مدير أمن الدقهلية : هناك أيادى خفيه تفتش وراء رجال الأمن

الدقهلية : أحمد ابو القاسمنظم العشرات من ابناء محافظة الدقهلية و من مركز الكردى وباقى أبناء المحافظة اليوم وقفه تضامنيه مع ضباط الجيش والشرطه المحالين للنيابه العسكريه للتحقيق معهم وذلك عقب تداول المواقع الإلكترونيه لفيديو به ضباط من الجيش وضباط شرطه يقومون بتعذيب اثنين من المتهمين حيث ردد الاهالى عدد من الهتافات منها لا لمحاكمة الضباط الشرفاء و الدقهلية تحيى الجيش و نعم للقضاء على البلطجيه و نعم من اجل استقرار مصر و الجيش والشرطه ايد واحده و يا مشير حرام عليك مصر هتضيع من ايديك و يا مشير مصر بتنادى بتقول متهنشى ولادى و يا مشير خلى بالك دى فتنه كبيره جيالك و يا مشير مصر بتناديك بتقولك احفظ جيشك ومتهنشى رجالة جيشك .وقالت آمال طرابيه إعلاميه و من أهالى برمبال الكردى أن أهالى الشهداء يئنون من كل ما يقوم به البلطجيه ويريدون أن تنهار البلد واتساءل بيحاكمو الجيش ليه على ضرب البلطجيه والبلد تعرف هؤلاء البلطجيه جيدا وكثيرا ما شكونا منهم ومن فجرهم وكانت الفرحه عارمه عندما تم القبض عليه وقام الأهالى بالتهليل لحظه القاء القبض عليهم كما زغردت النساء هو فين التعذيب اللى حصل ان هؤلاء البلطجيه المتهمين كانو متعاطيين للمخدر والضباط كانو بيفوقوهم علشان يقولو جايبين السلاح منين اللى شايفينه دلوقتى سياسه لتدمير البلد قبل كده حرقو الشرطه وكسروها امام الشعب والآن يريدون يكسروا الجيش لكن لا الجندى المصرى خير أجناد الأرض .أما والدة الشهيد احمد الزقرد قالت ليه ابنى يتقتل وليه يحرمونى منه انتو عاوزنا نسيب البلطجيه هما اللى ينزلو الشارع ويحكموا البلد وتبقى مصر كده انتهت البلطجيه دول معاهم سلاح وبيسرقوا العربيات وويقتلون أولادنا وبيغتصبوا بناتنا كانت فين حقوق الانسان لما حدثت واقعه مقتل ابنى العريس ليه مش جايين يتكلموأالا دلوقتى ليه أنا مش عاوزه قانون الطوارىء يتشال خايفين من قانون الطوارىء ليه ؟ويضيف كرم عبد المنعم تاجر أنا عاوز اقول للمشير بعد اللى شفناه وبيحصل ليه الضابط اللى بيحمينا يتعاقب بدل ما يكافىء وهيبقى مين اللى هيحمينا لما الضابط يتعاقب مينفعشى الضابط يتهان وهو صمام الأمان أنا عندى محل قطع غيار وكل يوم اللى شغالين عندى بيتسرقو البلطجيه بيقطعو الطريق .ويتساءل السعيد صبرى لما أحاكم الضابط اللى بيأمنا فى الشارع من اللى هيأمنا بعد كده لما ضاط يقابله بلطجى ويضرب عليه نار المفروض الضابط نقابله بالترحاب و أنا عاوز اسأل عمرو اديب ومنى الشاذلى وبتوع برامج التوك شو لما بريطانيا حصل فيها مظاهرات وضربو الشرطه البلد اللى حصل فيها كده الشرطه قفلتها وهذه بريطانيا بلد الحريه بلد حقوق الانسان هى حقوق الإنسان اللى هتجيبلى حقى من البلطجى لما يقتلنى ويسرقنى ويغتصب بنتى .ويضيف السيد الشريعى سائق أنا اتسرق منى عربيه ب 105 ألف واتحط على رقبتى السكاكين فى امريكا بلد الحريه البلطجى بيضرب بالجزمه وبيتعمل فيه اكتر من كده والكارثه انهم بيصدرولنا حقوق الاسان .البلطجى لما بيجى يوقف حد مش بيعامله كانسان لكن بيعامله كحيوان وبيضربه بالسكاكين ويسرقه ولو كان حريم بيغتصبوهم وأخرهم عندما قتلوا الصول الذى كان يحرس مرتبات الموظفين حرام اللى بيحصل ده أن ضابط الجيش اللى بيحمونا يتحاكم مينفعشى لأننا من غيرهم هنضيعوفى تصريح للواء عمر عبد اللطيف مدير أمن الدقهليه قال أننى أتهم بعض وسائل الإعلام يالتسبب فى احباط رجال الشرطه وكسر هيبتهم أمام البلطجيه الذين يتاجرون فى السلاح واعتادوا ترويع الآمنين واغتصاب الفتيات وذلك لزياده حجم الإعلانات لديهم وهؤلاء الجناه استمرت مطاردتهم فتره طويله إلى أن تم القبض عليهم ولهم سجل اجرامى حافل ونحن لم نصدر بيان فى هذا الصدد لان هذا الموضوع اخذ ضجه اعلاميه مبالغ فيها والتحقيقات مع هؤلاء الجناه مستمره فى النيابه وسيلقون جزاؤهم وأؤكد أننا الآن نحاول القيام بدورنا فدعونا نعمل للقضاء على عناصر البلطجه ومثيرى الشغب ويبدو أن هناك ايدى خفيه تفتش وراء رجال الأمن لإيقاعهم تحت المسائله الجنائيه ومن خلال حملاتنا على أوكار العصابات وحملات ازاله التعديات وجدنا ترحيبا حارا من الناس فى دعوه جاده منهم لعوده رجالنا للعمل الجاد واخشى أن يصاب الآن الضباط بالإحباط .