد على التمويل الراقى دون تحميل ميزانية الدولة اية اعباء ماليه بالاضافة الى استمرار عمليات التطويرطبقا لمتطلبات العصر لدينا نحو 3800 مكتب بريد منتشرة فى انحاء الجمهورية تم تحديث وتطوير2100 مكتب حتى الان فانضمت الى الشبكة الالكترونية القومية امامنا نحو 100 مكتب لم ينضم بعد الى منظومة التطوير نحاول ادخالها فى الفترة المقبلة نجاح سلام كان ليها اغنية بتقول عايزجواباتك معرفش تتقال دلوقتى ازاى عايز ايميلاتك يمكن يطلع لنا غنا يقولك عايز ايميلاتك دا انا دلتها علشان البريد كمان مايبقاش عندنا ديناصور قديم فى زمن اسرع من الضوء لزمة كثيرتطويرتحديث راحة وسرعة ويكسب ثقة الناس دكتوراشرف ذكى رئيس مجلس ادارة الهيئة القومية للبريد هيكون لنا معاه كلام مسئول
محمد صلاح:برحب برئيس مجلس ادارة الهيئة القومية للبريد دكتوراشرف ذكى منورنا يا دكتور
د/ اشرف ذكى :الله يخليك شكرا
محمد صلاح : دكتوراشرف فاكرفيلم البوستجى؟
د/ اشرف ذكى :اه اكيد طبعا
محمد صلاح : ارتبط فى اذهان الناس دايما البوستجى بشكل معين يعنى بسكلتة ويونى فورم معين لسه موجود ده دلوقتى ولا اختفى ولا ايه ؟
د/ اشرف ذكى :طبعا اليونى فورم نفسه اختفى لكن مازال الموزع موجود ليهم يونى فورم طبعا حديث جدا عن اللى كان موجود فى فيلم البوستجى البسكلتة الطاربوش والمنديل والبسكلتة كلها انتهت اه كلها انتهت اه ففى شكل مودرن اكثرلموزع البريد
محمد صلاح : طب قولى الزمن دلوقتى زى زمن فيلم البوسطجى يعنى كان بيشيل شيلة كبيرة قوى وبيروح حتى كان بيشتغل فى قرية صغيرة ؟
د/ اشرف ذكى :هولازال بيشيل لكن طبعا الطريقة اختلفت ونوعية الجوابات اختلفت
محمد صلاح : قولى ازاى يعنى ؟
د/ اشرف ذكى :يعنى اولا شنطتة اللى كان بيشيل فيها مختلفة عن الشنطة اللى موجودة دلوقتى العددانا يمكن الموزع بياخذ الدفعة مرة واثنين وثلاثة كان الاول لازم يشيلها شيلة واحدة كان بيعدى من قرية الى قرية الى قرية انهاردة الى حد كبير قوى بيبقى
محمد صلاح : كان بيركب حمار؟
د/ اشرف ذكى :اه كان احيانا بيركب حمار فى الحتت اللى .........
محمد صلاح : فى حتت بيمشى فيها بالحماروفى حتت بتمشى فيها بالبسكلتة انت عارف من زمان
د/ اشرف ذكى :فطبعا استخدام التكنولوجيا الحديثة يعنى بياثرعلى اداء بتاع البوستجى
محمد صلاح :برضه التكنولوجيا متهيأ لى يادكتوراثرت على كثافة البريد لانه دلوقتى بقى فى الاس ام اس - الموبايلات فى ناس بتبعت ايميلات - الفيس بوك يعنى اجهزة الاتصال اللى بتتعلق باجهزة الكمبيوتر كلها مش ده قلل شوية حجم الجوابات اللى بيتبادلها الناس ؟
د/ اشرف ذكى :اه طبعا اكيد ما بين الناس وبعضها قلت جدا مش على اساس بقت فى طرق اسهل واسرع
محمد صلاح : هو الشغل زايد عليكوا؟
د/ اشرف ذكى :لأ من ناحية الناس خف لكن من ناحية المؤسسات والبنوك شركات الاتصالات والكلام ده كله اولا عدد زبايننا كثير قوى معدل ارسالهم
محمد صلاح : يعنى بدل الناس ما تبعث الى بعضها البنوك بتبعث للناس .
د/ اشرف ذكى :وبطاقات الائتمان يعنى بقى فى بدايل كثيرة جدا بقى وسيلة اعلام المواطن يبعث له انت عليك كذا ورصيدك فى البنك كذا وبالتالى ده بديل لعمل الجوابات اللى كانت
محمد صلاح : لوقارنا بالارقام محصلش دوم محصلش هبوط فى اعداد الجوابات المتبادلة يعنى اعداد الجوابات كانت بين الناس او بين البنوك؟
د/ اشرف ذكى:هو طبعا يقال ان التاريخ بتاع البريد جم ان ده لأ محصلش ان ده كان من 30 سنة كان عدد المواطنين نصف اللى موجودين حاليا
محمد صلاح : اه طبعا احنا بنزيد جامد
د/ اشرف ذكى :اه وبعدين كانت الى حد ما ممكن كان موسمية لكن فى اوقات بيبقى فيها زروة يعنى مثلا فى اول الشهرالبنوك بتبعث ال statement للناس بتعها زمان كان باعث يوم 5 يوم 10 مكنش ده لها توقيت معين فبقى ليها يعنى مواسم معينة بتزيد فيها حركة البريد
محمدصلاح :دكتوراشرف كلنى عن التكنولوجيا الحديث يمكن الناس تتصورانه حصل ضرربالنسبة لاعداد الجوابات اللى ممكن تتبادلها بينها وبين بعض لكن انه حصل بدايل التكنولوجيا اثرت ازاى على شغل الهيئة نفسه يعنى استفدت ازاى من ....؟
د/ اشرف ذكى :لأ استفادنا كهيئة طبعا فى تحسين جودة الخدمة اللى بنقدمها للناس زى ما بنقول ان احنا ربطنا كل المكاتب بتاعتنا بشبكة الكمبيوترفى كل التطبيقات حاليا الفرزالالى الى هوعلشان يقدريفرزالجوابات لاتجاهاتها المختلفة متابعة الجواب يعنى ده كان حاجة مهمة جدا ان العميل عايز يعرف الحاجة اللى بعتها دى وصلت ولا لأ كان زمان بتاخذ وقت كبيرجدا
محمد صلاح : الخارجية هل بقى الجوابات اللى جاية فى بلاد ثانية ...؟
د/ اشرف ذكى :والداخلية
محمد صلاح : كان الجواب بيقعد اد ايه ؟
د/ اشرف ذكى : يعنى هومن الناحية النظرية اذا كان داخلى بين المدن الكبيرة بيبقى فى حدود 24 ساعة لغاية 48 لوكان بالداخل ارياف
محمد صلاح : يعنى العميل ممكن 16 ساعة طأ فى دماغة وعايزيعرف الجواب فين دلوقتى ؟
د/ اشرف ذكى :لأ الجوابات اللى هى بتكون متابعة مثلا بيكون بريد سريع او مسجلة او طرد فدى الحاجات اللى بتبقى قابلة للمتابعة لكن البريدالعادى ده المفروض انه مفهوش متابعة لكن عن طريق الكمبيوتر بيوصل بنسبة عالية بيوصل
محمد صلاح : كملى بقى سفرت التكنولوجيا ازاى لبره؟
