نشطاء "تويتر" يهاجمون رانيا بدوي ب"قاطعوا برامج التوك شو"

سيطرت حالة من الغضب والسخرية على رواد موقع التواصل الاجتماعي "تويتر" في أعقاب المشادة التي وقعت على الهواء مباشرة بين رانيا بدوي، مذيعة قناة التحرير والسفير الإثيوبي بالقاهرة والتي انتهت بإغلاق المذيعة الخط وإنهاء المكالمة.
ورد النشطاء على ما حدث بهاشتاج "قاطعوا التوك شو" والذي شهد وجود حالة من الغضب انصبت على بدوي نتيجة تصرفها.
حيث قال "Eng. Islam Nawar": "يعني هي مفكرة لما تعمل كده المفروض تكون بطلة قومية متخليش حد يفكرلك ده مخك إنت مش محتاج كتالوج أو حد يشغلهولك" وكتب "Mahmoud Adel": "قاطعوا التوك شو لأنهم ميعرفوش غير الشعارات الجوفاء المكررة وكليشيهات الوطنية الفارغة من أي معنى حقيقي وتمجيد الحاكم مهما صنع."
وأيضا طالب "مزاجنجى" بمقاطعة برامج التوك شو "عشان للأسف خداع الناس... أسهل من إقناعهم بأنهم قد خدعوا" في حين اكتشفت "azza mohamed" فوائد المقاطعة فقالت "هيتظبط عندك الضغط والسكر والحالة المزاجيه ومش هاتحتاج تشيل المرارة" فيما قال "الديب": " التوك شو ده أهم سلاح في إيد رواد الإعلام الموجه".
وكذلك فقد كتب " Same7_Yousry": " وأنا أقاطعه ليه.. إذا كنت مبتفرجشي عليه أصلا" وكتبت " Maryam Kadry ••":" كله بيطبل ومفيش حد حيادى ولو ركزت في الغاية اللى ورا كلامهم هتلاقيهم منحازين لشخص بعينه فين الحياد الإعلامي فين النضافة؟"
وقال "mostafa mosty ": "قاطعوا التوك شو بس سيبولى العوكش!" وكتب "جدع بلا جاه": "بذمتك عندك كام مرارة علشان تضيعها على عكاشة والدرديرى ورولا خرسا ولميس" فيما قالت "nora nor": "بدل الهاشتاج ده نعمل هاشتاج "خلوا التوك شو يقاطعنا" علشان من غير التويتر وفيس بوك مش هايلاقى مادة يقولها" وكتب "إبراهيم الفضالي": "قاطعوا التوك شو علشان نوقف حالهم وحال فلوسهم زي ما وقفوا حالنا".