صلاح والنني يسجدان في تل أبيب ويرفعان العلم المصري

تناولت مجموعة من الجماهير المصرية على مواقع التواصل الإجتماعي ال فيسبوك و تويتر نقاشات حادة تضاربت فيما بينها حول مباراة فريق بازل السويسري أمام مكابي تل أبيب بطل الكيان الصهيوني, والتي سيخوضها كلا من صلاح والنني مع فريقهم في أواخر الشهر الجاري في لقاء الذهاب للمرحلة الثالثة من الدور التمهيدي في دوري أبطال أوروبا على ملعب بازل، أي أن المواجهة الأولى للمصريين ستكون في سويسرا نهاية يوليو الجاري, وبعده بأسبوع ستستضيف إسرائيل لقاء العودة أحد أيام 6 أو 7 أغسطس.
تضاربت الأراء والأحكام على مواقع التواصل الإجتماعي كالأتي :
Ahmed sharlok: يروحوا يلعبوا وأتمنى إنهم يسجدوا لله عزوجل على أرض فلسطين ويرفعوا العلم المصري بإذن الله.
Ahmed Alkhwaga: هروح افوز عليهم في اسرائيل وارفع علم مصر
Karim Ąhmed: هاكل شطة كتير عشان ملعبش
Mohamed Mahmoud Hassany: العب واسجل فيهم وارفع علم فلسطين او صورة القدس
Ahmed Hassan: ناس كتير مش هتوافقني علي كلامي و هيقولوا تطبيع بس انا شايف لما المصريين يروحوا يعلموا عليهم في تل الربيع" و انا افضل اقولها بإسمها الحقيقي" و يتعمل معاهم السليمة عتبقي وحشة ف حقهم
Ahmed Hazem Sheir: اعتذر عن المباراة مع شرح وجهه نظري للجهاز الفني، لان مش منطقي يلعبوا في اسرائيل
Ahmed Abdelrahman Ahmed: هلعب واحط عليهم انتم ناسيين بطلة الجودو لما لعبت مع البنت الاسرائيلية و علمت عليها هو دة الى المفروض يحصل
Îörí Ýàgãmí: نلاعبهم ليه لأ لازم نتغير بقى وما نحطش دماغنا فى الطين هما كده كده بقوا غصب عننا وطن لليهود يبقى نتحداهم ونثبتلهم جدارتنا
Mohammed Nasser: ياعم يروح مش حياكلوه يعني .. يروح ويعلم عليهم احسن من انه ينسحب ويضيع مستقبله وخصوصا انه لو ناوي يكمل في أوروبا يبقى حيقابلهم ويتعامل مع أشكالهم دي كتيير .. ولما يبقوا يعملوا معاه حوار يبقى يقولهم انا محترف وجاي عشان أكل عيشي لكني قرفان من وش اللي جابكوا ولو بإيدي مكنتش حاجي
Ahmed Alktatani: ايه الكومنات دي ما تفوق اسرائيل مين اللي نلعب معاها احنا كدا بنتعرف بدولة اسرائيل
Mohammed Hossam: انا مع انكار وجودهم وحتى لو نخسر بطولة من انسحابنا قدامهم مش هتفرق معانا بطولات اهم حاجة كرامتنا
Ahmed Platin: نفسى افهم حاجة واحدة احنا لية بنعمل قلق لو واحد راح لعب او غنى او اتنيل هناك فى الارض المحتلة طيب ما اصلا احنا لينا سفارة هناك وبينا وبيننهم معاهدة سلام المبادىء لا تتجزا اما نمنع العلاقات نهائيا او نبطل تمثيل بقى
Islam Hassan: نلعب و نكسب و نذل ابوهم احنا هنفضل ننسحب من مواجهة مشاكلنا لامتي
Amir Shoushaa: يلعبوا .. و يطرقعلهم في أرضهم .. إذا كانت الحكومات لا تستحي انها تتعامل مع إسرائيل وفي الخفاء .. ليه بقى تحرموا لاعب كره من أداء وظيفته تحت أي ظرف؟
محمد صلاح لاعب بازل السويسري ساجدا لله.