زياد العليمى: الشعب متأكد من «هروب مرسى»

قال البرلمانى السابق زياد العليمى، إن الشعب المصرى يعرف حقيقة الاتهام المنسوب للرئيس المعزول محمد مرسى فى قضية الهروب من سجن وادى النطرون، مشيرًا إلى أن الأخير وقيادات الإخوان يستحقون المحاكمة فى قضايا أخرى.
وتساءل "العليمى"، فى تدوينة له على موقع "فيس بوك": "إزاى كلام وزير الداخلية إن مفيش عنده ما يثبت إن قيادات الإخوان كانوا ف السجن، وفى نفس الوقت الناس دى اتحاكمت بتهمة الهروب من السجن اللى مصر كلها كانت عارفة إنهم محبوسون فيه من 27 يناير ماعدا المسئولين والأوراق الرسمية اللى المفروض إن المحكمة بتشتغل بيهم".
وأضاف: "وبعدها عرفت إن فيه حكم صدر بحظر نشاطات روابط الألتراس بشكل عام، وطبعًا الحكم بدون تحديد الروابط دى وبدون تحديد الأفعال المؤثمة، مالهوش لازمة وزى قلته قانونًا، ففهمت إن الموضوعين للاستهلاك الإعلامى مش أكتر".
وتابع: "بس لما اعرف إن المحكمة النهاردة حكمت فى قضية الهروب على 3 واحد ميت 2008 والتانى 2009، والثالث فى السجن بقاله 19 سنة، طيب إزاى أقنع زمايلى ف المكتب بعد كل ده إننا نشتغل محامين عادى كده".
يذكر أن محكمة جنايات القاهرة، أحالت اليوم، أوراق 16 متهما فى القضية المعروفة إعلاميا ب"التخابر"، لفضيلة المفتى لإبداء الرأى الشرعى فيما نسب إليهم، فضلا عن إحالة أوراق 106 متهمين، منهم الرئيس المعزول، فى القضية المعروفة إعلاميا ب"الهروب من وادى النطرون"، للمفتى وتحديد جلسة 2 يونيو المقبل للنطق بالحكم على المتهمين مع استمرار حبسهم.
فيما قضت محكمة مستأنف القاهرة للأمور المستعجلة، برئاسة المستشار أسامة صبري، وعضوية وليد عبد الباقي، وأحمد عزيز، وأمين السر حسن القرني، اليوم السبت، بحظر روابط الألتراس على مستوى الجمهورية واعتبارها جماعة إرهابية.
شاهد الصورة: