نجم يكشف مفاجأة عن شهادات إستثمار قناة السويس

كشف الدكتور ياسر نجم - الباحث السياسي - عن إستدانة هيئة قناة السويس لعدد من المليارات لسد العجز في إقامة المشروع لافتاً إلى أن هذه الديون ستكون عبئاً على شهادات إستثمار القناة .
وقال نجم في تدوينة : بص يا سيدي.. مش هم شفطوا 60 مليار جنيه من مدخرات المصريين في البنوك لحساب المشروع ؟
- مش هم قالوا: المشروع مش هايجيب ايرادات قبل سنة 2023 ؟
- مش هم قالوا: هاندي المواطنين فوايد 12% من ميزانية الدولة وبعدين رجعوا قالوا: هانديهم من ايرادات هيئة القناة ؟
- مش السيسي قال: لازم نخلص المشروع في سنة بدل 3 سنين والخبراء حذروا ان ده معناه زيادة التكلفة أضعاف مضاعفة إلى درجة (خراب البيوت)؟
- مش السيسي قال ان المشروع هايبقى بأيدي مصرية فقط ؟
وأضاف: خد عندك بقى الجديد .. هيئة قناة السويس جابت آخرها من المشروع... هيئة قناة السويس (استلفت من البنوك) 3 مليار جنيه من أسبوعين...ومقدمين على (قرض) جديد ب3 مليار كمان..يعنى 6 مليار في أسبوعين فقط قروض..فوق ال60 مليار..علشان يلاحقوا على مصاريف الشركات (الأجنبية) بكراكاتها اللى استجلبوها علشان ينجزوا.. ولسه المشروع بيقول: يا هادي... والقروض دى طبعاً بفوايد تسدد بالدولار..هاتبقى عبء رهيب فوق عبء فوايد شهادات ال60 مليار.. مش بس كده ؟ أيقنوا انهم مش هايخلصوا المشروع في خلال سنة طبعاً..ده اسمه هلس "بحسب وصفه"
وتابع : اخترعوا حاجه اسمها (المرحلة الأولى من مشروع القناة الجديدة) هايخلصوه في أغسطس..علشان السيسي يتصور وهو بيفتتحه...ويبقى منظره انه نفذ وعده.. "بحسب قوله" .
وأنهى كلامه قائلاً: آه..بالمناسبة.. ده مش نقلاً عن قناة من قنوات الإخوان.. ده كلام مميش شخصياً ورسمياً.. "بحسب تأكيده"