رئيس الزمالك ل«اليزل»: كنت مستخبي في أنهي خرابة؟

شن مرتضى منصور، النائب البرلماني ورئيس نادي الزمالك، هجومًا حادًا على اللواء سامح سيف اليزل، عضو مجلس النواب، مؤكدًا أن: "كلمة “في حب مصر”، شدت الناس وعجبتهم عشان كده انتخبوك، احترم نفسك انت كنت مستخبي في أنهي خرابة يا سامح؟"
وهدد منصور اليزل قائلاً: "أقسم بالله هجيب الجديد والقديم هقلب الدنيا عليكم.. لو فتحت يا سيف هاوقعك إنت واللي وراك أنا عندي كلام لو قلته البلد هتنقلب 180 درجة عليكم بس أنا ساكت وحاطط الجزمة في بقي لغاية دلوقتي".
وأضاف اليزل في مداخلة هاتفية على قناة العاصمة، موجهًا كلامه لليزل: "هو البرلمان عزبة باباك لو دكر انزل قدامي فرد لفرد واختار أي دائرة لو ما مسحتك أبقي أنا صغير"، مشيرًا إلى أن قائمة "في حب مصر" دخلت البرلمان بالأموال وتضم عددًا من الشخصيات الكارهة لثورة 30 يونيو.
وتابع مرتضى "اهدى يا سيف.. اوعى تكون مفكر إنك بتخدم السيسي، انتوا كده بتوقعوه.. الفيلم الهندي اللي إنت عمله ده، وبقول للرئيس السيسي من فضلك لم الأفندي ده كفاية حب مصر دي كسبت عشان اتمحكوا فيك".
وحذر منصور مَن سيقول يسقط حكم العسكر في البرلمان، قائلاً: "اللي هيقول كدا هاديله بالجزمة".
شاهد الفيديو :