يقيم FilGoal.com استفتاء يخص جماهير الأهلي بخصوص من يؤيد قرار الأهلي في تعيين حسام البدري خليفة لمانويل جوزيه، ومن يعارض المبدأ ويرى المدرب البرتغالي يستحق الاستمرار أو خليفة أفضل؟ وسأل FilGoal.com عبر حسابه في تويتر عن مؤيدي البدري ومعارضي تعيينه مدربا للأهلي. وحصلنا على مناقشات جادة بين فريق مؤيد وآخر معارض لوجوده وكلاهما له أسبابه، والتي نعرضها لكم وسيقع الاختيار على شخصين من كل فريق لإقامة مناظرة يديرها FilGoal.com يوم الثلاثاء في تمام العاشرة مساء. وستكون المناظرة تحت "الهاشتاج" ( #FilGoal_debate )، وقواعدها كالتالي:- 1) سيتم طرح 10 أسئلة على الفريقين. 2) بعد سؤالين.. يحق لكل طرف توجيه رسالة بملحوظة أو سؤال للفريق المنافس. 3) الإجابة ستكون بثلاث مشاركات. 4) الرجاء التحلي بالأخلاق العامة في الحوار واحترام الرأي المخالف. وإليكم حصر لآراء أصدقائنا على شبكة التواصل الاجتماعي (Twitter).. المعارضون: @FilGoal_Live لا لانه ليس من الطبيعى انى امشى اسطوره و امسك مساعده و ميعجبنيش المساعد و امشيه و ارجع الاسطوره و امشيه تانى و ارجع المساعد — Coach Mostafa (@1X_Unstoppable) May 21, 2012 @FilGoal_Live غير مؤيد .. لانه ببساطه ضعيف الامكانيات الفنيه ولا يملك القدره على تطوير فريق كبير بحجم النادى الاهلى واول تجربه ليه اثبتت ده — Ali Diab (@Ali_4_Vendetta) May 21, 2012 @FilGoal_Live مع أنه أنسب واحد للمرحلة الحرجة اللي إحنا فيها دي وسط دوري أبطال أفريقيا بس الراجل ده الجماهير هتفت ضده كتير ليه يرجع — ابو السعد(@3ezzat) May 21, 2012 @FilGoal_Live لا لأن حسام البدرى مبيعرفش يوظف اللاعيبة فى أماكنها صح و هو قال أراهن على دعم الجماهير مش الجماهير اللى مشيتوا من الأهلى بردو؟ — AW (@AhmedWG10) May 21, 2012 @FilGoal_Live مدرب كويس ونتايجه كويسه بس ضعيف الشخصيه وفى اول هزيمه وهجوم الجمهور عليه هيمشى برضوو — سُهيلة(@suheilanasr) May 21, 2012 مشى من النادى بفضيحةراح السودان خد بطولة دورى بيكسبها اللى بيكسب الديربى وخرج منافريقيا رجع هنا خرج انبى من افريقيا بفضيحة@FilGoal_Live — tamer said (@tamer_saied) May 21, 2012 @FilGoal_Live للاسف حسام البدرى لا يستطيع السيطره على اللاعبين الكبارمثل جوزيه وهذاسبب عدم نجاحه فى الولايه الاولى واخشى ان تتكرر فى الثانيه — ahmed taha (@ahmed19122002) May 21, 2012 @FilGoal_Live ماكسبش ولا ماتش برة أرضه .. تعامل سيء جدا مع نجوم الفريق.. عصبية شديدة واضحة في ادارته للمباريات الهامة — الدبش اللي في شلك(@joe_sosta) May 21, 2012 @FilGoal_Live سوء تقدير لتوقيت الدفع بالناشئين.. قتل تاحا ماتش الاسماعيلي في اسماعلية وشيله الماتش لاعبه باك شمال وهو مساك أول ماتش فحياته — الدبش اللي في شلك(@joe_sosta) May 21, 2012 @FilGoal_Live مدرب معندوش القدره على الانسجام مع اللاعبين, نتايجه مش كويسه حتى مع الفوز بالدورى. علاقته بالجماهير وحشه جدااااااا — المشمهندس(@iZeidy) May 21, 2012 @FilGoal_Live مابيكسبش بره الارض تغييرات زفت مبيعرفش يتعامل مع الجماهير و اللاعيبة الكبيرة اداء وحش بيطمع الفرق في الاهلي — mostafa hamdy (@mostafa__hamdy) May 21, 2012 @FilGoal_Live مشكلة البدري انه مش حاسم مع النجوم زي جوزيه — Ahmed Hisham (@AhmedHMitwally) May 21, 2012 @FilGoal_Live و كارثته الاكبر انه بيعتمد على شباب و بيدي لكل لاعيب ماتشين تلاتة و لما يبتدي ينسجم بيسحبه و يطلعه برا ال18 ماتشين تلاتة — Ahmed Hisham (@AhmedHMitwally) May 21, 2012 @FilGoal_Live شايف