نشطاء يتداولون نصائح لمتظاهري 28: هناك حقن تبطل "الغاز"

تداول نشطاء على مواقع التواصل الاجتماعي عدة نصائح وجههوها لمن ينوون التظاهر غداً الجمعة فيما يعرف ب"إنتفاضة الشباب المسلم" .
وقام أحد الشباب بتقديم نصائح تم تداولها على نطاق واسع كالتالي: عزيزي المتظاهر يوم 28 نوفمبر ان شاء الله.. دي شوية اقتراحات ياريت تاخد بيها وانت نازل

1- ياريت لو تاخد موبايل عادي وتحط عليه الارقام اللي تهمك بس انك تتواصل معاها وبلاش تليفونك السمارت
2- لو مش هتعرف تتصرف في تليفون ومضطر تنزل بتليفونك السمارت حاول تمسح كل الصور والاناشيد والاغاني الثورية وياريت تعمل تسجيل خروج من حساب الفيس وتويتر علشان ما تتسببش في اذية نفسك وغيرك
3- حاول تلبس كوتشي علشان يبقا مريح وكمان يساعدك ساعة الجري لو حصل كر وفر
4- ياريت يكون فيه مكان جيب بسوسته علشان تحط فيه الموبايل والفلوس وتحافظ عليهم انهم يقعوا
5- ياريت البطاقة بس تكون معاك وبلاش اي ورق مكتوب فيه اسماء او مواعيد او ارقام تليفونات
6- اعمل حسابك في خل وبيبسي علشان ضرب الغاز وربنا معاك بقا لو حصل ضرب نار حي
7- حاول ما تنزلش وايدك فاضية خد اي حاجة دافع بيها عن نفسك لو حد اعتدى عليك
8- حاول بقدر الامكان لو حصل تفرق للمسيرة اللي هتكون فيها ماتمشيش لوحدك علشان ما تتمسكش بسهولة
9- فيه نوع حقن مش عارف اسمها دلوقتي بتقلل من حدة الغاز المسيل للدموع ان شاء الله هاجيب اسمها وابقا اعدل البوست بعدين واضيفها
وقبل كل ده صلى الفجر جماعة في المسجد وقول الاذكار واقرأ ولو صفحة من المصحف وصلي ركعتين حاجة وخلي امك تدعيلك وتوكل على الله