د/ اشرف ذكى :عن طريق خدمات جديدة يعنى كان فى خدمات ماكنتش موجودة خالص دلوقتى دخلت خصوصا يعنى عندنا فى خدمات بريدية وخدمات مالية وخدمات مجتمعية
محمد صلاح:هنتكلم فى الحاجات دى بس يا دكتورفى ملحوظة انه بتتعلق بتطويرمكاتب البريد خلال الكام سنة اللى فاتوا بس لاحظنا دائما ان مكاتب البريد دائما صغيرة وحجمها صغيريعنى هكلمك عن المعاشات لان المكاتب دى هى اللى بتصرف المعاشات ليه دائما ضيقة كده ؟
د/ اشرف ذكى :لأ احنا عندنا مكاتب العدد بتعها كبيرقوى عندنا حوالى 3800 مكتب على مستوى الجمهورية الجديد بنراعى فيه ان يكون مساحتة كبيرة مش معنى كده ان القديم كله صغيرلكن احنا المكاتب دى يا اما مملوكة لينا يا اما ماجرينها يا اما فى معظم الاحيان من تخصيص اراضى من المحافظات بنقدم بنقوم احنا بالبناء عليها وتجهيزها فبنراعى فى كل الجديد ان المساحة تبقى مساحتها معقولة وحاطين شروط معينة لكن فى المتوسط مابين 80 الى 120 الى 150 مترفى المكاتب الرئيسية بتوصل حوالى 400 متر و500 متر علشان احنا حارصين اومن واجب الهيئة ان يبقى لها تواجدا فى كل منطقة بما فيها المناطق النائية بما فيها المناطق قليلة الكثافة السكانية بما فيها المناطق الفقيرة جدا طب ممكن تلاقى مكتب بيبقى عبارة عن اوضة دكان صغير
محمد صلاح :اه اه
د/ اشرف ذكى: وفى حاجات الادارة القديمة دى بنحاول نخلص منها تدريجيا بحيث ان احنا نقدر واحنا بنفضل انها تبقى ملك الهيئة يعنى
محمد صلاح : طب قول لى هل التطويراللى حاصل فى المكاتب صاحبة تطويرفى كفاءة الناس فى الاستفادة من التكنولوجيا الحديثة هل تم تاهيلهم هل تم تدريبهم ؟
د/ اشرف ذكى :اه طبعا دااحنا بنعتبرالثروة الحقيقية لهيئة البريد هى الناس اللى موجودة لان يعنى الباقى كله ده
محمد صلاح : ده كل الهيئات بتشتكى من كتر الناس والادارات بتشتكى من كتر الناس؟
د/ اشرف ذكى :معلش ان يعنى فى عمالة زيادة ده وضع ثانى لكن المهم ان يبقى الموظف اوالعامل اللى عندنا مدرب كويس فاهم شغلة كويس قوى ويمكن انا اقدر اقول بنسبة 80 % او اكثر معظم الناس عندنا اتحولت وبقى فكرها اقتصادى مهواش موظف حكومة عايز تقليدى عايز يؤدى العمل اللى عليه
محمد صلاح : او يروح يمضى ويمشى
د/ اشرف ذكى : لألألألأ
محمد صلاح :ما فى فى الحكومة حاجات زى دى بتحصل ؟
د/ اشرف ذكى : يعنى احيانا لكن بالنسبة لنا لازم يكون متواجد يعنى فا بصفة عامة نقدر نقول ان الموظف بتعنا الى حد كبير جدا بيتم تدريبة بصفة مستمرة بيعمل شغلة كويس قوى احنا فى السنة الواحده بندرب حوالى يمكن 25 - 30 % من الناس بتوعنا يعنى 15 الف واحد 16 الف واحد فى السنة خصوصا فى السنوات اللى فاتت دى وانا قايل لهم حتى فى مجالات عامة زى اللغات زى الكمبيوتر وده اساسى عندنا لازم نعينهم فى الحياة
محمد صلاح : هو انت عندك كفاءات خاصة هو انت عندك ايه المرتبات فى الحكومة
د/ اشرف ذكى : برضه بتختلف لأ اعلى 000 اعلى من الحكومة طبعا بس احنا فى مرتب اساسى فى حافز اداء وفى حافز تمييز بحيث لما بتتجمع على بعضها طبعا اعلى من الحكومة تعتبر اعلى من الحكومة
محمد صلاح : دكتور اشرف عندنا موضوع مهم شوية
د/ اشرف ذكى : اتفضل
محمد صلاح : يتعلق بصرف المعاشات احد الخدمات المهمة جدا اللى بتقدمها الهيئة للناس هى صرف المعاشات لان انا فاهم ان مش هى اللى بتطلع المعاشات يعنى وزارة المالية الخدمة هنا بتتقدم ان الهئية بتاخذ فلوس من وزارة المالية بتقدم منها للناس فى المساحة دى بقى فى مشاكل كثير قوى مع ان الناس مش ناقصة يعنى متابع معايا المشاكل
د/ اشرف ذكى : اه طبعا
محمد صلاح : رصدها
د/ اشرف ذكى : طبعا
محمد صلاح : طب ايه اهم المشاكل ؟
د/ اشرف ذكى : الزحام مع الزحام يعنى
محمد صلاح : زحام فظيع
د/ اشرف ذكى : اه اه هو طبعا احنا بيجلنا من فى كذا معاش بيتصرف عن طريق هيئة البريد المعاش العادى اللى هو حاطينة وزارة المالية 00 فى معاشات جزء عسكرية فى معاشات التضامن الاجتماعى وخلافة يعنى اجمالى اللى احنا بنصرف ليهم معاشات من وزارة المالية حوالى 3ر3 من عشرة مليون
محمد صلاح : ما يقدر ب 3 ونص مليون ؟
د/ اشرف ذكى : اه ومن التضامن الاجتماعى اكثر من مليون فا بنتكلم عن حوالى 4 ونص مليون معاش شهريا يعنى مهما كان العدد بتاع المكاتب بالنسبة لنا يعتبر محدود انه يقدر يخدم الناس دى كلها واسوأ حاجة ان هما كلهم بيجوا فى توقيت معين صرف المعاشات مثلا من يوم 7 الى يوم 10 الدفعة اللى بعديها من 17 الى 20 فابالتالى بيبقى فى تكدس فى ال3 اربع تيام دول احنا مدركين هذه المشكلة وبنحاول وانشاء الله يبقى فى حلول جيده جدا فى الفترة اللى جاية اول حاجة خيارنا المواطنين ان هما يبقوا لهم حساب وحساب جارى عندنا ويقدر يحول عليه المعاش بحيث لما المعاش يجى عايز يصرفة انهارده بكرة خلال الشهر
محمد صلاح :اه ما دى فئة مستنية المعاش خالص عايزالمعاش دلوقتى عايزيخده لان عارف دلوقتى كل حاجة بقت شكله عامل ازاى ؟
د/ اشرف ذكى : ما احنا ما بنتكلمش فى كده قد ما احنا عايزين ندى له حرية انه يصرف من اى مكتب ندى له حرية ان هو يبقى فى مكن الصراف الالى يقدر ان هو يصرف منه
محمد صلاح : طب وهو ليه اصلا ما يقدرش يصرف من اى مكتب ؟
د/ اشرف ذكى : لأ ما ينفعش لأ دا بتيجى متوزعه بمكان سكنة ان المجموعة دى بتصرف من المكان ده
محمد صلاح : وليه ما يصرف من ........
