لمؤاخذة!

فلان: ممكن وحياة والدك تفهمني.. هما ليه الشباب الثوري بيحب يقعد عند ماسبيرو!
علان: علشان الكورنيش والطراوة
فلان: الدنيا تلج والواحد لابس كل هدومه وبرضه سقعان.. ولولا الملامة كان يمشي بسريره وبطانيته زي "مبارك"
علان: وليه السيرة دي خلينا في الثوار
فلان: ايه بقي حكاية ماسبيرو؟
علان: الثوار هدفهم تطهير الإعلام
فلان: اذا كان تطهير الاعلام الحكومي مطلب ضروري وأنا معاهم. ليه التطهير يبقي بعيد عن الاعلام الخاص ولا هو طاهر منه فيه!
علان: لان الناس بطبعها ضد الحكومة!
فلان: وايه قولك في الاعلام الحكومي اللي بيشتغل في الاعلام الخاص.. يبقي طاهر ولا عايز "يتطاهر"؟!!
علان: معني كده ان حضرتك عايز المظاهرات والاعتصامات يبقي لها في مدينة الانتاج الاعلامي نصيب
فلان: ومع ذلك الحمد لله.. ان التطهير مطلوب بس في الاعلام المرئي والمسموع.. أما المقروء.. فعلي ما يبدو لهم فيه وجهة نظر تانية خالص!