لمؤاخذة!

فلان: إيه الآلة الحاسبة اللي معاك .. ناوي تشتغل محاسب!
علان: لا ناوي أحسبها صح
فلان: أيوه .. أيوه عشان تعيشها صح الصح
علان: لا .. عشان يبطل حد يقرطسني
فلان: أعوذ بالله .. ليه بتقول كده؟
علان: أصل تكلفة نقل مبارك للمحكمة بالطيارة طلعت بالشيء الفلاني .. وتكلفة تجهيز جناحه الملوكي في سجن طرة يلزمه برضه الشيء الفلاني .. والبلد علي الحميد المجيد يعني مش ناقصة.
فلان: مش الناس بتقول لازم يروح علي السجن مع الحبايب.
علان: أيوه بيقولوا السجن .. مش فندق القفص الذهبي أبو خمس نجوم.
فلان: يا ساتر يا رب بتحسدوا الراجل علي سجنه.
علان:لا علي دلعه.. يا دلعه
فلان: بدل التريقة قول لنا الحل إيه؟!
علان: نخليه مطرح ما هو موجود ونكتب علي المركز الطبي العالمي لوحة جديدة بتقول هنا سجن طرة بعد التعديل ونوفر المصاريف!