أسرار المصريين الدفينة علي تويتر.. بوسة بنت الجيران.. وحضن الغريب.. وسرقة اللعب.. ونصائح الأمهات الطائفية

* قررت أبوس بنت الجيران...بعدين أخوها الكبير عرف وقرر إن الجزاء لازم يكون من جنس العمل
* وأنا صغير اتعزمت على عيد ميلاد زميل من أبناء المليارديرات و سرقت عربية بزمبلك شوفتها
* اعتراف: نفسي أبقى ولد ودا سبب حقدي عليهم .. وأخر :مليش صاحب وبندل معاهم كلهم.. وثالث :حاسة إني ملبوسة
* مسلم : ماما وأنا صغير كانت بتقول لي ما تصحابش مسيحيين دول بتوع مصلحتهم
* ومسيحي : ماما وأنا صغير برضه كانت بتقولي ما تصحبش مسلمين دول بتوع مصلحتهم
كتب – محمد العريان :
أسرار المصريين الدفينة ” هاش تاج ” دشنه مشتركون في الموقع الاجتماعي تويتر صباح اليوم ، كشف فيه المشتركون عن أسرارهم المخفية التي كان من الصعب اطلاع الآخرين عليها ، وعلق بعضهم إن من لم يفرح بستر ربنا لا يستحقه في حين قال آخرون ” مش قادر امسك نفسي عن الكتابة ” وتحول ” الهاش تاج ” إلي ما يشبه ” برنامج ” اعترافات ليلية ” الذي كانت تقدمه الإذاعة المصرية ، قال احدهم ” بعد الهاش تاج ده أنا حاسس إني طبيعي جدا “. وقالت إحداهن ” كنت وأنا صغيرة برن جرس الباب ع الناس واجري ودايما اختار سكان الدور الأول عشان الحق اهرب” .. وفيما اعتبره البعض أنه محاولة تنفيس لكن كثير من الأسرار جاءت كاشفة لطريقة تفكير المجتمع وطريقة تفكير أبنائه فإلى أسرار المصريين كما قرروا طرحها على تويتر
وقالت أخرى “ كنت فاكره بقلظ شخصيه حقيقيه و لما عرفت انه عروسه اتصدمت”
وقال اخر ” باحب اركب الميكروباصات المفتوحه دى و اقعد على الحرف ويبقى نصى طالع بره الميكروباص -للعلم عندى عربيه”
كنت زمان لما اجى أتفرج على فيلم ابيض واسود واشوف البطل بيبوس البطله افتكر انها كدا هتحمل منه وتجيب عيال اه والله
مليش صاحب وبندل معاهم كلهم
نفسى أبقى ولد، و يمكن ده سبب حقدى عليهم
وأنا صغير اتعزمت على عيد ميلاد زميل من أبناء المليارديرات يسكن فى قصر فخم.و سرقت عربية لعبة.كانت اصغر عربية بزمبلك شوفتها
أنا انطوائية جدا و معقدة و غالبا عندى انفصام فى الشخصية و ساعات بحس انى ملبوسه:
أنا بعشق اغنية “أنا لازم اذلهم” لحكيم !
بقرف أوي من البنات اللي حاطة منوكير ويقشر ومتشيلوش
كنت هابوس واحدة معايا فى الكورس بس خفت علشان كانت شايلة سلف ديفنس
كنت حرامي وأنا صغير وأمي قفشتني كذا مرة
اجمل احساس باحسه لما اغيظ حد ببقى مستمتعه اوى
حاسة ان معنديش الجرأة اللي تخليني اكتب حاجة مع إني في حاجات كتير عليا
ال هاش تاج قلب جلسه اعتراف علاج جماعي
كنت بحب واحدة متجوزة وأنا عندي 6 سنين
على طول ببين إني بكره تامر حسني ، بس ليه أغاني بحب اسمعها بصراحة اوى زي حضن الغريب
عملنا عصابه واحنا في هاي سكول وكنا بنسرق عربيات المدرسين بتوعنا او نبوظها
ممكن ارجع لو شفت شعر فى جسم واحدة فى اى مكان غير راسها و رموشها و حواجبها
قررت أبوس بنت الجيران...بعدين أخوها الكبير عرف وقرر ان الجزاء لازم يكون من جنس العمل
ماما وأنا صغير كانت بتقول لي ما تصحابش مسيحيين دول بتوع مصلحتهم
أما أنا ماما وأنا صغير كانت بتقولي ما تصحبش مسلمين دول بتوع مصلحتهم برضه
عمرى ما حسيت انى بنى آدم طبيعى
ممكن اعمل حاجات، لو شفت غيري بيعملها هنتقده
كان فيه عيل معايا ف ثانوي كنت بديله جنيه يجيبلي فطار من برة المدرسة 2فول و2 طعمية .. دلوقتي ف شرطة
ده أنا طلعت ملاك
ابتديت اصوم رمضان من ثانوي وعمري ما صومته كامل
معظم الناس بتتخدع فيه وبيشوفوني هاديه وملاك مع إني أنا انسانه عصبيه جدا وبصراحه انانيه
أقدر أوي الراجل اللي يرجع غطا التواليت لتحت بعد ما يستخدمه
ساعات لما حد يتصل بيا غلط ويطلب استاذ فلان او فلانة اقوله هو خرج او خرجت وسابو الموبايل فى البيت ولما يرجعو حيكلموه”
عندي إحساس بالنقص إني اتولدت بنت،أغلب اخطائي أنا سببها مش بس تربيتي المعقدة
كنت بجيب شعرى على جنب لحد تالتة اعدادى
الهاش تاج ده محبة من عند الله – حبوا بعض – اعشقوا بعض – موتو في دباديب بعض – حبوا من قلوبكم يا بشر
لما بتزنق في مناديل .. بنفّ في البيجامة
الرجل المصري يعتقد أن الجلوس في البلكونه باللباس الأبيض و الفانله الحمالات و كوب الشاي يزيده إثارة
كان نفسى يكون اسمى حاجة تانية غير احمد
بروح اشتري شاورمة مخصوص من محل عشان الراجل لبناني وبيقولي ”أهلا وسهلا حبيبتي”
المتصفح بطيء وأنا بدأت أنام .. بس هاش تاج ريحني اوى ححكي عنه لأصحابي وحيفتحوا افواههم في بلاهة اللي مش فاهم اي حاجة
أى حاجة بتمشى بنام فيها