بالفيديو .. تسريب لمكالمة بين "أبوإسماعيل" و"العريان"

عرض الكاتب الصحفى "عبدالرحيم على"، تسريبا جديدا، لمحادثة صوتية بين القيادى السلفى حازم صلاح أبوإسماعيل، وعصام العريان القيادى بالجماعة الإرهابية، بما يؤكد على التنسيق الكامل بين أبوإسماعيل والجماعة الإرهابية.
وإلى نص المكالمة:
حازم صلاح أبوإسماعيل: السلام عليكم
عصام العريان: وعليكم السلام ورحمة الله وبركاته
حازم صلاح أبوإسماعيل: أعتذر على إزعاج سيادتكم.. أنا حازم صلاح أبوإسماعيل
عصام العريان: لا يا أفندم انت تنور أيوه طبعًا يا أخى الكريم معروف
حازم صلاح أبوإسماعيل: الله يبارك فيك.. أنا عارف إنى بازعجك ربنا يحفظك يا رب العالمين إن شاءالله تكون بخير والأسرة الكريمة والجميع
عصام العريان: الحمد لله رب العالمين
حازم صلاح أبوإسماعيل: بص أنا حبيت بس أقول لحضرتك شوف حضرتك كل اللى انا سبته مكتوب فى ورقة يعنى شوف إنه بِيجد حثيثا يا أستاذ عصام شايف حضرتك ميدان التحرير 3-4 ساعات بيضربوا فى بعض وهناك "الكوربة" الأسبوع اللى فات وادى التحرير وميدان جامع محمود وموضوع أحمد شفيق وموضوع النصارى وبدأت نقطة بعترة الناس يعنى الوضع مش هيفضل أيام ولا أسابيع بالصورة المحتشدة أو إن الناس تمزق على قدم وساق أنا أخشى.......
عصام العريان: مش مختلفين على كده إطلاقًا إن فيه ثورة مضادة وفى ناس هتقعد تعمل كده وهتعمل كل هذا،لا نختلف فى ذلك معاك القصة إن إنت بتتكلم فى اتجاه تانى خالص ماهوه ده شغل الحزب الوطنى وشغل البابا للأسف شغل اخواتنا السلفيين اللى هما بيساعدوا على هذا وشغل أمن الدولة فلازم نواجهه.
حازم صلاح أبوإسماعيل: حتى الحزب الوطنى اللى كانت أعصابه سابت وتلاشى لا يمكن يجييبوا محمد رجب يقول هنعمل انتخابات رئاسة جديدة ويقعد مع المجلس العسكرى إلا لو كان واخد مؤشر من السلطة بسند من البعترة الى إعادة اللملمة للحزب مرة أخرى.
عصام العريان: أيوه يا دكتور لا يوجد أدنى شك فيما تقوله القصة كلها كيف نواجه ذلك لا أكثر ولا أقل إحنا عارفين ان فيه ناس معترضة وفيه ثورة مضادة وهيعملوا أكتر من كده ويبذلوا ما فى وسعهم من أجل إنجاح مخططهم وإفشال الإنجازات اللى حصلت.
حازم صلاح أبوإسماعيل: أنا بقول لحضرتك لكسب الوقت لأن الوقت متراخي
عصام العريان: إن شاء الله ربنا هيكرمنا وعايزك تثق فى الله عز وجل ونحن نجتهد والتوفيق من عند ربنا وانت موجود مع الناس والدكتور صفوت حجازى فى القرية اللى فيها الكنيسة اللى حصل فيها المشكلة.
حازم صلاح أبوإسماعيل: إحنا موجودين فى الشارع بس أنا بكلِّم حضرتك علشان الوقت مش فى صالحنا لأن هوه بيقولك سيبهم أسبوعين طيب واستنى لحد ما البلد تخرب ربنا يستر على كل حال مدام الحمد لله أنا أوضحت انا والله أقسم لك برب العزة لولا خوف الإثم مكنتش أزعج أحد بس آهو على كل حال.
عصام العريان: ربنا يبارك فيك يا افندم.
حازم صلاح أبوإسماعيل: السلام عليكم ورحمة الله وبركاته
عصام العريان: وعليكم السلام ورحمة الله وبركاته.