د/ اشرف ذكى : ازاى دا فى حاجات ورقية
محمد صلاح :لما يكون اسمه على الكمبيوتر ؟
د/ اشرف ذكى : ماهو المشكلة فى كده احنا كل اللى طالبين من وزارة المالية انها تدينا الكلام ده فى ملف قابل للقرأة فى الكمبيوتر
محمد صلاح : ملفات وزارة المالية مدياها لك على ورق يعنى ؟
د/ اشرف ذكى : ورق اه فاحنا ده اللى بنعملة انشاء الله فى زارة المالية وانشاء الله يعنى بالعكس دا هما اتجاههم كده يعنى وزارة المالية المرتبات والمعاشات
محمد صلاح : يعنى فلوس بتيجى لك يا دكتور معاها كشوفات كده على ورق ؟
د/ اشرف ذكى : ايوا
محمد صلاح :معهاش cvكده ولا حاجة؟
د/ اشرف ذكى : لألأ خالص وده بنعملة حاليا مع وزارة المالية والتضامن الاجتماعى بحيث ان احنا هناخذ الملف ده ككمبيوتر هو بيجهزوه شهريا ونصرفة مرة اطلع للعميل عندنا كرت atm يصرف من اى حتة
محمد صلاح : ممغنط يعنى ؟
د/ اشرف ذكى : ممغنطة او يصرف من اى مكتب عندنا
محمد صلاح :هنتكلم بقى فى التفاصيل دى بس انا مبهورمن حكاية ان لسة الناس وزارة المالية بتبعث لكوا ورق يعنى المفروض الكمبيوترات قدمت شوية فى مصر يعنى ما بقتش جديدة فى العالم كله ؟
د/ اشرف ذكى : مش كمبيرتراد ما هى يعنى ده نظام ثانى
محمد صلاح : ما نعمل النظام الثانى طالما بيريح الناس والا نفضل فى النظام الاولانى اللى بيتعب الناس ؟
د/ اشرف ذكى : ماهو مش احنا اللى بنحدد النظام
محمد صلاح : ما انا عارف
د/ اشرف ذكى : ماهو المالية كتر خيرهم بتعمل للموظفين والمعاشات
محمد صلاح : كترخيرهم اه
د/ اشرف ذكى : بتصرف من عندهم من وزارة المالية فا الحزء اللى بيجلنا لغاية دلوقتى بيجى ورقى لللى بيطلب تحويلة على احد الحسابات الجارية فا بيجلنا على سى دى تدريجيا احنا عايزين ناخذ الناس بقى كلها على سى دى ونقدر ننزلة على الكمبيوتر طالما بقى النظام احنا رابطين المكاتب دى بشبكة من اى حتة يمارسها وطالما صرف السيستم نظام
محمد صلاح : ده زى اى بنك يعنى مش كده؟
د/ اشرف ذكى : زى اى بنك
محمد صلاح :حسب حساب البنك الفلانى اصرفة فى اسكندرية اصرفة من مصر اصرفة من اى حتة
د/ اشرف ذكى :ماهو بس انما مش لازم يكون عنده حساب لو عنده حساب طبعا خلاص مادام دخل فى
محمد صلاح : ماهو المنطق يادكتور دلوقتى انا نزل المعاش بتاعى انهارده اصرفة بقى وانا قاعد فى اسكندرية هصرفة رحت فى اسوان هصرفة المهم انه نزل وبيبقى مثبت على الكمبيوتر
د/ اشرف ذكى :بالضبط انه خلاص دخل الحساب حتى لو حساب وقتى يعنى مش بالضرورة يكون عنده حساب علشان يقدر يصرف ممكن يصرف المبلغ كله مره واحده اول ما يجى بس بطريقة متقدمة اكترمميكنة اكثربالكارت اللى معاه باكثر من كده احنا الخدمة فى المعاشات كبارالسن واللى عندهم امراض مزمنة وكده بنوصل لهم المعاش لغاية البيت مجانا بدون اى خصم
محمد صلاح : قول يا دكتور ما انا هناقشك لسة فى الحاجات دى
د/ اشرف ذكى : لآ ده موجود احنا اكثر من 300 الف معاش بنوصلة للبيوت حوالى تقريبا 10% 8% الناس اللى بنصرف لهم بنودى لهم لغاية البيت دون اى اعباء مالية
محمد صلاح :قولى يادكتور هو حضرتك بتقول اصلا من يوم 7 المعاشات بتنزل من يوم 7؟
د/ اشرف ذكى : اه هو مستمر
محمد صلاح :ليه ليه فى يوم معين وليه بتحدد لي يوم والا يومين بس اروح فيهم ليه اصلا ما بتنزلش المعاشات زى بقيت خلق الله فى دول متقدمة حتى فى مصر الناس اللى بتقبض يعنى ان اول الشهر بينزل المعاش يوم 1 فى الشهر بينزل المعاش ليه الناس بتقبض يوم 7ناس بتقبض يوم 13 ناس بتقبض
د/ اشرف ذكى : ده التوقيت اللى
محمد صلاح : المالية برضه وقت ما تيجى بتصرفوها يعنى ؟
د/ اشرف ذكى :لأ ماهو متفق انها لازم تيجى قبلها بفترة وجيزة يعنى يومين 3 - 4 تدخل الحسابا ت ونصرف منها وبنحدد توقيتات اللى هى بيتم فيها الصرف لانه بعد كده اللى ما صرفش الشهر ده لازم بنخطر المالية انه ده ما صرفش ربما يكون فى اى مشكلة
محمد صلاح : الله ما تدوا له شهرين ثلاثه يعنى الراجل كان مثلا نازل يصرف عيان عند ه مشوار مهم عنده اى ظرف يعنى على طول لازم يبلغوا المالية
د/ اشرف ذكى : لأ
محمد صلاح : يروح هو يصرف بعدها ب 3 ايام ما يلاقيش ؟
د/ اشرف ذكى :لأ مش 3 ايام انا باقول لغاية ما ينتهى الصرف والمعاش الجديد بنشلها امانات فترة محدودة جدا لكن
محمد صلاح : اللى بيروح امانات ده بتبقى ليلتة ليلة .
