لمؤاخذة!

فلان: مش تقوللي مبروك؟
علان: علي خيبة ايه؟
فلان: امبارح جه عريس يخطب بنتي سماح!
علان: ان كان كده يبقي ألف مبروك لكن بيشتغل ايه؟!
فلان: مابيشتغلش؟
علان: عاطل يعني؟
فلان: قطع لسان اللي يقول كده.. ده راجل كسيب وملو هدومه
علان: طيب بيكسب منين؟
فلان: تقدر تقول كده قائد مظاهرات ورئيس قسم مولوتوف.. والمشرف علي قسم الطوب والرخام الكسر
علان: بلطجي بقي!
فلان: اخرس يا حاقد.. ده المستقبل كله قدام
علان: في السجن؟
فلان: لا عند الحكومة لأنه باسم الله ماشاء الله مرشح يبقي "شهيد" وياخد شقة!!