نافع ل «السيسي»: «جوع الجيش والقضاء والشرطة الأول»

سخر الدكتور ثروت نافع، الرئيس السابق ل "البرلمان المصري السابق"، المشكل من ناب سابقين من قول الرئيس عبدالفتاح السيسي إن المصريين لديهم استعداد ليجوعوا حتى يبنوا بلدهم.
وأضاف: "السيسي عاوزك تجوع، لكن هو وأولاده وعائلته وعباس مش حيجوعوا، زى عبد الناصر لما قالك اربط الحزام، ولقينا أولاده عندهم يخوت، وحسنين هيكل ابنه يمتلك ربع مصر، والسادات لما قالك نستحمل، ولقينا ابنه وأسرته مليونيرات، ومبارك لما قالك اجيبلكم منين، ولقينا معاه ومع أسرته وأصحابهم مليارات، على حد قوله".
ودعا نافع عبر صفحته على موقع التواصل الاجتماعي "فيس بوك" إلى معاملة القضاء والشرطة والجيش بالمثل، قائلاً:" لا إحنا عايزين الجيش والقضاء والشرطه يجوعوا الأول، لأنه وهو بيقولك كده كان بيزود مرتباتهم للمرة المائة في عامين".
وزعم أن "تلك الدعوات الرئاسية، تأتى رغم أن زوجته تسافر بطائرة خاصة من فلوس الشعب علشان تروح البحرين وهي ليست ذات صفة دستورية"، مضيفًا: "الملايين ديه كان ممكن تعملك فرق في صرف اسكندريه وبيتك مايغرقش وابنك مايتكهربش"!.
وتابع قائلا:" وهو بيقولك كده و كان واخد من الخليج اكبر معونة في تاريخ مصر منذ عهد محمد علي!! وانت مش عارف اتصرفت فين! وكان لسه واخد معونه جديده (شحاتة يعني عليك) من السعودية وانت برضه مش عارف حيصرفها فين؟! وكان بيخصص أراضي وميزانية لسجون جديده، و كان بيضحك من جواه وبيقولك "انت كده ازاي؟".