بالفيديو.. ننشر تسريبات مكالمة "العريان" و"ابو إسماعيل" وتوعدهم للأقباط

كشف الإعلامي عبدالرحيم علي عن تسريبات لمكالمة هاتفية دارت بين القيادي الإخواني عصام العريان وحازم أبوأسماعيل القيادي السلفي خلال برنامجه الصندوق الأسود الذي يذاع عبر قناة القاهرة والناس

وجاء مضمون المكالمة بإثبات تعاون الإخوان مع حازم أبو إسماعيل من أجل نشر الفوضي بمصر.

وجاء نص المكالمة كالآتى:-





حازم صلاح أبوإسماعيل: السلام عليكم

عصام العريان: وعليكم السلام ورحمة الله وبركاته



أبوإسماعيل: أعتذر على إزعاج سيادتكم.. أنا حازم صلاح أبوإسماعيل



العريان: لا يا أفندم انت تنور أيوه طبعًا يا أخي الكريم معروف



أبوإسماعيل: الله يبارك فيك.. أنا عارف إني بازعجك ربنا يحفظك يا رب العالمين إن شاء

الله تكون بخير والأسرة الكريمة والجميع



العريان: الحمد لله رب العالمين



أبوإسماعيل: بص أنا حبيت بس أقول لحضرتك شوف حضرتك كل اللي انا سبته مكتوب في ورقة يعني شوف انه بِيجد حثيثا يا أستاذ عصام شايف حضرتك ميدان التحرير 3-4 ساعات بيضربوا في بعض وهناك "الكوربة" الأسبوع اللي فات وادي التحرير وميدان جامع محمود وموضوع أحمد شفيق وموضوع النصارى وبدأت نقطة بعترة الناس يعني الوضع مش هيفضل أيام ولا أسابيع بالصورة المحتشدة أو إن الناس تمزق على قدم وساق أنا أخشى.......

العريان: مش مختلفين على كده إطلاقًا إن فيه ثورة مضادة وفي ناس هتقعد تعمل كده وهتعمل كل هذا،لا نختلف في ذلك معاك القصة إن إنت بتتكلم في اتجاه تاني خالص ماهوه ده شغل الحزب الوطني وشغل البابا للأسف شغل اخواتنا السلفيين اللي هما بيساعدوا على هذا وشغل أمن الدولة فلازم نواجهه



أبوإسماعيل: حتى الحزب الوطني اللي كانت أعصابه سابت وتلاشى لا يمكن يجييبوا محمد رجب يقول هنعمل انتخابات رئاسة جديدة ويقعد مع المجلس العسكري إلا لو كان واخد مؤشر من السلطة بسند من البعترة الى إعادة اللملمة للحزب مرة أخرى

العريان: أيوه يا دكتور لا يوجد أدنى شك فيما تقوله القصة كلها كيف نواجه ذلك لا أكثر ولا أقل إحنا،عارفين ان فيه ناس معترضة وفيه ثورة مضادة وهيعملوا أكتر من كده ويبذلوا ما في وسعهم من أجل إنجاح مخططهم وإفشال الإنجازات اللي حصلت.

أبوإسماعيل: أنا بقول لحضرتك لكسب الوقت لأن الوقت متراخي.

العريان: إن شاء الله ربنا هيكرمنا وعايزك تثق في الله عز وجل ونحن نجتهد والتوفيق من عند ربنا

وانت موجود مع الناس والدكتور صفوت حجازي في القرية اللي فيها الكنيسة اللي حصل فيها المشكلة

حازم صلاح أبوإسماعيل: إحنا موجودين في الشارع بس انا بكلِّم حضرتك علشان الوقت مش في صالحنا لأن هوه ، بيقولك سيبهم أسبوعين طيب واستنى لحد ما البلد تخرب ربنا يستر على كل حال مدام الحمد لله أنا أوضحت انا والله أقسم لك برب العزة لولا خوف الإثم مكنتش أزعج أحد بس آهو على كل حال

العريان: ربنا يبارك فيك يا افندم

أبوإسماعيل: السلام عليكم ورحمة الله وبركاته

العريان: وعليكم السلام ورحمة الله وبركاته