شاب يطالب «اتصالات» باسم وحساب «فتاة السيلفى»

مع حلول رمضان من كل عام، تروج شركات الاتصالات لخدماتها، إما بهدف جذب عملاء جدد أو المحافظة وكسب ثقة العملاء القدامى.
وأطلقت شركة "اتصالات" حملة إعلانية بعنوان "البريك"، كما روجت لباقة السوشال ميديا الجديدة، وأطلقت سلسلة فوازير عبر موقع "يوتيوب"، عبارة عن مقطع مصور لمدة عدة دقائق، ثم يتم فى النهاية توجيه سؤال للجمهور حول المقطع. وتقدم اتصالات كل يوم فائزين على صفحتها عبر "فيس بوك".
وتفاعل رواد مواقع التواصل الاجتماعى مع إعلانات اتصالات بشكل مرح، وقد دار هذا الحوار بين أحد العملاء وفريق عمل السوشيال ميديا:
أحمد: "أنا عندى مشكلة مخليانى مش عارف أنام من امبارح ممكن حد يساعدنى Etisalat Misr".
اتصالات: "ممكن توضح إيه المشكلة بالظبط".
أحمد: "كنت عايز أعرف مين البنت دى اسمها إيه؟ وياريت رقم الموبايل وأكاونت الفيس مش هى تبعكم".
اتصالات: ......
وهنا اتسعت دائرة الحوار بعد عدم رد الشركة بين أحمد وأصدقائه.
محمد: "لو عرفت ابقى قولى :D".
مصطفى: "أنا برضه واجهت نفس المشكلة بعد الفطار إمبارح Etisalat Misr".
باسم: "عاوزين نعرف رقمها وال face account بتاعها.. مش بتردوا ليه Etisalat Misr".
أحمد: "لو مردتش عليا دلوقتى هلغى الخط واكسر الشريحة 100 جزء، وياريت تحترموا العملاء بتوعكم Etisalat Misr".
مصطفى: "عايزين نعرف مين البنوتة الرقيقة اللى فى الإعلان دى Etisalat Misr، أنا عميل لشركتكم منذ انطلاقها فى 2007 ،وعيب متردوش عليا، عايز أعرف اسمها إيه".
وهنا تدخل الصحفى تامر: "مساء الخير يا أحمد بك.. أنا بعمل موضوع صحفى دلوقتى عن إعلانات شركات المحمول.. وفى نهاية الموضوع هكتب إن Etisalat Misr لم يحترموا جمهورهم ولم يفصحوا عن هوية البنت اللى بتاخد سيلفى :D".
أحمد: "أشكرك يا أستاذ تامر على اهتمامك هى دى الصحافة اللى كلنا بنتمناها، وياريت كمان تضيف أن الموضوع هيكبر وهيتحول لمظاهرة إلكترونية، وهننزل التحرير لو اتصالات مستجابتش لعملائها Etisalat Misr".
تامر: "أنا فعلا بعمل موضوع عن كفاءة موظفى السوشيال ميديا بشركات الاتصالات.. كنت لسه مع مدير خدمة العملاء فى Vodafone Egypt وقاللى إن تقريبا عندهم حوالى 37 شخص قاعدين يردوا على استفسارات عملائهم.. وكمان هجيب تعليق من Mobinil .. إنما دلوقتى بحاول أرصد مواقف بقى زى الموقف اللى بيحصل معاك ده.. بس واضح إن Etisalat Misr الصيام مأثر عليهم".
أحمد: "أرجوك يا أستاذ تامر تكمل للآخر، واوعى تتراجع مهما ضغطوا عليك، وأتمنى أنك تقول اللى حصل بحيادية شديدة، لازم يفهموا أن السوق فيه شركات محترمة زى Mobinil و Vodafone Egypt، سمعانى يااتصالات ؟ Etisalat Misr.
واستمر الشد والجذب بين أحمد وأصدقائه من الشباب، إلى أن تدخلت رانيا وقالت: "حد يعمل منشن للمدام :D".