ننشر كل "القفشات" التي قيلت عن خسارة المنتخب من تونس

أثارت خسارة المنتخب المصري من نظيره التونسي بهدف للاشئ في التصفيات المؤهلة لكأس الامم الافريقية 2015 بالمغرب موجة ساخرة غير مسبوقة .
ونالت السخرية السياسية النصيب الاكبر كالتالي:
- المنتخب المصرى محتاج 10 مليار عشان يرجع يكسب ومحتاج 5 مليار على جنب كده
- يابيه إحنا كنا مشطفين افريقيا فى الكورة رايح جاى بقينا حصالة القارة حضرتك ,يعم مش احسن ما نبقى زى سوريا والعراق.
- المنتخب من غير اخوان ميجبش أجوان ... ربنا يمسيك بالخير يا تريكه .
- بس بجد يعني بجد انا فرحان فرحة عارمة لخسارة منتخبنا الوطني انهاردة .. فرحان في شوبير و مرتضي اللي اتشتموا في المدرج من الجمهور المحترم اللي بينادوا بيه و هيحضر الماتشات بالبطاقة .. فرحان في الجمهور اللي اتضرب من الداخلية عشان شتموا و ده في نظر الدولة اعمال شغب .. فرحان فيهم عشان استسلموا لنظام الدولة الحقير في تقييد حريتهم و ربط فرجتهم علي "ماتش كورة" ببطاقة و ناقص يكتبوا جنب بياناتهم لون ملابسهم الداخلية ايه .. فرحان فيهم لأن كمان مش ديه شكل الكورة المصرية ولا جمهورها ولا اي حاجة .. احسن احسن احسن و الدنيا دوارة و بتلف والله.
-تونس لحد دلوقتي كسبتنا في ثورة وماتش
- وقال الناشط الحقوقي هيثم ابو خليل: سر يذاع لأول مرة عن سبب هزيمتنا من تونس دون شماتة وحركات صغيرة :
وزير الرياضة كان مرشح علي قوائم الإخوان في نقابة المهن الرياضية !!
إعلام رسمي إستايل وعلي غرار قطع الكهرباء سببه ان وزير الكهرباء كان مرشح علي قوائم الإخوان في نقابة المهندسين !!
- وقال ناشط تونسي: لم أفرح بالفوز في مباراة كرة قدم بقدر فرحي اليوم .. إنتصار سياسي بإمتياز .. واجه أسودنا الإنقلاب
تحيا جمهورية مصر ويسقط يسقط حكم العسكر.
فيما نالت السخرية الإعلامية المركز الثاني حيث وضع النشطاء تصريحات تخيلية تحاكي كلمات شهيرة للإعلامين كالتالي:
- أحمد موسى : شوقي غريب خلايا إخوانية نائمة
- عكاشة : محمد صلاح طابور خامس
- لميس : إزاي بديع والشاطر رشوا الاعبين وهما في السجن هتقوليلي المرادي برضه أنفاق !
- عبدالرحيم علي : أملك مستندات تؤكد إن عصام الحضري على علاقة بالبرادعي ويتأمرون على السيسي
- شوبير : ليه ليه ليه بتكرهوا الناس في السيسي ليه ليه؟
فيما حاول البعض محاكاة التصريحات السياسية للسيسي علي لسان شوقي غريب حيث قال الناشط وليد طلعت :

عاجل | شوقي غريب بعد الهزيمة من تونس:
- أنا مش مش عايز اكسب .. أنا مش قادر اكسب
- احنا محتاجين 78 مليون جنيه علشان نقدر نكسب على ملعبنا ، 167 مليون علشان نكسب برة ، 247 مليون للوصول لكاس أفريقيا ، 2 مليار للوصول لكأس العالم
- أنا ما وعدتش بحاجة علشان محدش يجيلي بعد سنة ويحاسبني
- أنا محتاج 126 لاعب محترف علشان اعرف اختار
- المنتخب قدامه 25 سنة علشان يلعب كورة حقيقية
- احنا كنا بنتدرب ع الناشف .. علشان كدة خسرنا
- أنا عايز تحت إيدي 100 مليون على جنب اصرف منهم زي ما أنا عايز .. وهتدفعوا يعني هتدفعوا
لمشاهدة بعض الصور: