نشطاء يجاوبون على سؤال السيسي لفجر العادلي "إيه اللي مزعلك"

أثارت تصريحات الرئيس عبدالفتاح السيسي التي قال فيها إنه يريد أن يسأل فجر العادلي، التي هاجمته داخل القاعة عقب انتهاء المؤتمر الصحفي الذي عقده مع المستشارة الألمانية أنجيلا ميركل إيه اللي مزعلك نحن نبني سويًا، ولا بد أن نحمي بلدنا من العنف والإرهاب والقتل موجة من التعليقات الساخرة من نشطاء موقع التواصل الاجتماعي "الفيسبوك".
قال الناشط محمد مصطفي، "إن السيسي يقول على هذه البنت مصرية لأنها في ألمانيا لكن لو في مصر كان زمانها حامل في السجن".
وأضاف إيهاب خليل: "إيه اللى مزعلك، لا أبدا شوية مشاكل ف البيت، دا أنت قاتل فوق 8000 بنى ادم، ومعتقل فوق 30000 شاب، وخارب البلد وتقول إيه اللى مزعلك".
وتابع محمود حسن: "لا أبدا بس مزعلها الكام ألف واحد اللي اتقتلوا واتحرقوا، والكام بنت اللي عملتلهم كشف عذرية، والكام الف اللي سجنتهم والكام ألف اللي مش لاقيين يأكلوا، والكام مليار اللي مابنعرفش بيروحوا فين".
وأضاف علي إبراهيم: "حسبي الله ونعم الوكيل إيه اللي مزعله لا ولا حاجة، مزعلها إن واحد زيك ماسك البلد، إللي مزعلها الشهداء اللي ماتوا، اللي مزعلها المعتقلين في السجون ومش ليهم ذنب، إيه اللي مزعلها؟، مستقبل الشباب اللي ضاع وانت ولا هنا، البنات اللي يخشوا القسم والضباط يقولوا لو مش خدنا اللي احنا عايزينه منكم هتطلعوا حوامل، لا مفيش حاجة مزعلاها خالص".