وجه عمر كامل، الطالب بالفرقة الأولى بكلية الحقوق رسالة إلى أسرته من داخل مقر احتجازه في قسم روض الفرج يحكي فيها معاناته منذ أن تم القبض عليه أمام محطة مترو "مسرة " في 28 أغسطس الماضي أثناء تظاهرات "الوايت نايتس". وقال كامل في الرسالة "اول حاجة اتخدت جوه المدرعة مكان مغلق مفيش هواء ولا اى حاجه اضربت بالشوم وبكل حاجه واستحملت لمدة 3 ساعات خلاص مبقتش قادر اخد نفسي من التعب اللى فى المدرعة وبعد كدا روحت قسم روض الفرج قعدنا ساعتين فى حجز بعد كدا اتعرضت على امن الدولة قعدنا 3 ساعات بهدلة خلاص". وتابع "ساعتها جبت اخري مبقتش قادر اشيل نفسي من على الارض نزلت حجز فى اى بي مرحيض فضلت فى لمدة اربع ايام مكنتش بنام ولاباكل ولابدخل الحمام من المكان نفسه انتى عارفة يعني ايه بنام فى المراحيض اقسم بالله كان بيني بين الموت خطوة واحدة ... عدت الايام ونقلونا لحجز الشرابية فى نفس القسم حطوا الالتراس كلهم مع بعض واهي الايام بدأت تمشي وتعدي بصعوبة اوي". وقال إن "دة ملخص الموضوع نفسة لما اخرج انشاء الله هبقا اقولك الحكاية كاملة ابنك شاف بهدله بس البهدلة دي علمتني حاجات كتير اوي اوي وفهمت حاجات كتير (الحمد لله على كل شئ يارب ). شاهد الصور: