أزاي تصطادي عريس من الأفراح

علي طريقة علا عبد الصبور, طرحت إحدي الصفحات عبر مواقع التواصل الاجتماعي, تساؤلاً عن "إيه الطقوس اللى ممكن تعمليها كبنت وانتى داخله فرح وفى دماغك تصطادى عريس".
وعلي الفور طرحت العديد من المشتركات عددا من الاقتراحات الحديثة ومنها "بصى يا ستى ... انتى تظبطى نفسك فستان من اللى هو .. و تروحى عند الكوافير تخليه يعمل حبشتكنات من اللى بتعملوها بس بلاش أفورة عشان مكياجك الكتير يدل على ضعف موقفك .. تروحى الفرح و اتحركى كتير .. انتشرى فى المكان", "بلاش تاكلى كتير من البوفيه عشان ليكون فى حد متابعك و يعرف انك طفسه", "بلاش ترقصى عشان لو العريس ليه ميول إخوانية .. خليكى على جميع الحبال السياسيه .. السياسه مبتأكلش عيش .. أى عريس حلو معادا الملحد", "ياكى حد يكلمك فى الفرح و تردى ليقول انك واقعه", "هم حاجه تظهرى كتير قدام الكاميرا عشان اللى هيتفرج على الفرح بعد كدة يشوفك كتير حتى اللى محضرش", "بصصصصى عليه من بعيد اعرفى مكانه ركزى اوى امشى بقى باصه ف ناحيه تانيه اتخبطى فيه اضايقى وبعدين اضحكى وامشى وهو هيجى وراك يتأسف".