د/ اشرف ذكى : ماهو ما نقدرش نلخبط شهر مع شهر برضه ده جية يقول انا الشهر اللى فات مش موجود وبعدين اية الضمان بقى ده ممكن واحد بيتوفى الناس دى كلها معاشات يعنى فوق الستين فا ممكن يتوفى ويقعد شهر واثنين وثلاثة تيجى الفلوس
محمد صلاح : ما الاعمار بيد الله يا دكتور ما احنا عايزين نسهل على الناس
د/ اشرف ذكى : ما نسهل بس بطريقة موزونة يعنى بحيث ان ما بيبقاش العملية مفتوحة وبيحصل برضه ومع ذلك فى بعض التجاوزات الناس بيتصرف لها معاشات بعد ما تتوفى بنسبة قليلة جدا لكن موجودة يعنى يجى حد من اقاربة
محمد صلاح : مش اللى طالع على المعاش نفسه هو اللى بيروح يصرف ؟
د/ اشرف ذكى : واحد معاه توكيل واصلا التوكيل ده انتهى نتيجة الوفاة فبيستمرفى الصرف زيادة شهرالناس بتقعد شهركده تصرف بس اعداد محدوده جدا وبعدين بتتكشف
محمد صلاح : بس بيبقى فى طوابيركبيرة ادام المكاتب ؟
د/ اشرف ذكى : اه اه اه طبعا ما نقدرش ننكر كده
محمد صلاح : حلها ايه الناس واقفة طوابير واقفين على كل حاجة طوابير ؟
د/ اشرف ذكى :ما هى الحل ان احنا نميكن الكلام ده وعلشان نميكن الكلام ده لازم تعاون بيننا وبين الجهات الحكومية المسئولة زى وزارة المالية وفى هذا التعاون بس العدد كبير ما ينعش يقلب السيستم من نظام يدوى الى آلى مرة واحده لازم هيبقى على مراحل يعنى هبقى متخيل 4 مليون مواطن انهارده علشان يدخل الكلام ده حتى
محمد صلاح : ماهو عشان احنا فكرنا انهارده المفروض الكلام ده كان يبقى موجود من سنين يعنى زى ما حصل تطورات كثيرة فى البلد ايجابية لتسهيل حياة الناس متهيالى زى صرف المرتبات دلوقتى فى ناس كثير قوى تروح تصرف مرتباتها من البنك عادى هى المسالة طبيعية يعنى مش كيميا يعنى ولا حاجة معملية فزة خالص يعنى اللى فكر كما ن ان المعاشات تنزل اول الشهرتنزل فى حسابات جارية اويتفتح للناس حسابات يصرفها بقى يوم 1 يصرفها يوم 5
د/ اشرف ذكى :لأ فى ناس بتمانع بالعكس احنا بنخير احنا احسن لنا مئة مرة ان الفلوس دى تنزل فى حساباتهم فى ناس بترفض هو مايصدقش ان معاه فلوس
محمد صلاح : علشان يقعد اى حاجة فى اى حاجة ؟
د/ اشرف ذكى :لأ يقدر يعنى ماهو يقدر يفتح حساب جارى ويخلى مثلا خمسة جنية محدش هيقول له لأ يعنى بيبقى بالنسبة له نوع من الاعتقاد ماهو ناس كثيره خصوصا من كبار السن ده بتلاقى انه لما يمسك الفلوس فى ايده بيتهيأ له ان الفلوس وصلت اكثر من كده ممكن حضرتك مش هتصدق ان فى ناس بتبقى يوم الخروجة بتعتة بيقولك اروح اسحب فى اى وقت ده هو ده اليوم اللى بنشوف فيه فلان وفلان وفلان فا يطلع بيعملها كانها فصحة يعنى اه يطلع ويقعدوا مع بعض وانه بيشوف الناس الثانية اللى يعتبروا اصحابة اه اه فا يعنى احنا بنحاول نحسن الخدمة دى بس بالتعاون مع الجهات المسئولة
محمد صلاح : ليه ما بتزودوش اعداد المكاتب يا دكتور نلاقى مثلا فى منطقة 5 - 6 مكاتب بنلاقى مكتبين بس هما اللى بيصرفوا ليه ؟
د/ اشرف ذكى :لأ هو بيتعر ض على معظم المكاتب كلها
محمد صلاح : بس انا لفيت لفة على المكاتب كلها بلاقى انه ايه المكتب اللى بيصرف المكتب اللى بعدية بشوية بيصرف ليه مش كله بيصرف علشان نخفف الزحام ده شوية عشان الناس مش ناقصة بس والله
د/ اشرف ذكى :احنا يعنى العدد اللى بنبقى متفقين عليه بيبقى عدد محدد ما اقدرش اعمل فى كله لانه العميل العادى اللى بياخذخدمات ثانية ممكن ما يجيش يعنى
محمد صلاح : اه ده يطفش هو انا عايز ابعث جواب ؟
د/ اشرف ذكى : اه اوعايز يعمل خدمة مالية ثانية وانا مش عاوزيعمل خدمة ماليه ثانية مش قادريدخل اللى برضه بنحاول نعلمه فى بعض الحاجات اللى فيها زحام شديد عندنا مكاتب متنقلة بنوديها انها تبقى جنب المكتب يصرفوا منها المعاش بس دى عددها محدود لكن بندفعها احيانا جنب بعض المكاتب كنوع من المساعدة وتخفيف الزحام هل ننكر زحام طبعا اكيد احنا بنتوسع فى المنافذ او المكاتب بتعتنا هيقل شوية واللى هيقضى على المشكلة دى نهائيا انه يبقى العميل معاه كارت يتوجه لاى مكتب فى اى وقت هوعايزة خلال الشهر ويبقى يصرف منه والحلم بتاعنا اللى انشاء الله نقدر نحققة على مراحل اقصى حاجة سنة اوسنة ونص
محمد صلاح : فى برضه معظم المكاتب طبعا يا دكتور خصوصا القديمة منها يعنى الشوارع ضيقة وانت عارف مبقاش فى اى رسمة فى اى شارع ضيق والا مفيش مكان الناس تقف علشان تركن وتنزل تصرف المعاش وتروح يعنى العملية دى مش موجودة اصلا يعنى بالتالى بيترتب عليه ان الطوابير بتبقى ممتده للشارع وساعات بيحول للشارع اللى بعده ؟
د/ اشرف ذكى :لأ هو اللى معاه عربية ورايح يصرف معا ش هو اولى انه يفتح حساب ويتحول له
محمد صلاح : سهل حكاية فتح الحساب
د/ اشرف ذكى :جدا وعندنا مكن صراف آلى يقدر يصرف فى اى وقت ممكن يدى الكارت بتاعة حتى لاى حد من ولاده ويروح يصرف يعنى مفيش بالضرورة طالما عنده المعلومات الكافيه معاه الكارت وعارف فيه الnumber بتاعة يقدر يروح يصرف
محمد صلاح : لو مش قادرانه هو يجيى؟
د/ اشرف ذكى : اه الرقم السرى فا اللى معاه عربية ما اعتقد ش فى مشكله المشكلة فى الناس اللى مشيتها قليلة اللى مش قادر يوصل للمكتب يعنى
محمد صلاح : لكن كان فى يا دكتور شكاوى من الناس اللى بيصرفوا المعاشات واسلوب التعامل معاهم انت عارف بقى بتاع البريد قاعد فى مكتب صغير شوية فا الدنيا حر عليه اوالدنيا برد وبرضه عمال يفكر فى الطماطم وفى الحمة وفى الحاجات دى انت عارف حضرتك دى برضه فا بيبقى زهقان اصلا يعنى فيجى له مواطن اللى عايز يصرف معاش ماهو هياخد فلوس كأنة هياخذ من جيبة يعنى فا يطلعوا عينهم يعنى
د/ اشرف ذكى : لأ هو
محمد صلاح : الناس بتتعب قوى بصراحة والناس شكت لنا كثير الزحام تعامل غير ادمى
د/ اشرف ذكى : لأ مهو نفس الشخص ده اللى بيتعامل مع باقى الناس بس هو بيتحط فى ظروف ان الزحام ده شديد
محمد صلاح : اللى هو اليومين بتوع المعاشات دول .....
