تعليقا على رفض محكمة الاستئناف الطعن المقدم منه، على حكم إثبات نسب توأم زينة إليه، وتأييد حكم أول درجة، أصدر الفنان أحمد عز، اليوم الخميس، بيانًا تداوله معجبيه على صفحاتهم الشخصية على مواقع التواصل الاجتماعى قال فيه "رسالة من الفنان أحمد عز.. مساء الفل ياعيلتي وأهلي، كتير سألوا عليّ امبارح وانا باطمنكوا انا الحمد لله كويس وزي الفل وراضي باللي ربنا كاتبهولي كله، انا كمان مش بس راضي انا سعيد "بالابتلاء" اللي انا فيه عشان واثق في ربنا وفي نصره أن عاجلا أو أجلا!!! وان اللي انا فيه ده ماهو الا رفع درجات بإذن الله. طبعا انا لا اعلق على احكام القضاء ومش هاطلع اعمل دوشة ولا اتكلم عشان انا سايب حقي على ربنا العادل الحق". وأضاف: بسم الله الرحمن الرحيم "ولا تحسبن الله غافلًا عما يعمل الظالمون إنما يؤخرهم ليومٍ تشخص فيه الأبصار" صدق الله العظيم وتابع: "اللي بقولهولكوا دلوقتي هو نفسه اللي بقوله من أول يوم في القضية وهافضل أقوله لآخر نفس في عمري.. وبأشهد الله على كلامي ده بل وأقسم بالله العلي العظيم "اني ماتجوزتهاش ولا رسمي ولا عرفي ولا شفهي ولا ثانية وان شاالله يكون معاها 100 حكم و100 شهادة ميلاد برضه مش ولادي".