الفيديو الذي تسبب في إقالة محافظ الشرقية

قال محافظ الشرقية المقال، الدكتور رضا عبدالسلام، "حصلنا موقف بخصوص الظلم، بعد ما اتخرجت من كلية الحقوق في أسبوع واحد، أبلغت بأنني متعينتش في أي مكان، لا الجامعة هتقبلني، ولا القضاء هيقبلني ولا أي مكان، لدرجة أني لم أحمل هم التعليم والتفوق، بقدر حملي هم والدتي التي تعبت وصرفت أموالها للإنفاق على تعليمي، وباعت اللي وراها واللي قدامها، وأرجع وأقولها أنا متعينتش".
وأضاف "عبدالسلام" - في حوار له ببرنامج "أنت ابن مين في مصر" على فضائية "سي بي سي" بجوار والدته - "أنا بقول الكلام دا ليه ؟ علشان فيه ناس لا تدرك معنى الظلم، الناس اللي بتتكلم على ابن الزبال وابن العامل وابن الفلاح، لأ ، أنا لي وجهة نظر، وجهة نظر العقل والمنطق والأخلاق القيم والمبادئ والعادات اللي اتربينا عليها في مصر، إن ابن الفلاح والعامل اللي ربى وعلم وابنه تفوق لازم نشيله على الرؤوس، لأنه تفوق رغم صعوبات الحياة، في الوقت اللي ابن الباشا اللي في بقه معلقة دهب وميسرة له كل الأمور محققش تفوق".
وتابع المحافظ: "من هنا ورايح لازم نحترم ابن العامل وابن الفلاح ونديهم حقهم لأنهم بيقدموا كتير لمصر، ومن هنا ورايح منديش فرصة للأصوات الشاذة اللي بتظلم الطبقة دي".
واختتم: "بشكر والدتي اللي تعبت معايا كتير ربنا يديها طولة العمر علشان يفضل البيت دا مفتوح، واللي ملوش خير في أهله، ملوش خير في حد، واللي مش بيفخر بأصله إنسان لا يستحق أي احترام، فأنا بالفغل فخور بإنسانة تعبت وشقيت علشان تعلمنا وتربينا ومفيش سعادة أكتر من كدا وربنا يخليهانا ويباركلنا فيها، إحنا متولدناش بمعلقة دهب".
ومن جانبهم علق نشطاء على الفيديو قائلين: أنت مكانك مش هنا، أنت حد محترم ومتنفعش في البلد دي.
وفي ذات السياق أضاف أسامة الطماوي: "انت مثال يحب ان يحتدى بة ومثال لحسن التربية وسواء كنت محافظ اولا فانت لك كل الاحترام".
وأكمل مصطفى حبيب: "الناس الطيبة دي المتعلمة اللي تعرف تجمع وتتكلم إزاي ولها ثقة في النفس وعاشت بين الناس الغلبانة وتقدرهم، هم المفروض يبقوا رؤساء، دا مش محافظ، دا كلامه وأخلاقه وتربيته توزن بلد.
وأورد هاني أبو النصر: "لازم نعلى اصوتنا علشان رئيس الجمهورية يحس بالظلم اللى بيقع على الناس المحترمين اللى المفروض أن نتمسك بيهم ومش نمشيهم ونخلى الفساد هو شعارنا".
هذا هو سبب إقالة #محافظ_الشرقية عندما تحدث عن #الظُلم
شاهد المحتوى الأصلي علي بوابة الفجر الاليكترونية - بوابة الفجر: حديث محافظ الشرقية عن "ابن الباشا أبو معلقة دهب" قبل إقالته.. ونشطاء: "أنت مكانك مش هنا".. (فيديو)