د/ اشرف ذكى : اللى هما يقولك وبعدين بتلاقى الناس مخها الناس دى كبيرة فى السن طبعا يجى يصرف يلاقى فى المعاش بتاعة 400 جنية و12 قرش يقولة عايز ال 12 قرش ويدور له ويجيب له يقوله لأ الباقى يعنى انا اقصد قد يتعرض الموظف انامش دفاع عن الموظف لكن حضرتك متخيل لو الواحد بيصرف ل 100 - 150 من اول واحد يعنى شخصيات مختلفة يعنى واحد لا يطيق انه يقولة طب استنى شوية طب دورك طب طب هنا واللى بيلخبط فى الامضاء
محمد صلاح : ماهو خلى بالك يادكتور برضه ما هو على ما جه دورة كان اترقع 3 - 4 ساعات بره
د/ اشرف ذكى :ماهو الاثنين معذوين
محمد صلاح : فيحاربو بعض بقى ؟
د/ اشرف ذكى : لأ مش للدرجة دى ماهياش حرب لكن قد يحدث احيانا انه يتقال كلمة مش مضبوطة للموظف انه قد يحدث ان واحد يمضى فى مكان غير المكان واحد يقول انا نسيت البطاقة بتعتى الصورة مش باينة يعنى متعرفش بيبقى فى ظروف لو حتى تكررت بنسبة 10% فا متخيل ان 10 مشاكل قابلوه خلال الفترة دى انه بيفقد اعصابة اويفقد صبرة شوية ده امر وارد
محمد صلاح : معانا تقرير يا دكتورعن عملية صرف المعاشات نشوف بيقولوا ايه وبعدين نرد عليهم برضه
د/ اشرف ذكى : انشاء الله
محمد صلاح : انشاء الله نشوف اخواننا اللى بيصرفوا المعاشات
تقرير
كبار السن دول الغلابة المعاشات دى بتبقى ايه 60 سنة يعنى ناس كهنة صح ولا لأ تعبانة يجى واحد يقف فى الطابور ممكن يقف لك ساعة لما يجى دورة واقفين هناك اهم يعنى حرام والله
مواطنة: احنا كل شهرعلى كده بنقف الوقفة دية ورجلينا فى خشونة وتعبانين
مواطنة: ما بقدرش اقف برة بس مش اكثر
مواطنة: المفروض الناس الكبيرة يقبضوهم فى بيتوهم ياريت علشان بس الناس بتبقى تعبانة فى بعيد عنك الناس عيانة قوى ما بتبقاش قدرة توصل لغاية البوستة وربنا يروق الحال
مواطنة: هو بنقبض بس بتبقى الدنيا زحمة بس فى اول الشهر بنبقى زحمة وبنقف بالساعة وبالاثنين بنبقى واقفين واخدين دورنا اما بقى يبتدى اول اسبوع اما احنا بعد بداية الشهر بتروق البوستة وبنيجى نقبض فى اى وقت وبنمشى
مواطن : كنت باقبض من هنا وبعدين الطوابير والزحمة حولت للبنك باقبض مستريح من البنك
فاصل
محمد صلاح : طب ما كل الناس بقى اللى ليها معاشات حولت معاشاتها على البنك هتبقى هيئة البريد بقى لازمتها ايه ؟ بيصعبوا عليك يا دكتور الناس
د/ اشرف ذكى :هو كده الزحام احنا مش لازم يروح البنك علشان يقبض من الحساب اويبقى معاه كرت يقبض به او هو ممكن يفتح واحنا بنخيرة ممكن يفتح لك حساب ويحول عليه المعاش وقت ما انت عايزتصرف يعنى لكن هو اللى بيحصل الناس دى لما بتقف طوابيرعلشان تقبض اولا خناقات بينهم وبين بعضيهم كالعادة
محمد صلاح : عادى الحربقى والزحمة كانوا من كام اسبوع كده جامد محدش يطيق اصلا يقف له دقيقتين فى الشارع هما بيقفوا بال3 -4 ساعات بيتنرفزوا يعنى
د/ اشرف ذكى :طبعا وبيتخطوا ادوار بعض ويقولك انا كنت موجود ورحت اجيب حاجة وارجع ثانى كلهم كبار سن فالنرفزه ما بين الناس وبعضيها ومابين الناس والموظف اللى جوا
محمد صلاح : الموظف اللى جوا اصلا ؟
د/ اشرف ذكى : ماهو قاعد فى نفس الزحام يعنى
محمد صلاح : اه الظروف اه
د/ اشرف ذكى : فهى حلها فعلا انها تتميكن واحنا اول ناس بنشجع على الكلام ده بس على فكرة انا احب اقول حا جة يعنى اتفضل المعاشات دى اساسا يعنى هى خدمة مجتمعية احنا بنقدمها كواجب اجتماعى ناحية الناس دى ان احنا
محمد صلاح :مش احنا اللى بنطلع الفلوس اصلا ؟
د/ اشرف ذكى : مش احنا اللى بنطلع الفلوس ماهياش خدمة اساسية عندى وما اكسبش منها انا باخسر كثير يعنى
محمد صلاح : طباخ السم بيذوقة ويعنى لما بتاخذ قرشين من المالية تديهم للنا س ما بتخدش لك فى النص حاجة
د/ اشرف ذكى : ملاليم من سنة 75 المصاريف الادارية بتعتها قروش لا تتخطى جنية 2 جنية فى الحدود دى اكثر حاجة 3 جنية فى الوقت اللى التكلفة لما حسبنا التكلفة ما بين 4 الى 5 جنية للحركة الواحده اللى بنوصلة للبيوت بيتكلف 11 و12و 15 جنية انا ما باخذش منه حاجة من هذا الكلام فهى خدمة واجب اجتماعى وبعدين اصلا قبل مابيطلع موظف معاش
محمد صلاح : واجب اجتماعى بقى يادكتورالحكومة كانت بتعيين الناس واجب اجتماعى كان فى دعم على السن كان برضه واجب اجتماعى ما كله تخلى ما تقول لأ؟
د/ اشرف ذكى :ازاى مش هصرف معاشات؟
محمد صلاح : الا انك يعنى المالية اللى بتصرف المعاشات للناس زى ما بتعمل معاشات للناس ما بتاخذ ضرائب وبتاخد جمارك وبتاخذ الحاجات دى كلها يعنى ؟
د/ اشرف ذكى : ايوا
محمد صلاح : اللى انت عارفها دى تديك رسوم اللى تساوى مجهود الهيئة
د/ اشرف ذكى : ده بنحاول فيه يعنى ما برضه الرسوم دى عبئ على وزارة المالية يعنى هى هى راحت فين بنتقاسمها سوا يعنى معندناش اى مشكله لكن احناعايزين تبقى المنافذ بتعتنا لائقة بتقدم الخدمة بطريقة مضبوطة هو الحقيقة فى كل التعاون منهم لكن حنبتدى ننفذ المشروع ده خلال الاشهر القليلة القادمة
محمد صلاح : يعنى حتى الميكنة ما الناس معظمها يا دكتور اشرف ناس غلابة وناس كبار فى السن وانت عارف بقى الميكنة تحط البتاع الكارت فى الماكينة تروح سحباه حتى فى البنوك طب يعمل ايه ؟
د/ اشرف ذكى : ما انا هقولك مش لازم نصرف من الصراف الالى من الماكينة هوممكن
محمد صلاح : هو بيروح للصراف الالى علشان فاضية هو لو راح للموظف؟
