من هو الشهيد

علمونا أن الشهيد .. اللي ضحي بحياته ع الحدود
لأجل ما يصون الوطن.. المال.. العرض.. أرض الجدود
هو دا وصف الشهيد
إنما في مصرنا .. الشهيد في الطابور..
اللي بيعاني يجيب لولاده لقمة.. أو دقيق لأجل ما يخبز رغيف
أو يجيب لو كيلو سكر.. يرضعوا بيه الصغير..
أو يتوه في الزحمة لأجل ما يلاقي الغموس .. ألف فوق رأسه تدوس
لو يجيب البوتاجاز .. لزما يتوه وسط الزحام.. ياما جاز فيكي يا مصر
حزمة الفجل بجنيه يا عزيزة.. والفواكه قايدة نار..
أما لو عزت الفطار.. لو مدمس او فلافل.. الجنيه ياحبيبي طار..
يبقي مين هو الشهيد
اللي زيي واللي زيك.. صاحب الكلمة الجريئة
اللي جوه الغيط في عز البرد قالع.. أو في لفح الشمس ما يهمه الموانع
واللي داب ويا المكن جوه المصانع.. والعرق في جبينه طالع
آخر المتمة ما يلاقيش اللقمة حاق.. ولا اللحاف يتغطي بيه
إحنا لا ... وهمه كل حاجة
يا عمر .. اصحي وشوف الظلم عم.. العمد .. الولاه في مصر أهم..
داسوا فوق الشعب.. الحق.. وحياتنا عجيبة.. لا مصيبة
يبقي مين هو الشهيد..
أنا وأنت .. كلنا أصبح شهيد