ننشر القفشات التي قيلت عن خسارة الاهلي

اثار فوز الزمالك على الاهلي بعد سلسلة من الانتصارات المتتالية للاخير موجة عارمة من الفرحة بين جماهير الفريق الابيض وبخاصة أن الزمالك جمع بين الدوري والكأس لأول مرة منذ فترة طويلة .
وقامت جماهير الزمالك بالسخرية من فريق الاهلي بسبب خسارته بهدفين مقابل لا شئ اما فريقهم .. في الوقت الذي لم تستسلم فيه جماهير الاهلي حيث ردت بتعليقات ساخرة عن الاداء السئ للزمالك طوال السنوات السابقة .
وهذا ملخص لأهم ما قيل :
- باسم مرسي في الجون الاول بعت حسين السيد يشتري زبادي.
- الاهلي بيلعب بالدراع البايظ على فكره.
- مرتضى شاكله راح لدجال عارف شغله المره ده تحس إن الزمالك فى جن بيفتح لهم دفاع الاهلى.
- محدش يقول أنه أهلاوي .. دة لمصلحتك انت والله
- يا وقعتك السودة يا وهدان .
- يا اخى بتفرج على الاعادة يمكن نجيب اجوال تانى
- اجمل حاجة الاهلوية اللى واخدين كومنتين وشغالين عليهم كوبى بيست فى كل حتة وفى اى مكان
احب اقولك اعمل اللى تعمله مش هتعرف تكسر فرحتنا وهتضحكنا عليك كمان.
- باسم مرسي : اللي ودي حسين السيد المراجيح
- المباراة بتتعاد ياريت الأهلوية يتابعوها ممكن يكسبوا، يقلك لسا في أمل
- فيريرا لما رفع الشراب كان بيخبي العمل اللي معمول في شبراخيت فيه .
بينما رد الاهلاوية بعدد من التعليقات الساخرة مثل :
- تخيل انت كدا الاهلى معاه طبق كشرى و جه الزمالك خد منه معلقه هيحس بحاجه
- زي ما بنصوم عشان نحس بالفقراء .. بنخسر عشان نحس بالزمالكاوية.
- بشوف مكان استخبى فيه بعد الماتش عشان دي اول مرة ليا .. ياريت الزمالكاوية اللي هنا يقولولي كانوا بيستخبوا فين في الاوقات اللي زي دي .