د/ اشرف ذكى : لأ الفكرة مش كده الشبكة بتعتنا المفروض انها رابطة المكاتب دى كلهاببعضها فا لو حتى فيها صراف الالى ممكن يصرف لو حب او كل مكتب هيبقى فيها اللى بيسموها apoint of seal الماكينة مجرد ما يمر الكارت عليها خلاص ربط مع الشبكة اتعرف ان فلان الفلانى هو ده ويطلع له ايصا ل بالمبلغ يصرفه هيدية للموظف هيصرف الفلوس يعنى مش لازم من خلال الماكينة لكن بقى معروف الشبكة قدرت تتعرف عليه سواء فى المكتب ده او ده او ده وفى اى وقت فعنده حرية انه يصرف من اى مكتب وفى التوقيت اللى هو عايزة فاطبعا
محمد صلاح :انا اقصد انه ايه يعنى التكنولوجيا بسطت الحياة عند الناس بس فى ناس ما بتعرفش تتعامل مع التكنولوجيا برة ده اللى بقولة يعنى الناس بتوع المعاشات والناس الغلابة يعنى ؟
د/ اشرف ذكى : اكيد يعنى وقت ما تيجى الفلوس لازم يلقط التكنولوجيا
محمد صلاح : احنا بندرب الموظفين بس مش هندرب الناس تيجى تاخذ المعاشات يعنى مفيش وقت للكلام ده هو خلصان
د/ اشرف ذكى : يطلع بس الكارت بتاعة لما يتميكن وفى اى مكتب ويقوله انا عايز اصرف المعاش الموظف بتاعنا هيساعده يعنى الماكينة اللى هى
محمد صلاح : قول لى ايه الشروط اللى بتطلبها الهيئة علشان خاطر توصل المعاشات للنا س فده حل ظريف جدا؟
د/ اشرف ذكى : ظريف بس مكلف
محمد صلاح : مكلف
د/ اشرف ذكى :طبعا مكلف جدا علينا راجل اوست لمابتقدم وتقول انا تعبانة بس هى بسيط يعنى سنة واضح انه كبير فى مرض بيقدم شهاده خلاص يبقى راجل بنقدم له الخدمة دى لغاية البيت عنده ومش واحد والا اثنين احنا بنتكلم على 300 الف بتوصل الى 330 الف حالة بنوصل لهم المعاشات
محمد صلاح : طب ما الراجل البوسطجى بتاع المنطقة بيوزع المعاشات برضه ؟
د/ اشرف ذكى :ما كده كده لأ دى فلوس ما ينفعش تعرضة انه يشيل المبلغ الكبير ده معاه ويروح وهو شايل هيتعرض لمشاكل كثيرة يعنى لانه مهواش مضرب تماما على يمضية وياخذ الفلوس ويسلمها له
محمد صلاح : فى ناس برضه لما اتلكمنا معاهم قالوا ان هما اجبروا على ان هما يصرفوا من لاظوغلى ليه لاظوغلى ؟
د/ اشرف ذكى : لا ظوغلى مش هيئة هيئة هو الوظف لما يطلع معاش بيخيروه انت عايز تصرف معا شك منين هو محضر له الاختيار هو مش يعنى حر قوى او من الحقيقة التامينات الاجتماعية اللى فى لاظوغلى
محمد صلاح : مش تبعكوا دى ؟
د/ اشرف ذكى : لأ مش تبعنا خالص او من مكتب يعنى احنا بنعتز بثقة المواطن المصرى وان 4 مليون
محمد صلاح : بس انت لما ما بيختاركش الناس بتستريح ؟
د/ اشرف ذكى : لأ طب امال بيجلنا تانى ليه ؟
محمد صلاح : ماهو يعنى انت بالنسبة لك الافضل لك ان العدد يقل مش كده
د/ اشرف ذكى : طبعا مفيش كلام بس انا ما بادخلش فى اختيارات لما يجى يطلع نقولة هنودى معاشك فين ؟ فا بعضهم اوفى نسبة كبيرة منهم بنختار البريد بطاقات التامينات الاجتماعية فى بنوك وهكذا
محمد صلاح : طب حضرتك كنت بتتكلم انه فى مصروفات ما بتكفيش حاجة من حوالى 3 جنية بتخصم
د/ اشرف ذكى : من 60 قرش اه
محمد صلاح : اه بس تخصم من اصحاب المعاشات ؟
د/ اشرف ذكى : اه
محمد صلاح :اه طب ما فى معاش اصلا مش مستحمل ؟
د/ اشرف ذكى : ماهو لأ هى بتاخذ نسبة مش هى لا يقل عن 1% كويس فممكن تبقى 60 قرش لغاية ما بتوصل لواحد معاشة الف جنية نقوله ادفع 3 جنية
محمد صلاح :هو يعنى وزارة المالية بتدفع الفلوس دى؟
د/ اشرف ذكى : هى بتدفع جزء من سنة 75 لا تمثل الواقع الحقيقى للتكلفة يعنى
محمد صلاح : امتى تقدر توعد الناس ان مشكلة الناس دى تتحل ؟
د/ اشرف ذكى : كل المفردات اللى احنا قولناها دى
محمد صلاح : ولا ملهاش حل؟
د/ اشرف ذكى :لأ ليها الحل ازاى الحل موجود هو بس هى يعنى فى ترتيب اولويات بالنسبة لوزارة المالية لان معاشات الناس والموظفين والمعاشات اللى بتصرفها عن طريقها وكده وهندخل المرحلة الجاية انا اقدراقول انشاء الله التعاون يستمربصورة مرضية فى خلال حوالى سنة ونص نرجع ليها تدريجيا بمعنى ان احنا نبتدى ب 500 الف واحد وبعدين زادوا مليون مليون ونص وهكذا خلال سنة ونص تبقى مفيهاش مشكلة خالص
محمد صلاح : يعنى نقدر نقول خلال سنة ونص مش هيكون فى مشكله عند اللى بيصرفوا معاشات من هيئة البريد
د/ اشرف ذكى : لأ
محمد صلاح : سواء بقى اللى هنوصل لهم فى البيوت او هيصرفوا بالبطايق الممغنطة او اللى هيروح على الموظف وهيلاقية كده يعنى بيبتسم له ويدى له الفلوس مش باصص له لفيها او متضايق منه يعنى ؟
د/ اشرف ذكى : متضايق نتيجة الزحام الشديد يعنى
محمد صلاح : محدش يتضايق من حد بقى يعنى عايزين الناس ايه اصل دى خدمات بتتقدم للناس بشكل كويس ومرضى يا بلاش ماهو ما نطلعش عينة علشان خاطر تدى له معاش ماهو حقة برضه
د/ اشرف ذكى : ما اقدرش اطلع عينة هوالفكرة انه بتصل انه يتطاول بكلمة
محمد صلاح : خناقات بقى وبتاع والمصارين بتتخانق مع بعضها
د/ اشرف ذكى : يعنى بنلتمس العذر للجميع لما واحد يقبض حوالى 200 واحد حتى ما بيبقاش عنده وقت اذا كان يروح الحمام ويشرب مية والزحام الشديد فا بيبقى عرضة
محمد صلاح : الناس دى كويسة عايزين ناخذ منك وعد يا دكتور انك تسعى للحل للمشاكل دى كلها ؟
د/ اشرف ذكى : باذن الله اشاء الله
محمد صلاح : هنتقابل هنا بعد سنة ونص انشاء الله
د/ اشرف ذكى :انشاء الله
محمد صلاح : قولى يا دكتوراخباردفتر التوفير ايه ؟ يعنى كان زمان فى هاجس عند الناس انها تحوش لما كانت الفلوس بتتحوش عند الناس البسطا يعنى ؟
د/ اشرف ذكى : تمام
محمد صلاح : دفتر التوفيرهو الوسيلة لانه بيعمل ادخارعلى فترات طويلة ممكن بنسب بسيطة يعنى طبعا الاوعية الادخارية فى البنوك دلوقتى تعددت انوا واجهتوا ازاى المنافسة مع البنوك البنوك كترت بقى
د/ اشرف ذكى : البنوك كترت بس احنا الحمد لله احنا عملائنا الزباين عملائنا زادوا جدا حجم الايداعات احنا عندنا 20 مليون ونص 20 مليون و500 الف عميل توفير
محمد صلاح : 20 مليون ونص عندهم بطافات .
