مرتضى منصور فى مؤتمر صفقة القرن: ممدوح عباس أهدر مليار جنيه فى الزمالك

اتهم مرتضى منصور، رئيس نادى الزمالك، ممدوح عباس، رئيس النادى الأسبق، بأنه تسبب فى تدمير و"خراب" القلعة البيضاء، موضحاً أن تقرير الجهاز المركزى أكد أن إجمالى الخسائر التى أهدرها ممدوح عباس تبلغ مليار جنيه، ومع ذلك لم يُحاسبه أحد، بل هناك من يُكافئه.
وقال مرتضى منصور، خلال مؤتمر صحفى يُعقد حالياً بنادى الزمالك حول إعلان تفاصيل صفقة القرن وتوقيع الزمالك مع عبد الله السعيد لاعب الأهلى، إن ممدوح عباس حجز على مستحقات الزمالك فى الاتحاد الأفريقى والشركة الراعية وجميع البنوك والمحلات الموجودة فى سور الزمالك ومستحقات النادى عند اتحاد الكرة والإذاعة والتليفزيون، مضيفا، "نشترى لاعيبه منين.. وندعم النادى العظيم ده منين.. طالما أصبحت "متكتف" فى كل مكان ومحدش قال للممدوح عباس تعالى قولنا المليار ده راح فين".
وشرح مرتضى منصور كيفية حجز ممدوح عباس على مستحقات النادى، قائلاً، "عمل عقد قرض بدون تاريخ وبدون اعتماد مجلس إدارة، وكل العقود كده والقانون واللائحة عشان أدى قرض للنادى لازم الوزير والجهة الإدارية توافق، ولم يتم عرض الأمر على المديرية، وفقا للخطابات التى تؤكد عدم علمها بالعقود المزورة التى حررها ممدوح عباس بعد رحيله عن الأبيض، بالإضافة إلى شيكات يمنحها لنفسه بتاريخ 13 يونيه 2007 وهذا مخالف قانوناً.
وأوضح مرتضى أنه عندما يمنح عباس نفسه شيكا بدون رصيد يبقى اللى حرر الشيك بدون رصيد لممدوح عباس المفروض يتحبس، لكن خد الشيكات بتاعه 2007 وعمل شيكات جديدة بتواريخ جديدة عشان يحبسنى أنا، لأنه سرق دفتر الشيكات وسرق الختم ومعمول محضر بكده وعايز اعرف اللى خرب الدولة متساب ليه.
وأكد مرتضى منصور أن مجلس الإدارة عقد الاجتماع رقم 30 يوم 4 مايو 2016 وقرر نظرا حجز ممدوح عباس على النادى فتح حساب باسم عضو مجلس إدارة يكون فدائى حتى تدخل الأموال حسابه ويسلمها بنفس العملة، وأرسلنا خطابا للجهة الإدارية بمحضر الاجتماع لإبداء رأيها وتم اعتماد المحضر، قائلا، "يبقى أحمد صالح مدير مديرية الشباب والرياضة لازم يتحبس زى الاثنين الغلابة اللى محبوسين دلوقتى ومعملوش حاجة" .
وأقسم رئيس الزمالك على عدم إرسال محاضر مرة أخرى للجهة الإدارية، قائلاً، "عليا الطلاق ما باعت محاضر تانى للمديرية، لأن اللائحة الداخلية بتاعتنا مفيهاش كده، وأنا راجل قانون.. ولما أرسل المحضر لفتح الحساب جاتلى ملاحظات على بنود ثانية غير الحساب، وده يبقى اعتماد المحضر وفتحنا الحساب باسم البطل هانى زادة اللى لازم نشكره".
وأضاف رئيس الزمالك، "قالوا إن هانى زادة استفاد من فرق عملة وفلوس لما فتحنا حساب باسمه، والبنك بعث جواب إن هانى زاده سلم الفلوس كلها فى نفس اليوم وبنفس العملة طب انتو عايزين مننا أيه؟ عايزنى أمشى.. مش هيحصل غير لما الجمعية العمومية تقولى أمشى."