لمؤاخذة!

فلان: معاك فكة مليار دولار.
علان: عايز تشتري باكو بسكويت؟!
فلان: لا عايز اشتري كرامتي.. بدل البهدلة اللي فيها اقتصاد البلد.. والست أمريكا اللي بتلاعبنا بالمعونة.. قطيعة تقطعها هي واللي يجي من ناحيتها.
علان: كلام جميل.. والأجمل منه لما نعرف إن حداية البيت الأبيض عمرها ما بترمي كتاكيت.
فلان: لكن بترمي ديناميت بعيد عنك وبعدين هو مين اللي قسم البلد بين ليبرالي وعلماني وسلفي وإخواني واشتراكي.. غيرهم.
علان: بس برضه ارجع وأقولك العيب فينا.
فلان: ما هو المخلوع سابها علي الحديدة بعد ما نهبها هو والعصابة!
علان: والحل إيه!
فلان: بدل الاحتفال بالثورة بالطبل والزمر والرقص زي ما كان بيحصل قبل كده.. نحتفل المرة دي بطريقة جديدة.
علان: إزاي!!
فلان: كل واحد يوم 25 يناير يدور علي ضميره ولما يلاقيه يمسك فيه بأيده وأسنانه!