د/ اشرف ذكى : دفاتر توفير
محمد صلاح : يعنى هو ممكن اجى لك فى يوم الاقى بتاع المعاشات بتتصرف بدرى لكن البنوك فى النهاية الفروع كثيرة او مع اى فرع ممكن يمدنى بخدمة يعنى ايه المميزات اللى عندك بقى ؟
د/ اشرف ذكى :يعنى هو فى طبعا ميزة انا احنا السعر بتعنا او العائد بتعنا اعلى من باقى البنوك كوعاء ادخارى اقارن توفير بتوفير مش توفير بشهادات ادخارية فا احنا دائما اعلى نمرة اثنين ثقة المواطن المصرى ده اساسا يعنى
محمد صلاح : من زمان يقولك الفلوس .
د/ اشرف ذكى :اه اه فده حاجة بتسعدنا كثير ثالث حاجة انتشارنا فى كل الجمهورية مفيش قرية غير وبتلاقى فيها مكتب بريد ايا ان كان فروعها محدش عنده 3800 فرع حاجة مهمة جدا برضه احنا زى ما حضرتك قلت بنتعامل او جزء كبير من عملائنا هما الجماعة البسطاء اللى عنده عدد قليل جدا من الفلوس عايز يحطها فى الدفتر يمكن يخاف يدخل بنك يعنى لما يلاقى بنك اى ان كان البنك يخاف يدخل
محمد صلاح : التانى بتاع الناس الكبار بقى ورجال الاعمال فيقولك خلينى .
د/ اشرف ذكى : فهى الثقة على الشبكة الواسعة للمكاتب بتاعتنا على العملاء نفسهم
محمد صلاح : هل هذا الحجم وصل لحوالى 80 مليار ؟
د/ اشرف ذكى :ده كان اول السنة دلوقتى احنا داخلين فى 90 مليار
محمد صلاح : قولى مين اللى بيستثمرهم الهيئة هى اللى بتستثمرهم والا بتودى على المالية الناس دى ايه بتحط فلوسها فى البوستة مضمونة وكل حاجة مين بقى اللى بيشغلهم ؟
د/ اشرف ذكى :لا احنا بنحط نسبة كبيرة فى بنك الاستثمار القومى دى حاجة اساسية وبنستثمر عن طريقنا نسبة حوالى فى حدود الربع تقريبا عن طريق سندات خزانة عن طريق محافظ متوازنه عن طريق مشاركة فعليه شركات قائمة ليها معايير ونا س مختلفة جدا اللى بتقوم بهذا الكلام يعنى اكبر مثال لينا فى اتصالات 20% بتاعت الموبايل فده استثمارمباشر لحاجتنا لكن معظم الحاجات اللى احنا بنستثمرها بيكون ليها معايير واضحة وتجيب عائد يتخطى اللى احنا بندية للجمهور والا نبقى بنخسر
محمد صلاح : طول عمرالبريد فى انطباع الناس انه جهة حكومية فى السنين الاخيرة مبقاش فى بس جهات حكومية بتشتغل فى كل حاجة دخل القطاع الخاص على حاجات كثيرة حاصلة فى المجتمع منها البريد انتوا بتواجهوا ازاى المنافسة مع الشركات الخاصة وطبعا فى البريد السريع وفى الطرود وفى التعاون مع الدول الاخرى لانه فى اسمح لى اقولك انه الانطباع العام اذا كنت انا هاخذ نفس الخدمة من شركة خاصة اوعند الناس يعنى من شركة خاصة او من شركة حكومية هتعامل مع الخاصة اقل بيروقراطية مثلا اسهل واسلس فى التعامل وهكذا
د/ اشرف ذكى :هو اولا احنا طبعا تبع الحكومة وجزء من وزارة الاتصالات ولكن احنا هيئة اقتصادية خدمية فلازم بنقدم الخدمة بما يحقق لينا احنا بنحط تكلفتها وبعدين فى مكسب كده لان اى استثمارات بنعملها بيبقى من العوائد بتاعتنا وليس من خزانة الدولة بواجه المنافسة دى ازاى ده كان بالنسبة لنا ده نوع من التحدى لازم ندخلة طالما بقينا اقتصاد حروفى شركات خاصة بتشتغل فى البريد السريع فى شر كات بتعمل مصرح ليها فى نقل الاموال فى تحويل الفلوس الكلام ده كله احنا دخلنا فيه وبعمق يعنى بنحاول وبكل الطرق ان احنا نحسن خدماتنا ونصل للمستوى الدولى او العالمى لنفس الشركات دى بسعر اقل ناس كثير لما اتعاملوا معانا فى بعض الخدمات قال لك لأ ماكنتش اعرف ان المستوى كده وانا هبطل مع الشركة الفلانية وهاجى اشتغل معاكم لانه واحد واثنين وثلاثه مهم جدا صعب الاقى حد شركة خاصة بتقدم حزممة الخدمات اللى احنا ممكن نقدمها يعنى هدى مثال لكده نفترض ان فيه مصع يعنى مكان بيبيع المنتجات بتعتة عن طريق التجارة الالكترونية كويس وبعرض فى الميديا وبيعرض فى الانترنت واوا وا عن منتجاتة كمان بتجي له من كل حتة وبيتلقى طلبات عايزحد يجى ياخذ من عنده البضاعة كويس وبعدين يسلمها ياخد منهم الفلوس ويحطها فى حسابة تانى فاذا كان فى حتى ناس بتشتغل فى الطرود اوفى البريد السريع كل اللى عايز حاجة هيوصلها له مايقدرش ياخد الفلوس خدمة متكاملة نفس الحكاية فى البنوك لما يكون عاوز يبعث الفاتورة الشهرية او الحساب الشهرى للعملاء بتوعة كل اللى عليه ان احنا بنقدم ايه بيديها لنا على سى دى - احنا عندنا مطابع رقيمة على اعلى مستوى تطبع وتظرف ولو عايز يحط حتى مع دى اعلانات بنحتطها له ونوصلها ومين استلم ومين ما استلمش اوالمرتد والمرتد اليه واحيانا بنصلح الداتا اللى عنده ونقول له لأ ده عزل فا برودا صعب عنده نقوله ده عزل ده هكذا يعنى فابرودا صعب اخد المجموعة دى متكاملة محولتنا وجود جو تنافسى فى السوق بيخلى الخدمة بتاعتنا احسن نحاول نصل قدر الامكان الى اعلى مستوى ممكن نصل له يعنى وده عملية مستمرة يعنى احنا كان لغاية قريب عملية المتابعة وزى ما بيسموها التتبع لمسائل كانت باخذ مننا وقت جامد انهاردة ممكن يدخل على الويب سايت بتعنا الموقع الالكترونى ويدخل رقم الرسالة يقول له احنا فين بالضبط لو مسافرة بره مسافرة يوم كذا وصلت المطار يوم كذا وطلعت الرحلة كذا فلان الفلانى لو ما استلمهاش مازالت فى .........
