نرصد كافة القفشات التي قيلت عن مقاطعة الإنتخابات

أثارت النسبة القليلة التي شاركت أمس في اول يوم من الانتخابات البرلمانية موجة شديدة من السخرية على مواقع التواصل الاجتماعي .
وقابل النشطاء كل أحداث اليوم بدءاً من فراغ اللجان وإنتهاءاً بسب الإعلاميين للشعب لعدم نزوله الكثير من "القفشات" والصور الساخرة من الوضع والتي ننشرها كالتالي:
- 6 إبريل : "تتحمل اللجنة العليا للإشراف على الإنتخابات الوزر الأكبر فى ضعف الإقبال اليوم بقرارها الغير مفهوم و الغير مبرر بمنع الهوت-شورت من دخول اللجان؛ كيف لهم أن يمنعوا جزء أصيل من الهوية المصرية من التصويت؟"
- جمال عيد : أنا عازم كل اللي صوتوا على غدا في مطعم جاد بتاع 26يوليو، وحناخد ترابيزة لوحدنا .
- طارق العوضي: خلاص يا جماعة لقينا الاجابه المقنعة :
- الناس منزلتش الانتخابات عشان هي مش عاوزه مجلس شعب هما مش واثقين غير في السيسي وبس ،، ومش هينتخبوا حد غير السيسي
- عبد الرحمن يوسف : الجمهور اللي في ملعب مختار التيتش دلوقتي أكبر من عدد الناخبين في الخارج والداخل مجتمعين..
- استهدي بالله يابنتي وانزلي ارقصي اللجان فاضيه حرام عليكي
- وسام عبد الوارث: الطلاب هم المستفيدون من الانتخابات بالاجازة.
- مصر علي وشك دخول موسوعة جينيس للارقام القياسية بعد أن أصبح عدد المرشحين أكبر من عدد الناخبين.
- قعدت تقول مفييييش مفييييش مفييييش أهو محدش راح
- طب أقفل اللجنة وأفتحها تاني كدة ؟
- طيب ماتقوم تنادى ع الصعيدى وابن اخوه البورسعيدى ده ماحدش راح
- انا مخنوق ومحتاج اقعد لوحدي في مكان هادي .. اما انزل لجنة انتخابية
- هو عمرو مصطفى وحسين الجسمي مش ناويين يعملوا اغنية جديدة تشجع الستات بتوع سيسي رئيسي عشات ينزلوا يرقصوا قدام اللجان.
- أدي اخرة اللي يجي عالهوت شورت
- النكتة الحقيقية لو فرزوا الاصوات فعلاً
- حد وتنى ينزل يبخر اللجان اكيد الاشرار حسدوها
- عبد الرحمن عز : ولما ذهب الإمام محمد عبده الى بولاق الدكرور قال : "رأيت إنتخابات بلا ناخبين ، ونائبين بلا إنتخابات"
- اصل الاخوان الارهابيين عملوا سحر للانتخابات مرتضى ستايل.
- وفجأة استيقظ المارد الشعب المتدين بالفطره وقال ان الانتخابات اصلا حرام
- ستخرج د هبه قطب وتعطي علاج لسبب ضعف الاقبال علي اللجان.
- أنس حسن : اهو البرلمان في مصر دة عامل زي النيش في الجواز ملوش لازمة بس لازم عشان الناس متاكلش وشنا
- انتخابات من غير حمدين صباحي لا تمثلني
- مفيش صاحب بيصاحب مفيش ناخب ولا ناخب
- " ياريس الاقبال على الانتخابات ضعيف نعمل ايه؟ .... اااااااااااه .. انا فهمت المشكلة فين .. دة اكيد عشان محطة السادات لسة مفتوحة .. اقفل محطة السادات.