كتير بسأل نفسى أنا دورى أيه فى المرحلة دى؟!!!!! ياترى دورى أوعى الناس وأطرح رؤيتى فى الأوضاع المتلخبطة بتاعة البلد ولا أقف ساكت وأستنى اللى هيحصل زيهم .... طب زمان خدنا إن الصحافة رسالةيبقى أيه الرسالة اللى هوصلها لما أسكت؟!!! بس برضه أنا عند رأيى اللى جاى أحسن وهأقول تانى على الأقل دلوقتى أحنا بنتسرق معنويا بس لكن أيام النظام البائد كنا بنتسرق كافة أشكال السرقة .... المشكلة الحقيقية أننا عاملين زى ناس كتير ركبت طائرة بس مفيش طيار فكله بقى بيفتى وبندور على الزرار اللى هيطير بينا .... حلوة المحاولات بس برضه لازم طيار وده لما تيجى إنتخابات الرئاسة بقى بس برضه الوسواس القهرى بيحاصرنى....ياترى الطيار اللى جاى محترف ولا " هيلوش" ويعمل زى عادل إمام لما قاد الطائرة فى فيلم " أمير الظلام"؟!!!!! سامع واحد بيقولى ياعم بلاش تهيئات لما تيجى الإنتخابات الرئاسية هنتختار الأصلح .... عايز أقولك أنا مش بعقدك أنا بفكر معاك بصوت عالى...أحسن ما أديلك مسكن تقيل هيسكنلك الألم دلوقتى بس بعدين متضمنش ممكن يكون له أثار جانبية عليك أنا سمعت زيك عن التعديل الوزارى اللى هيتعمل خلال الفترة الجاية ......عارف أنا نفسى فى أيه؟!!! نفسى بقى نوصل لمرحلة أننا نغير سياسات مش مجرد نغير أشخاص يافرحتى لما يشيل واحد فشل فى المهمام الموكلة أيه ويجيب واحد تانى يفتى ويخربها زيادة .... سياسة اللى يجى يهد بتاع اللى راح يعنى طب مايشوف كل الملفات وأيه أوجه قصور سابقه مع إقتراحاته. المفروض هو جاى فاهم الدنيا وعنده حلول....أيه سامعك بتقول الكلام حلو بس المهم التنفيذ ...صدقنى بقولك التنفيذ برضه سهل بس اللى ينفذ