محمد صلاح : مازالت بنشوف الكلام ده فى الشركات الخاصة على الانترنت بيتابع ده بينبهر
د/ اشرف ذكى : اه اي حد يدخل على الموقع ويقول تتبع الرسائل عليه انه يدخل بس الرقم
محمد صلاح : فى كلام بيتردد عن انه هيئة البريد هيتم خصخصتها او تحويلها الى شركه قابضة
د/ اشرف ذكى : لا خالص مفيش اى تفكير بالعكس مفيش اى مجال او اى تفكير او اى نية فى الحكومة للخصخصة اناهدى مثال بسيط لايمكن تتخصخص علشانه يعنى ابسط حاجة لازم بنضمن ان الخدمة البريدية والمكاتب دى تكون متواجدة فى كل حتة احنا لينا بعض مكاتب دخلها الاجمالى خلال الشهرلا يتخطى 100 جنيه فيها اثين موظفين مرتبهم 2000 جنية لوحدهم يمكن الكهرباء او المية اللى بيصرفوها فى الشهر 200 - 300 جنية اى شركة خاصة
محمد صلاح : يقفل على طول ؟
د/ اشرف ذكى : فاذا حصل ده معاناها ان انا ممكن اقفل عدد كبير مجموعه كبيرة من المواطنين هتبقى محرومة من الخدمات البريدية فمفيش اى مجال حتى فى البلاد العربية عرضوا يمكن فى وقت من الاوقات انه تخصص البريد بتعها وبعد ما تقدمت شركات عالمية وكان ممكن البريد المصرى بالمناسبة غيرت رايها مشكلة ولغت الكلام ده ولغت المناقصة اللى كانت معروضة فى ذلك الوقت فا مفيش اى مجال ولا اى نية ولا اى حاجة عند الحكومة انها تخصص هئية البريد خالص يعنى
محمد صلاح :طب
د/ اشرف ذكى : لكن تشتغل بمظور اقتصادى اه
محمد صلاح : ده مطلوب؟
د/ اشرف ذكى : ولا هبقى عبئ على الخزانة العامة وعلى البيروقراطية
محمد صلاح : وهكذا دى وسائل مطلوبة لتسهيل العمل قول لى يا دكتور كان فى زمان مدرسة ثانوية بريد موجودة دلوقتى ؟
د/ اشرف ذكى : والله احنا لقينا انها يعنى
محمد صلاح :كانت تبعكوا ولا ايه؟
د/ اشرف ذكى :اه مش تبعنا احنا بنصرف عليها وممكن انها تتفتح لقينا انها زية زى دبلوم التجارة فلقينا ان الطلبة بتتعلم عادى وبتاخد دبلوم تجارة وبعد كده ياخد نوع من التدريب يحوله الى انه كانة مدرسة البريد بتاع زمان
محمد صلاح : يعنى كان عبئ وتخلصتوا منه ؟
د/ اشرف ذكى :هى الى حد كبير ماقدرش اقول عبئ لكن هى كانت مصدر كويس للعمالة اللى هى اللى هو موزع البريد العادى اللى بيقوم بتوزيع الرسائل فا لقينا انه مفيش ضرورة يعنى مفيش ما تحتم لان نوعية التعليم بتاعة زى دبلوم التجارة ولكن فى بعض المواد مختلفة شوية ففضلنا انه ياخذها افضل بعد ما يتخرج لمدة تدريب لمدة شهر شهرين ويبقى مؤهل فا فى فرق كبير يمكن بتاع البريد مكنش له مكان يشتغل فيه غيرهيئة البريد دبلوم التجارة بيشتغل فى اى حتة ولوحب يشتغل ما حبناش انه هذا الكلام يستمر بصورة مستمره
محمد صلاح : ايه مشكلة العمالة المؤقتة عندكوا بقى ؟ اين انه فى مشكلة
د/ اشرف ذكى :لأ ابدا هوبرضه بالقطع
محمد صلاح : هو فى الدولة كلها ؟
د/ اشرف ذكى : كلها
محمد صلاح : وانتوا جزء من الدولة ؟
د/ اشرف ذكى : بس مش مشكله بالعكس هى المشكلة
محمد صلاح : ايه مميزات العماله المؤقته ؟ عندكوا يا دكتور بلاش المشكلة خليها مميزات
د/ اشرف ذكى :لأ انا هقول بالضبط طبعا حكاية ان هو التعيين من الاول خالص ويستمراللى هو قانون الوظيفة العامة ده ما يتمشى خلاص زمان ده فكله بيبقى على نوع من التعاقد كان هناك فى وقت من الاوقات هناك فرق كبيرجدا من طريقة معاملة وحقوق المعين ومابين المؤقت الكلام ده انتهى تماما كل الحوافز اللى بياخذها المؤقت بياخذها المعين اخرهم حافز كانوالسة عملينة اول السنة دى الرعاية الصحية ده بيستفيد زى ده التدرج فى الوظائف نفس الحكاية ما اصبحش فى فرق غيرانه هوالثقافة بتاعت المواطن المصرى عايز حاجة مستديمة ورغم ان انا مستمرفيها الى ماشاء الله دى انتهت ويبقى دائما عنده تخوف دائما يقول هيستغنوا عنى وغالبا البلد كلها عايزه توصل فى الاتجاه ده يعنى قانون الوظيفة العامة اللى بيقال هيعدل بعض بنوده ماعتقدش انه واحد هيستمر مدى الحياة وفى نفس الموقع محدش يقدريرفده هو اشتغل ما اشتغلش ما اعتقدش بقى المقياس فى التوجه
محمد صلاح : انت شايف ان العمل بالطريقة دى طريقة اقتصادية برضه ؟
د/ اشرف ذكى : واحنا ادخرنا ادخار حر كامنافسة اليات سوق ما ينفعش فيها ان انا اجيب واحد انتج ما انتجش يستمرعندى عبئ وما اقدرش اعمل له حاجة ما ينفعش
محمد صلاح : فى رجاء عبده فى اغنية اسمها البيوستجية اشتكوا وكانت بتقول البوستيجية اشتكوا من كثر مراسلى عشان كانت بتبعت جوابات كثيرة فا البوستجية محمل زكايب زكايب وهو الراجل مطنش قولى البوستجية لما بيشيل زكايب كثيره بتبقى دى بفائده يعنى بيستفيد حاجة غير لما يطلع بجوابين ثلاثة يوصلهم ويروح بيتة ولا لما بيطلع ب 200 جواب ويروح يعنى
د/ اشرف ذكى :لأ احنا عاملين حافزمش بس عاملينة يعنى احنا فى المهنة منهم التوزيع
محمد صلاح : اه طبعا
د/ اشرف ذكى : حسب ادائة
محمد صلاح : انا بس جاء دماغى رجاء عبده وكده
د/ اشرف ذكى : فحسب ادائة له حافزتمييزله حدود قصوى وبالعكس وظائف المتابع زى التوزيع زى السائقين اللى هى فى مجهود عضلى وطول الوقت قاعد اطول وقت فى الشارع ده بنحط له حافزتمييز اعلى من الباقى
محمد صلاح : يعنى بيستفيد البوسطجى ؟
د/ اشرف ذكى : بيستفيد مفيش شك
محمد صلاح : خدنا وعد انه خلال سنة ونص هتنتهى مشاكل كل اهلينا اللى بيصرفوا معاشات من هيئة البريد انتوا كمان ماتقلقوش قوى البوسطجية ما بيشتكوش ولا حاجة من كثرة المراسيل بالعكس ده بياخذوا عليها حوافز وقال رئيس مجلس ادارة الهيئة القومية للبريد الدكتوراشرف ذكى كلامه معانا انهارده كان كلام جميل كلام معقول اكيد كان كلام مسئول خلص الكلام سلام نلتقى فى حلقة مقبلة