مشكلة البدري ان علاقته باللاعيبة مش كويسة مبيعرفش يحطهم تحت جناحه زي بواش ف تشيلسي بالتالي بينعكس جوة الملعب دة بالسلب — Hesham Esmail (@Etshhh) May 21, 2012 @FilGoal_Live بالتالي اللاعيبة مش بتطلع اللي عندها مع أنهم ممكن يأدوا مع مدرب تاني بعدها بيومين زي ما حصل مع دي ماتيو ولاعيبة تشيلسي برضه — Hesham Esmail (@Etshhh) May 21, 2012 @FilGoal_Live الأهلى لم يفز بمباراة جماهيرية فى بطولة الدوري موسم 2010تعادل مع الإسماعيلي والزمالك والحرس والاتحاد والمصري وخسر من المحلة — B i a n C o (@mahmoudfadel) May 21, 2012 @Etshhh @FilGoal_Live ميزة البدري الوحيدة هي الاعتماد على ناشئين النادي وده مش ضروري في المرحلة دي مع كل النجوم في الفريق — الدبش اللي في شلك(@joe_sosta) May 21, 2012 المؤيدون @FilGoal_Live أؤيد لأنه لم يحصل على فرصته كاملة في المرة الأولى رغم أنه حقق نتائج جيدة — Sherif Hassan (@Sherif7assan) May 21, 2012 @FilGoal_Liveانا رأى الاهلى بمدرب كويس او من غير هو بيعتمد على الاعيبه وانا شايف ان لاعيبه الاهلى دلوقتى تقدر تشيل الفريق من غير جوزيه — Milanista (@Kaka8official) May 21, 2012 @FilGoal_Live انا شايف انه كان يفتقد الخبرة و كنا بنقول الاهلى كبير عليه .. المفروض دلوقتى يكون اكتسب خبرة شوية . خلينا نشوف !! — مٌعتز الشِنيطى(@MoutazLShenaity) May 21, 2012 @FilGoal_Live البدرى بجد اتظلم قبل ما يمشى وكان بيلعب بالمتاح له عكس جوزيه عايز لاعيب تانى يوم يجيله — Milanista (@Kaka8official) May 21, 2012 @FilGoal_Live لأعبى الأهلى تحرروا تكتيكيا تحت قيادة البدرى و الفريق كان بيلعب بشكل هجومى و الدليل ان جوزيه استعمل نفس التكتيك لما رجع — Karim Fathi (@Karim_Fathi) May 21, 2012 @FilGoal_Live جوزيه خسر من المصرى و موضوع بورسعيد غطى على الهزيمة. البدرى عمره ما خسر فى بورسعيد — Karim Fathi (@Karim_Fathi) May 21, 2012 @FilGoal_Live جميع معارضي البدري يبنون نظريتهم في رفضه على فشله في فترته الأولى وهو أمر غير سليم إحصائيا ورقميا — Sherif Hassan (@Sherif7assan) May 21, 2012 @FilGoal_Live عموما و بغض النظر عن حبى لجوزيه لكن برده البدرى كان فيه مميزات + كان اوقات بيعمل غلطات بندبحه عليها و جوزيه يعملها منكلموش — Omar Gad (@Omarz21) May 21, 2012 @FilGoal_Live البدرى طلب وليد سليمان و عبد الله السعيد و السيد حمدى اكتر من مرة لكن الادارة لم توفر للبدرى الا صفقات زى غدار و فرانسيس — Karim Fathi (@Karim_Fathi) May 21, 2012 @FilGoal_Live البدرى اتاهل فى مجموعة فيها الشبيبة و الإسماعيلي و هارتلاند بعد اداء مقنع جدا — Karim Fathi (@Karim_Fathi) May 21, 2012 @FilGoal_Live لأصحاب نظرية عدم الفوز خارج الأرض .. هل تعلمون أن جوزيه لم يفز بالأهلي بأي مباراة خارج ملعبه منذ موسمين في أفريقيا — Sherif Hassan (@Sherif7assan) May 21, 2012 @FilGoal_Live انا رأي انو نقف كلنا ورا البدري ونسانده لانه خلاص بقى امر واقع والراجل خد الدوري مع المريخ وكان ماشي حلو مع انبي !!! — Abdulrahman Mohamed (@Abdulrahman4Egy) May 21, 2012 @Mohamed_Sabry87 @FilGoal_Live شوف عمل مع انبي ايه حوالي فاز في عشرة مباريات بغض النظر عن المبارة الاخرة اللي عمر الحلواني ضيع فيها بلنتي — NADER NOUR (@NedroNour) May 21, 2012 @FilGoal_Live مدرب اكثر من ناجح بل انه لا يمتاز بحسم و شدة جوزية انه فاز بالدورى قبل ثلاث مراحل و اطاح بالزمالك و يريد ان يفعل فريق من شباب — mohamed magdy (@mohamedmady97) May 21, 2012