بالفيديو.. «الديهي» عن انسحاب إعلامية على الهواء: «جيتي ليه أصلًا؟»

هاجم نشأت الديهي، مقدم برنامج ب«الورقة والقلم»، على قناة «التحرير»، إحدى الإعلاميات دون أن يذكر اسمها، واصفًا انسحابها من حلقتها على الهواء بأنه «تمثيل»، حسب قوله.
وقال الديهي، مساء الجمعة، «الإعلام مش فوق النقد والإعلام بيخطأ والإعلام في ناس بتمثل فيه، إحدى المذيعات في إحدى القنوات جات الهواء وقالت أنا مش قادرة أنا هامشي، طب أنت جيتي ليه أصلًا؟».
وتابع الديهي: «إحنا عايزين نعمل إيه إحنا عايزين نوصل لفين، بيمثل أنه وطني بيمثل أنه كذا، هو إحنا في إيه، وبقول وبعيد تاني أي خلل في أي مكان شايفة من وجهة نظري أقول، لأن في زملاء إعلاميين حقيقة الأمر حاجة تكسف فعلا التمثيل هنمثل ونوصل لفين مش عايز أقول أسماء بس عيب، إحنا كإعلاميين المفروض ننقي الثياب من هذه الأدران بضراحة».
كانت الإعلامية ريهام سعيد، انسحبت على الهواء من حلقة برنامجها «صبايا الخير»، على قناة «النهار»، الإثنين الماضي، حدادا على مذبحة الدفاع الجوي والتي راح ضحيتها 19 مشجعا زملكاويا.