يوميات صايمة مفروسة.. (وداع رمضان.. ودموع غزة)

هل هلالُه وجانا .. وإيه!!
شهر الفرحة وويّا الفرحة..
حبة هدّة.. إنما إيه
بص يا باشا وبص يا بيه..
قرب شهر الصوم يهجرنا
أيوة خلاص خِلصت أيامه
وأنا حزنانة بل قهرانة
كل عيال الحتة ليلاتي
عاملين هيصة وزيطة ولمة
وصاجات كحك..
طالعة ونازلة
وطعمة.. طعامة
يا سلام لما الريحة بتطلع
تملا كل بيوت الشارع
والأفران طوابير طوابير..
كلها يوم والتاني وتلقى هلال العيد
كلها يوم والتاني وتلقى..
أهو جانا العيد
بس العيد السنة.. حزنان
أيوة العيد باكي وأسيان..
زعلان لما يلاقي فقير..
واقف حيران
أو مسكين مش لاقي يجيب للبنت النونو..
جزمة جديدة،
توكة شعر.. أو شنطة وحتة فستان
أيوة العيد السنة حزنان..
غزة بكل صمودها تشوفها..
بكل بيوتها الواقفة عفية
صابرة أمام هذا الطغيان..
دم ولادها السايح بحر..
ورد شبابها..
وشمس صباجها الداكنة أهية..
واقفة بتنعي
شهدا كتار
أيوة بتبكي وتصرخ جامد
بس حقيقي
صامدة وصابرة

أيوة لعيد السنة دي يا عالم ..
طعم العلقم!
والكحك السخن ف كل صاجات العرب
الآن..
أصبح مرْ!