أجرأ حوار بين خروف ومواطن.. علشان كل حاجة والعكس

أصبحت شبكات التواصل الاجتماعي بمثابة رئة التنفس للمواطنين المخنوقين، فعقب كل أزمة أو قرار خاطئ تندلع ثورة تعبير على الفيس بوك وتويتر، يطلق خلالها المواطنون العنان لأفكارهم وألفاظهم للبوح عما تعج به أنفسهم.ووسط المشهد الظلامي الذي تعيشه مصر حاليًا بعد أن اعتاد الشعب على التخبط والاستفزاز، اكتظت صفحات المواقع الاجتماعية بردود الأفعال وتعليقات القراء على الحالة الغريبة التي تعيشها مصر الآن، وكان من أشهرها ذلك الحوار الذي دار بين مواطن وخروف وننقله لكم بالحرف الواحد في السطور التالية:مواطن: حرام عليكو يا ظلمة حتغلوا كل حاجة احنا لاقيين ناكل؟!.خروف: انت زعلان عشان حيغلوا الخمرة والسجاير!.مواطن: انا لا باشرب زفت ولا باتهبب أدخن! انا باتكلم ع الزيت والكهربا والعقارات والاتصالات .. كل حاجة حتغلى!.خروف: بس الخمرة والسجاير حرام! انت ضد الشريعة ولا إيه!.مواطن: يا بنى آدم أنا باتكلم ع الكهربا اللى حتغلى كل حاجة!.خروف: كل العلماء أجمعوا على إن الخمرة والسجاير حرام .. عايزنا نسهل الحرام للناس؟ ماذا رأيتم من الله حتى تكرهوا شريعته؟.مواطن: ياخى يلعن أبو العلماء الله يخربيوتكم احنا ناقصين ده احنا عايشين بالعافية!.خروف: إياك وسب العلماء .. لحم العلماء مسموم!.مواطن: يا سيدى العلماء ع راسى من فوق .. الزيادة ف الأسعار لازمتها إيه؟ حرام عليكم.خروف: فى مؤامرات دولية لإجهاض المشروع الإسلامى .. البرادعى وحمدين اتحدوا مع الفلول لإسقاط مرسى! المليارات تنفق لإسقاط الشرعية! إنت مع الشرعية ولا مع بتوع الهولوكوست؟!.مواطن: هو الهولوكوست غلى راخر؟ البرادعى مين وحمدين ايه .. بكلمك على مرسى ليه رفع الاسعار الله يخربيوتكم!.خروف: إنت شكلك من العلمانيين بتوع بوذا! موت بغيظك!.وتبقى كلمة:عزيزي الإخواني والسلفي عارف حضرتك زعلان مننا وبتشتمنا وتكفرنا ليه ؟!!.عشان بنقول الحقيقة من غير تزويق وبنفضحكم ونفضح كذبكم ونفاقكم وتغييركم للحقائق عشان مش بنأيد قرار ونهلل له واحنا لسة اصلاً منعرفهوش، ولما يتلغي نهيص ونطبل لجرأة إلغاء القرار عشان احنا مش مطبلاتيه.لما مرسي يحرم القروض وقت ما كان نائب في مجلس الشعب .. ويحلله لما بقى رئيس .. لما الناس تصوت من الغلاء يقوم هو يرفع الاسعار ويضاعف الضرائب .. لما الناس ترفض الإعلان الدستوري يقوم يلغيه ويعملنا إعلان جديد .. لما يطلع يخطب في الاتحادية أهلي وعشيرتي، ولما المتظاهرين الرافضين لقراراته يعتصموا أمام القصر يهرب من الباب الخلفي خوفًا منهم..لما الناس تطالب بالدستور يطلع المؤيدين يقولوا انتم بترفضوا شريعة ربنا .. لما الناس تنزل تعتصم امام الاتحادية فيهدوا عليهم الخيام ويكفروهم لأنهم بياكلوا جبنه نيستو وتفاح وبيشربوا مياه معدنية.. لما مؤيدي مرسي يقولوا إن جميع ضحايا الاتحادية إخوان ويطلع النائب العام الاخواني - يقول الثماني ضحايا اشتباكات الاتحادية منهم واحد فقط اخوان ويطلع مؤيدو مرسي يقولوا لا كلهم برضه إخوان لما يكون الجدل من أجل الجدل..لما يطلعوا اشاعات ان البلطجية معاهم كرنيهات حزب الدستور مع العلم ان الحزب مازال تحت التأسيس ولم يستخرج له كرنيهات أصلاً .. لما الإخوان والسلفيين يقولوا إنهم لا يمتلكون ميليشيات .. والفيس كله مشير فيديوهات للميلشيات وهي بتعمل تمارين الصباح امام الاتحادية وامام مدينة الانتاج الاعلامي .. لما الإخوان يتهموا الشباب اللي كانوا واقفين معاهم في التحرير انهم فلول .. لما يقولوا إن المعتصمين أقباط وعاوزين يقضوا على الإسلام .. لما يحولوها لحرب دينية وطائفية .... يبقى لازم يعرفوا انهم فعلاً....وزي ما قال الإعلامي باسم يوسف: مش احنا اللي قلناها مسلمين وكفار .. مش احنا اللي قلبناها إسلام وجاهلية .. متهيألي بعد اللي شوفتوه ده .. تقدروا تعرفوا مين اللي بجد جاهلية .. لو كنت فاكر ان مصر هتتقسم ... فوق .. لو كنت فاكر ان مصر هيحكمها جماعة واحدة ... فوق .. لو كنت فاكر انك اكبر من الشعب فوق .. لو فاكر ان مصر ممكن .. تسكت تاني ... فوق .. فوق عشان كان غيرك أشطر.