"ارمي البنت في التخشيبة واحلق شنبك والبس جيبة".. أبرز الهتافات الإخوانية

ضمن قائمة "200 هتاف" ضد النظام..

في تحد جديد وتأكيدًا على استمرار تظاهراتهم، تداول أنصار جماعة الإخوان المسلمين عبر موقع التواصل الاجتماعي فيس بوك، عبر صفحاتهم، قائمة تضم 200 هتاف ضد السلطة الحالية، بعضها مستحدث.
لم تقتصر الهتافات على انتقاد الرئيس عبد الفتاح السيسي فقط، بل امتدت إلى حكومة محلب بوزراء الخارجية والبترول والأوقاف ووزير الداخلية، بالإضافة إلى بعض الشخصيات القضائية كأحمد الزند رئيس نادي القضاة، والإعلام، كما ركزوا على انتقاد الاوضاع الاقتصادية المتردية.
وجاءت بعض الهتافات كالآتي:
"اسمع صوت الشعب الثاير.. هنكمل ثورة يناير"،"ارمى البنت فى التخشيبة واحلق شنبك والبس جيبة"،"تقطع ميه.. تقطع نور.. تبنى السجن.. تعلي السور.. يومك جاي .. هتغور.. هتغور"، " دم الشهداء غالي غالي.. دم الشهداء المجد العالي"، " دم ولادنا للحرية.. مش لعصابة انقلابية"، " وإن قتلونا في الشوارع.. كل الشعب المصري طالع"، ". وان ضربونا بالرصاص.. إتعلمنا اللأه خلاص"، "العدالة الاجتماعية.. هي فين يا بلديا؟!"، " لسه السرقة زى ماهي.. لسه الرشوة زي ما هي..والبطالة زى ما هي.. والفساد مية لمية"، " العدالة الاجتماعية.. هي طريقنا للحرية"، "حق العامل والفلاح.. هو طريقنا للكفاح"، "محلب ده مش داري.. ب هم الفقراء في الحواري.. شربوا الفقرا المر سنين.. يا ما ليالي باتوا جعانين... شربوا المر وشربوا القهر.. وبيستلفوا طول الشهر... خلوا الفقرا تشوف النور.. زودولهم الأجور"، "ساويرس بيه يا ساويرس بيه .. كيلو اللحمة ب 100 جنيه"، " إخلع كابك بين عارك... تلقي وشك وش مبارك"، ". افرح افرح يامبارك.. السيسي بيكمل مشوارك"، ". أحمد زند يا أحمد زند .... مش هانسيبك لو فى الهند"، "حلق حوش حلق حوش .. كلام العسكر طلع فنكوش"، " يا ابن بلدنا يا شارب المر.. إسمع صوت الثورة الحر"، ". الشعب اتهان الشعب إتذل.. بقت العيشة خل في خل"، " قالوا قد الدنيا وعملوا ندالة .. شفنا خيانة وشفنا عمالة"،"أمن الدولة والاعلام .. النظام هو النظام"،" دسوا الشرع دسوا الدين.. سرقوا حقوق الفلاحين"، ". وعشان يكبر رأس المال.. نازلين دبح فى العمال"،" وآدى سياستهم ع المكشوف.. جوع وبطالة وزرع الخوف" " مش عايزين شحاتة دولية.. ولا من دبي والسعودية"، " لا اله الا الله السيسي عدو الله"، " ياحاكمنا بالزنازين فين الحق وفين الدين"، " ريس مرسي ياما قال خللوا بالكم م العمال"، " ريس مرسي قالها زمان خللوا بالكم م الغلبان"، "يا عصابة طفي التكييف الشعب مش لاقي حق رغيف"، " ياكلوا لحمة وياكلوا فراخ ...واحنا الفول دوخنا وداخ "، " ارفع صوتك زى الناس احنا كرهنا الظلم خلاص"، " صحى الخلق وهز الكون .. مصر بلدنا مش هتهون".