بالصور.. ضابط شرطة يُهاجم ممارسات زملائه على «فيس بوك»

انتقد أحد ضباط الشرطة يدعى أحمد محمود أبو كيلة، ممارسات بعض زملائه من ضباط الجيش والشرطة وكذلك وكلاء النيابة، من قيامهم بإزالة اللوحات المعدنية المدون عليها أرقام سيارتهم، أو وضعهم علامات أخرى تستفز المواطنين.
ونشر حساب منسوب للضابط المذكور، عددًا من صور سيارات بعض من يقصدهم بحديثه وعلق عليها قائلاً: «الضباط (جيش وشرطة) ووكلاء نيابة أنت بتعمل كده ليه في نمر العربية أو بتشيلها ليه على الرغم إن الموضوع ده بيستفز الناس جدًا وممكن يعملك مشاكل وأوقات كتيرة بيعمل مشاكل للضباط اللي واقفين في الأكمنة واللجان المرورية بسبب إن سيادتك بتعدي عادي ويعدي مواطن تاني بعد منك يتسحب رخصة لأن عنده مخالفة تانية لا تتناسب بالمصيبة اللي سيادتك عاملها أو واحد يقف في الكمين للضابط ويقوله أنت عديت العربية بالمنظر ده ليه».
وتابع: «الموضوع ده إن دل على شيء فيدل على ضعف الدولة وعدم مصداقيتها في مواجهة الخروج على القانون حتى في أبسط الأمور وبيكون حافز للفساد عند الناس واللي عنده سلطة في أي حاجة تانية يستغلها ما سيادتك بتستغل سلطتك هو مسيتغلش سلطته ليه، عمر ما هيكون لينا مصداقية عند الناس والمناظر دي موجودة».
شاهد الصور: