"سايبينهالكم".. أحدث حملة شبابية للهجرة من مصر

دشن نشطاء عبر موقع التواصل الاجتماعي فيس بوك حملة جديدة بعنوان "سيبينهالكم" داعين فيها الشباب لمغادرة مصر إثر ما وصفوه بحالة التردي التي وصلنا لها اقتصاديا وسياسيا واجتماعيا خلال الفترة الأخيرة.
وقال مدشنو الحملة عبر الصفحة الرسمية لها: "سايبينهالكم تسرقوا فيها
سايبينهالكم تظلموا فيها.. سايبينهالكم تعملوا فيها مشاريع الفنكوش شباب مصر سايبنهالكم وماشيين ميعادنا 22/23 نوفمبر هنخش تحدي مع النظام وهنشوف طوابير انتخاباتكم الهزلية أكبر ولا طوابير هجرة الشباب أكبر هنشوف مين الأكثرية احنا ولا انتوا".
وعبر النشطاء عن دوافعهم للترويج لتلك الحملة من خلال عدى أسباب رصدوها عبر صفحتهم الوليدة مؤكدين أن "عشان الغلبان لسه مش لاقى العيش وكل يوم الأسعار بتزيد وتزيد وبتخنقه أكتر.. سايبنهالكم. عشان مستوي دخل الفرد كل يوم بيقل مبيزيدش، بسبب إن النهب والسرقة والفساد كل يوم بيزيدوا.. سايبنهالكم. عشان الشباب مش لاقى شغل والدولة مبتوفرلوش وظيفة، ولو لقى بيطلع عينه وفي الآخر بيقبض ملاليم.. سايبنهالكم. عشان الأوائل وحملة الماجستير والدكتوراه مبيتعينوش في الجامعات ولا أي وظائف محترمة، وابن الدكتور والمسؤول هو اللى بيتعين.. سايبنهالكم. عشان المواهب في كل المجالات مبتتقدرش، واللى ليه واسطة هو اللى بيوصل.. سايبنهالكم".