لمؤاخذة!

فلان: حلوة قوي سجادة الصلاة اللي معاك لازم حد من معارفك كان بيعمل عمرة وجابهالك هدية!
علان: أبدا أنا شاريها بفلوسي.
فلان: يا سيدي ربنا يهديك ويهدينا.
علان: لا أنت تقوللي مبروك.
فلان: علي السجادة؟
علان: ايوه ومعاها كمان "سبحة".. لاني نويت أصلي كل الأوقات تحت قبة البرلمان في مجلس الشعب.
فلان: اشمعني؟
علان: لأن الصلاة في المجلس بإذن الله بتغفر لك دورة برلمانية كاملة سواء كنت من العمال والفلاحين أو فئات.
فلان: جبت الكلام ده منين؟
علان: من "بلال إسماعيل" الذي رفع الأذان في المجلس علي مرأي ومسمع من الجميع.
فلان: قصدك "ممدوح إسماعيل".
علان: لا وانت الصادق "ممدوح شو".
فلان: تفتكر ايه اللي خلاه يعمل كده.
علان: افتكر ان الجرس اللي قدام رئيس المجلس بتاع الكنيسة.. قالك اشمعني وطلع بالأذان!!
ابن البلد