لمؤاخذة!

فلان: تقدر تقوللي أنت عملت ايه عشان البلد؟
علان: رحت ميدان التحرير
فلان: انا باسألك عملت ايه مش رحت فين؟
علان: انا رحت التحرير عشان البلد تتغير
فلان: والبلد اتغيرت فعلا؟
علان: الحقيقة لأ
فلان: طيب أنت بعد الثورة اتغيرت؟
علان: وعايزني اتغير ليه هو أنا عدم المؤاخذة ب "وشين" ولا حرباية تتلون حسب الظروف؟
فلان: لكن الثورة أصلا بتقوم عشان تغير نظام حكم.. ونظام حياة للافضل
علان: وان شاء الله حضرتك عاوزني اتغير ازاي البس هدومي بالمقلوب ولا أمشي علي ايدي!
فلان: لا طبعا كفاية قوي انك تعمل شغلك بضمير.. وتعرف ان البلد لا يمكن تتصلح الا اذا كنت حضرتك صالح
علان: صالح سليم؟
فلان: لا صالح للاستخدام الآدمي..!!