وصف الإعلامي ، أحمد موسى، الأحزاب المصرية والنشطاء السياسيين الذي يدعون إلى تظاهرات في يوم 25 إبريل احتجاجا على إعلان السلطات المصرية أن جزيرتي تيران وصنافير سعودية، بأنهم "خونة وجواسيس"، على حد وصفه. وأشاد "موسى" بدور الجيش في "حماية كل حبة رمل يوميا"، مشيرا إلى العام الذي حكم فيه الرئيس المعزول محمد مرسي بأنه كان "عاما أسودا"، ومؤكدا أن الشعب المصري لن يسمح للإخوان بالحكم مرة أخرى، وذلك عبر برنامجه "على مسئوليتي" على فضائية "صدى البلد"، السبت. وهنأ "موسى" قادة مصر وجيشه بمناسبة الذكرى ال34 لتحرير سيناء، الذي سيوافق الاثنين المقبل، 25 أبريل: "كل سنة بلدي وجيش بلدي وكل قادة مصر العظام وانتو طيبين، واللي رحلوا عن دنيانا.. ربنا يا رب يتقبلهم شهداء.. قائد الحرب والسلام البطل العظيم الرئيس الراحل أنور السادات هو الذي اتخذ قرار الحرب، قرار النصر، عودة الكرامة لما رفع الرئيس مبارك علم مصر العظيم يوم 25 أبريل عام 1982 عندما تم تحرير سيناء." وأضاف موسى: "يوم 25 أبريل ده عيد وطني، عايز تحوله ليوم ضد البلد؟ هي البلد دي ما فيهاش ناس ولا إيه؟ البلد دي فيها شعب، هو المعني وهو المسؤول إنه يحمي ويحافظ على على هذا الوطن.. الشعب العظيم اللي بيحتفل يوم 25 بعيد تحرير سيناء، أوعو تخلو أعيادنا الوطنية زي ما انتو دعيتوه، وزي ما حصل قبل كدة وحاولتو تدمروا وارتكبتم جرائم إرهابية، عايزين كمان في اليوم ده تخربوا البلد؟ زي ما انتوا طلعتم قبل كده بتدعو لإسقاط الدولة، عايزين كمان في اليوم ده تسقطوا الدولة؟" وتابع موسى: "مين النهاردة بيطلق هذه الدعوات؟ مين هو اللي بيحرّض النهاردة؟ مين اللي قاللك إن إحنا جاهزين علشان نحكم البلد؟ هو زي ما عمل معاك في 25 قبل كدة، وخدك سلم، بيعمل معاك بالضبط نفس الحكاية، هما هما ما تراجعوش.. هو انت بتقول أنا نازل تاني يوم 25 علشان أحكم، مين اللي يخليك تحكم الشعب؟ من امتي؟ ما هو جرّبك مرة، وسلّمك البلد مرة، على أساس إن انت كان يمكن يبقى عندك وطنية، وشوية مروءة.. حمدين صباحي، وخالد على وأسماء محفوظ وإسراء عبدالفتاح وعبدالمنعم أبوالفتوح، كانو معاك؟ وإيه اللي حصل في البلد بعدها؟ خربت البلد ولا إيه؟ خربت البلد." وأشار إلى العام الذي حكم فيه الرئيس السابق، محمد مرسي، قائلا: "السنة السودة دي بندفع ثمنها لحد النهاردة.. عايز تاني تجرب؟ ما (حركة) 6 أبريل الإرهابية كانت معاك برده وأحمد ماهر.. هما هما اللي بيحرضوا.. انت بتتكلم على أرض إيه؟ عرض إيه؟ ده انت بعت الأرض والعرض وضحيت وخدت كل حاجة وبعت الناس كلها. انت انهارده جاي تقوللي إن انت عندك وطنية؟.. دول خونة، بيتكلموا النهاردة عن أرض.. أرض مين؟ هو حد بيضحي كل يوم علشان حبة رمل غير الجيش؟ ده انتم أشرف واحد فيكم خاين وجاسوس، الجاسوس محمد مرسي." شاهد الفيديو: