الناس بدأت تسأل عن اسم "الرئيس القادم" ؟

أديب:

قارن الإعلامي عمرو أديب بين وضع "مصر" و "امريكا" لافتًا إلى أت مصر "وليدة" بالفعل مثلما قال الرئيس عبد الفتاح السيسي في لقاءه مع "هولاند" .
وقال أديب : هنا في امريكا فيلم جايب مليار دولار في 10 ايام .. والله العظيم طارق عامر لو لقى فيلم بيعمل كدة هيقوم يتحزم ويرقص "بحسب قوله".
وأضاف: عندنا في مصر كل يوم فيه مصيبة جديدة والاسبوع الجاي هيبقى فيه مصيبة .. دة مش توقع .. انا بقولكم انه هيحصل بالفعل .
وأردف: دلوقت رجعنا لنفس الحوار القديم بتاع أيام مبارك .. لما كانت الناس بتسأل : لو حسني مبارك مشي نجيب بداله مين؟ وكان فيه ناس بتقول نجيب "الاستاذ جمال" - اللي هو ابنه يعني - وكان حلم المنى أن يجي "عمر سليمان" .. وبعد الثورة عمر سليمان معرفش يدخل الانتخابات .. والاستاذ جمال بقى في السجن والاستاذ حسني بقى في السجن .. وقعد الميدان يسأل نجيب مين؟ فملقوش ريس .. والنهاردة نفس الحوار : طب نجيب مين؟ طبعًا مش هنجيب رئيس المخابرات لانه خبراته لا تؤهله أو وضعه مختلف عن عمر سليمان .. والبلد اللي فيها 96 مليون مواطن لما تسألهم : نجيب مين؟ يرد عليك ويقولك : أي حد يا اخي .
ثم انقطع البث عن برنامج "أديب" ثم عاد بعد فاصل : وقال نعتذر عن هذا العطل الفني الذي ليس مسؤولا عنه محمد بيه بتاع قسم الهرم لأن محمد بيه بتاع الهرم برانا هنا .