أحمد عز: ما اتجوزتهاش لارسمي ولاعرفي ومش ولادي

طمأن الفنان أحمد عز متابعيه أنه بخير وأنه راض بالابتلاء الذي حدث له، نافيًا زواجه من الفنانة زينة سواء بطريقة رسمية أو شفهية أو عرفية، لافتًا إلى أنه لم يعترف بأولادها نهائيًا لأنهما ليسا من دمه.
وقال عز في تدوينة له بموقع التواصل الاجتماعي "فيس بوك": "كتير سألوا عليا امبارح وأنا بطمنكوا أنا الحمد لله كويس وزي الفل وراضي باللي ربنا كاتبهولي كله، أنا كمان مش بس راضي أنا سعيد "بالابتلاء" اللي أنا فيه عشان واثق في ربنا وفي نصره إن عاجلا أو آجلا!! وإن اللي أنا فيه ده ما هو إلا رفع درجات بإذن الله. طبعا أنا لا أعلق على أحكام القضاء ومش هاطلع أعمل دوشة ولا أتكلم عشان أنا سايب حقي على ربنا العادل الحق. اللي بقولهولكوا دلوقتي هو نفسه اللي بقوله من أول يوم في القضية وهافضل أقوله لآخر نفس في عمري.. وباشهد الله على كلامي ده بل وأقسم بالله العلي العظيم "إني ماتجوزتهاش ولا رسمي ولا عرفي ولا شفهي ولا ثانية وإن شاالله يكون معاها 100 حكم و100 شهادة ميلاد برضه مش ولادي".
واستشهد بالآية القرآنية: "ولا تحسبن الله غافلًا عما يعمل الظالمون إنما يؤخرهم ليومٍ تشخص فيه الأبصار".